RSS-подписка facebook facebook Вконтакте Вконтакте
» » Декрет ялында яңы һөнәр өйрәнгән

19.08.2019 Декрет ялында яңы һөнәр өйрәнгән

Эш араһында өҫтәмә табыш алған йәки өйҙә ултырып, үҙ йүнен үҙе күргән хужабикәләргә ҡарап һоҡланам. Өйөндә генә торт бешереүсе кондитер, фотограф, сәс ҡырҡыусы, тырнаҡ оҫтаһы, тегенсе, биҙәүестәр яһаусыларҙың бик күп булыуын беләбеҙ. Амбициялы, үҙ-үҙенә ышанған тырыштарҙың аҡса эшләү мөмкинлеге бар хәҙер. Социаль селтәрҙәрҙә үҙ төркөмөн булдырып, һәр кем күңеленә ятҡан һөнәр менән шөғөлләнә ала.

Хеҙмәттәрҙең һәм йүнәлештәрҙең төрлө булыуынан күҙ ҡамаша: хендмейд, йәғни ҡул эше XXI быуат эшҡыуар­лығының бер тө­рөнә әйләнде. Бәйләү, бижутерия, ағас һыр­лау, тиренән әй­берҙәр тегеү һәм башҡа йүнәлеш­тәрҙә яңы цифрлы технологиялар, 3D принтер хенд­мейд­ҡа ярҙамға килә.

Өфө ҡалаһында йәшәүсе ике бала әсәһе Көнһылыу Хәсәнова ла декрет ялында ғаилә бюджетына ярҙам итергә теләй. Ҡатын термоярлыҡтар, исемле биркалар, открыткалар, шокобокстар, календарҙар эшләү менән шөғөлләнә.

– Декрет ялы минең өсөн эҙләнеүҙәр мәле. Тәүге балам Данис менән ялда булғанда төрлө өлкә менән ҡыҙыҡһындым: бәйләү, сигеү, һабын ҡайнатыу һәм башҡа шөғөлдәр менән мауыҡтым. Ә был эшемде уйламағанда башлап ебәрҙем. Мәктәптә эшләгәндә принтер менән ноутбук алғайныҡ. Мин декретҡа сыҡҡас, улар оҙаҡ ваҡыт эшһеҙ ултырҙы.

Кемдер, принтер тик ултырһа, боҙола, тигәс, яйлап фотолар сығара башланым. Махсус программалар өйрәнеп алып, заказға календарь, открытка, туй гәзите, саҡырыу ҡағыҙы кеүек әйберҙәр эшләй инем. Башта туғандарға ғына эшләнем, һуңыраҡ интернет селтәрендә төркөм асып, эштәремде бүтәндәргә лә тәҡдим итә башланым, – тип һөйләй Көнһылыу.

Яйлап ул шокобокстар (китап рәүешендә йәки пенал кеүек шоколадлы открыткалар) яһауҙы үҙләштерә. Үҙенсәлекле, ҡа­батланмаҫ бүләк яһар­ға теләүселәр шокобоксты һайлай. Шоколад дизайнлы ҡаптарға төрөлә, уларҙың һәр береһенә изге теләк яҙыла.

Тора-бара балалар өсөн “метрика”, эш­ҡыуарҙарға визитка кеүек әйберҙәр эшләй башлай. Бер йыл элек кенә бөтөнләй ят булған компьютер дизайнын үҙләштереүгә ныҡлап тотона.

Ҡыҙы балалар баҡсаһына йөрөй башлағас, кейемдәрен ни рәүешле итеп билдәләргә икән, тигән һорау тыуа. Яслелә күп ата-әсә был мәсьәләгә юлыға: сөнки бәләкәс әлегә үҙенең кейемен таный белмәй, ә тәрбиәсегә, утыҙлаған бала араһында, был икеләтә ҡыйын. Әй­берҙәр буталып бө­тә, бигерәк тә гимнастика өсөн бер иш форма булған ос­раҡта. Ҡатын да баш­ҡалар кеүек ке­йемгә Сафияның исе­мен йә сигеп, йә ручка менән яҙып ҡуя. Тик был ысулдар һис тә оҡшамай, сөнки береһен сигеүе оҙаҡ, икенсеһе кейемде бысрата.

