НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » » ҙур спорт тирәләй

ҙур спорт тирәләй


Руслан Нуретдинов «Себер»гә юлланды
ҙур спорт тирәләй
«Салауат Юлаев» хоккей мәктәбе тәрбиәләнеүсеһе, заманында СКА, «Метал­лург» (Мг.), «Неф­те­химик», «Аҡ барс», «Амур», «Север­сталь» һәм өфөләр өсөн сығыш яһап, ике тапҡыр Рәсәй чемпионы булған һөжүмсе Руслан Нурет­динов «Себер» менән килешеү төҙөнө.
33 йәшлек хоккейсы уҙған миҙгелдә «Северсталь» клубы өсөн уйын башлап, беренселек барышында «Нефтехимик»ҡа күскәйне. Улар составында 29 осрашыуҙа 9 (3+6) мәрәй йыйған.

Максим Сушинский бушлай уйнарға ла әҙер

Билдәле хоккейсы, Рәсәй йыйылма командаһы һө­жүм­сеһе Максим Сушинский эш эҙләү өҫтөндә баш вата.
Уҙған миҙгелдә 38 йәшлек ветеран бәхетен Швейцарияның «Фрибург» клубында эҙләп маташты. Хәҙер, аптырап, бушлай уйнарға ла әҙер. Үҙе әйтмешләй, башҡа командалар өсөн түгел, ә тик СКА өсөн.

Эльбрус Ниғмәтуллин ете трамвайҙы һөйрәгән

Билдәле башҡорт бәһлеүәне, донъяның иң көслө кешеһе статусын йөрөткән спортсы Эльбрус Ниғмәтуллин йәнә донъя рекорды ҡуйҙы.
Ул Силәбелә ете трамвайҙан торған составты урынынан ҡуҙғатып, ете метрға һөйрәгән. 136 килограмм ауырлыҡта булған яҡташыбыҙ һөҙөмтәлә 115 тоннаға торошло составты ҡуҙғатҡан. Киләсәктә тағы бер рекорд ҡуйырға әҙерләнә. Йыл аҙағына тиклем Өфөлә электропоезды буксирға алырға ниәтләй.

«Өфө»ләр «Салют»тың традицияһын боҙҙо…

«Өфө» футбол командаһы Рәсәй чемпионатының дүртенсе осрашыуын үҙ майҙанында Белгород ҡалаһының «Салют» футболсылары менән үткәрҙе.
Быға тиклем ҡунаҡтар дүрт уйында тигеҙ иҫәпкә уйнап, уртаса күрһәткескә өлгәшкәйне. Был юлы ла бәйге тигеҙ үтте, тик «Салют»тың хаталаныуы 82-се минутта голға килтерҙе. Хужалар пенальтиҙы оҫта файҙаланып, еңеүгә ирешә һәм туғыҙ мәрәйе менән лидерҙар төркөмөнә һыйына. Бөгөн «Өфө»ләр Волгоградта урындағы «Ротор» менән уйнаясаҡ.

Александр Кержаков уянды…

Санкт-Петербургтың «Зенит» командаһы Данияла Чем­пиондар лигаһының квалификацион раундында «Норд­шелланнон» клубы менән тәүге осрашыуын үткәрҙе.
Ҡунаҡтар ҡайһы бер осраҡта өҫтөнлөк итһә лә, тырышлығын һөҙөмтәгә ашыра алмай ыҙаланды. Тик икенсе таймда ғына инде һигеҙ ай буйы уңышҡа ирешә алмаған билдәле һөжүмсе Александр Кержаков иҫәпте асыуға өлгәшә. Бәйгегә Рәсәйгә киренән әйләнеп ҡайтҡан билдәле футболсы Андрей Аршавин да сыға. Ул да бер аҙ үҙен әҙерәк иҫкә төшөрөп, дәғүәсенең ҡапҡаһы алдында ҡурҡыныс мәл тыуҙыра.
Шулай итеп, «Зенит», минималь иҫәпкә булһа ла еңеү яулап, киләһе осрашыуға өҫтөнлөк менән сығасаҡ.

Алһыу ИШМӨХӘМӘТОВА.

Сығыу ваҡыты 2-08-2013, 11:48 | Ҡаранылар: 744
|
  • Кемгәлер Сочи, ә кемгәлер плей-офф...
  • ҙур спорт тирәләй
  • ҙур спорт тирәләй
  • ҙур спорт тирәләй
  • ҙур спорт тирәләй
  • Информация

    Комментировать статьи на сайте возможно только в течении 4 дней со дня публикации.


  • Исемең матур, кемдәр ҡушҡан, Һине күреп кем туйған…
  • Дилә ИШБАЕВА.
  • “Кеше үлемендә минең дә ғәйебем бар...”
  • Үҙҙәре «һауын»ға әйләнеп бара...
  • Үәт, ҡыҙыҡ! (3.11.2017)
  • Донъяһына күрә түрәһе
  • Ләйсән Ҡаразбаева хәбәр итә:
  • Бала тәрбиәләүсе ғаиләләр өсөн ташламалар һәм пособиелар
  • Кешегә исем бүләк итәләр
  • Иҙел бит ул...



  • Радио Юлдаш FM