НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » » Ергә етди ҡараш кәрәк

Ергә етди ҡараш кәрәк


Ергә етди ҡараш кәрәк
Рәсәй реестр хеҙмәтенең («Росреестр») БР буйынса идаралығы етәксеһе урынбаҫары Ленара ДЕГТЯРЕВА халыҡты борсоған һорауҙарға яуап бирә.

– Дәүләт ер надзорында ниндәй хоҡуҡ боҙоуҙар күҙәтелеүе мөмкин?

– Документта күрһәтелгәндән ҙурыраҡ биләмәне файҙаланыу, ер биләмәһен рәсми рәүештә теркәмәү, уның маҡсатлы тәғәйенләнешен боҙоу һәм башҡалар. Мәҫәлән, ерҙе шәхси торлаҡ төҙөү өсөн теркәгәндәр, ә унда магазин бинаһы урынлашҡан.
– Минең күршем йорттар араһындағы тыҡрыҡтың бер өлөшөн баҫып алды. Был осраҡта закон буйынса ниндәй яза ҡаралған?
– Дөйөм ҡулланышта булған ерҙе баҫып алған осраҡта физик шәхес административ язаға тарттырыла – уға штраф һалына һәм законды үтәүҙе талап иткән күрһәтмә тапшырыла. Физик шәхестәр өсөн минималь штраф 5 мең һум ҡарал­ған. Ғәҙәттә, штраф күләме документһыҙ файҙаланылған ер биләмәһенең кадастр хаҡынан сығып билдәләнә.
– Ер закондарын боҙоу асыҡланһа, уларҙы юҡҡа сығарыу өсөн күпме ваҡыт бирелә?
– Был хаҡта закон боҙоусыға тап­шырыл­ған күрһәтмәлә әйтелә. Законды һанламау асыҡланһа, ҡағиҙә булараҡ, 6 ай ваҡыт бирелә. Был ваҡыт арауығы законһыҙ биләгән ер биләмәһен бушатыу йәки законға ярашлы рәсмиләштереү өсөн етерлек. Әгәр ҙә, ниндәйҙер сәбәп буйынса, законды боҙған граждан уны үтәп өлгөрмәй икән, ваҡытты оҙайтыуҙы һорап мөрәжәғәт итә ала.
– Ер биләмәһе шәхси торлаҡ төҙөү өсөн арендаға бирелгән. Тик унда төҙөлөш бармай. Бының өсөн ниндәй яза ҡаралған?
– Шәхси торлаҡ төҙөү өсөн алынған ер биләмәһен файҙаланмаған өсөн административ штраф һалыу ҡаралған. Әгәр ҙә биләмәнең кадастр хаҡы билдәле булһа, уның 1 – 1,5 проценты күләмендә, тик 20 мең һумдан артмаған штраф һалына. Ә инде ерҙең кадастр хаҡы билдәле түгел икән, штраф күләме – 20 меңдән алып 50 мең һумға тиклем.
– Ер биләмәһендә декларацияланған майҙан бар, йәғни межалау процедураһы башҡарылмаған. Был административ хоҡуҡ боҙоуға инәме?
– Юҡ, ер участкаларын межалау йәки сиктәрен аныҡлау биләмә хужаһының теләге буйынса башҡарыла.
– Күршем гараж төҙөнө, минеңсә, ул 40 – 50 сантиметр еремде баҫып алды. Контроль-күҙәтеү органдарына мөрәжәғәт итһәм, уны ниндәй эҙемтәләр көтә?
– Граждандарҙың мөрәжәғәте буйынса пландан тыш тикшереүҙәр ойошторола. Хоҡуҡ боҙоуҙар асыҡланһа, күрһәтмә тапшырыла һәм ғәйепләнеүсегә, РФ Административ хоҡуҡ боҙоуҙар кодексының 7.1 статьяһына ярашлы, 5 мең һум күләмендә штраф һалына.
– Дүрт йыл элек шәхси торлаҡ төҙөү маҡсаты менән һатып алған ер өсөн штраф һалыу законлымы? Участкала бер ни ҙә төҙөлмәгән…
– Әгәр ҙә шәхси торлаҡ төҙөү өсөн тәғәйенләнгән ер биләмәһе 3 йылдан ашыу файҙаланылмай икән, был РФ Ер кодексының 42-се статьяһы талаптарын боҙоуҙы аңлата. Тикшереүҙән һуң, Ер кодексының 71-се статьяһы нигеҙендә, законды үтәү өсөн ваҡыт билдәләнә һәм күрһәтмә тапшырыла. Шулай уҡ административ яза – 20 мең һум күләмендә штраф ҡаралған.
– Быйыл 1 ғинуарҙан хоҡуҡ теркәлгән, тик межаланмаған ер участкалары менән файҙаланыу һәм идара итеү тыйыла, тигән хәбәр йөрөй. Был дөрөҫмө?
– Юҡ, был дөрөҫ түгел. Бөгөн Берҙәм дәүләт күсемһеҙ милек реестрында теркәлгән, тик сик координаттары хаҡында мәғлүмәт булмаған ер биләмәләренә хоҡуҡ теркәүҙе туҡтатыу нигеҙһеҙ. Сиктәре аныҡланмаған биләмәне һатыр­ға иҫәп тотаһығыҙ икән, бының өсөн дә ҡаршылыҡтар юҡ. Шулай ҙа «Росреестр» ваҡытында межалау сараһын күрергә саҡыра. Был күршеләр менән аңлашылмаусанлыҡтан ҡотҡарыр.

Л. ҒӘЛИМЙӘНОВА әҙерләне.

Сығыу ваҡыты 27-02-2018, 09:38 | Ҡаранылар: 159
|
  • Шыршыларҙы ҡырҡмағыҙ!
  • Ата-әсә, «комендант сәғәте» тураһында онотма!
  • Һунарсылыҡтағы яңы ҡағиҙәләр
  • Күптән кәрәк ине!
  • Артыҡ 1500 һумың булһа, әйҙә, тарт
  • Информация

    Комментировать статьи на сайте возможно только в течении 4 дней со дня публикации.


  • Мүк өҫтөндә бөрлөгән (Хикәйә)
  • Дилүзә БАЙСУРИНА
  • Изгелек ерҙә ятып ҡалмай
  • «Шундай матур, шундай йылы Уйлап сығарған донъям…»
  • Балаларығыҙ хаҡына үҙегеҙҙә ҡайғығыҙҙы еңерлек көс табығыҙ
  • 10 июнь – Ҡәҙер кисе
  • Билдәле актер Азамат Хәлилов вафат булды
  • Тырыштар уңышҡа өлгәште
  • Үәт, ҡыҙыҡ! (8.06.2018)
  • Бала ҡуйындағы йыланға әйләнмәһен



  • Радио Юлдаш FM