Берҙән-бер көндө интернетта тер­моярлыҡтар тәҡдим иткән сайт күҙенә салына. Көнһылыу уларҙы яһарға өйрәнеү теләге менән яна башлай. Тырышҡан – ташҡа ҡаҙаҡ ҡаҡҡан – күп эҙләнеүҙәр, хаталаныуҙар һәм йоҡоһоҙ төндәр аша маҡсатына ирешә.



Бөгөн ул тәҡдим иткән термояр­лыҡтар ата-әсәләр араһында бик популяр. Уңайлы ярлыҡты үҙең теләгән телдә һәм балаңдың яратҡан әкиәт персонажы менән яһатып алырға мөмкин. Иң мөһиме, хаҡы ҡиммәт түгел.



Көнһылыу Баймаҡ районының Түбәнге Таһир ауылында тыуып үҫкән. Мәктәпте көмөш миҙал менән тамамлап, М. Аҡмулла исемендәге Башҡорт дәүләт педагогия университетында белем ала. Юғары уҡыу йортон да ҡыҙыл дипломға тамамлай. “Тормошта үҙ урынымды тапҡансы күп эҙләнергә тура килде, төрлө өлкәлә эшләп ҡараным – китап магазинында, балалар баҡсаһында, мәктәптә, бер аҙ гәзиттә лә тир түктем. Хендмейд ваҡытлыса ғына тип ҡарайым. Алла бирһә, быйыл эшемә сығырға йыйынам”, – ти тырыш ҡатын.



Автор: Л. Хәлитова
Фото: Автор фотоһы




Комментарий өҫтәргә


    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent


Оҡшаш яңылыҡтар



Алма ҡағы

17.09.2019 - Махсус биттәр Алма ҡағы


Йондоҙнамә (16-22 сентябрь)

16.09.2019 - Махсус биттәр Йондоҙнамә (16-22 сентябрь)


Урмансы Илнур

15.09.2019 - Махсус биттәр Урмансы Илнур


Телеңде йоторлоҡ! Тултырылған сөгөлдөр һәм чипсы

Гүзәл булайым тиһәң, “Актриса” матурлыҡ студияһына бар!

Йондоҙнамә (9-15 сентябрь)

09.09.2019 - Махсус биттәр Йондоҙнамә (9-15 сентябрь)


Яратҡан шөғөл ялҡытмай

03.09.2019 - Махсус биттәр Яратҡан шөғөл ялҡытмай


Йондоҙнамә (2 – 8 сентябрь)

02.09.2019 - Махсус биттәр Йондоҙнамә (2 – 8 сентябрь)


Ҡул сәғәте оҙаҡ йөрөһөн тиһәгеҙ…

30.08.2019 - Махсус биттәр Ҡул сәғәте оҙаҡ йөрөһөн тиһәгеҙ…


Ниндәй автомат кер йыуыу машинаһы алырға?

Ир аҫылы эштә беленә

28.08.2019 - Махсус биттәр Ир аҫылы эштә беленә


Телеңде йоторлоҡ! Йәшелсәнән ашамлыҡтар

Йондоҙнамә (26 август -1 сентябрь)

26.08.2019 - Махсус биттәр Йондоҙнамә (26 август -1 сентябрь)


Таҙа нәски булһа

26.08.2019 - Махсус биттәр Таҙа нәски булһа


Бала күңеленә һеңгән матурлыҡ

23.08.2019 - Махсус биттәр Бала күңеленә һеңгән матурлыҡ


Һөнәрленең ҡулы алтын

21.08.2019 - Махсус биттәр Һөнәрленең ҡулы алтын


Диана матур булыу серҙәрен белә

16.08.2019 - Махсус биттәр Диана матур булыу серҙәрен белә


Ҡарбузды ла белеп ашайыҡ

14.08.2019 - Махсус биттәр Ҡарбузды ла белеп ашайыҡ


"Йондоҙло табын" - Рәзидә ӘХМӘТОВА

13.08.2019 - Махсус биттәр "Йондоҙло табын" - Рәзидә ӘХМӘТОВА


Йондоҙнамә (12-18 август)

12.08.2019 - Махсус биттәр Йондоҙнамә (12-18 август)


Телеңде йоторлоҡ!

07.08.2019 - Махсус биттәр Телеңде йоторлоҡ!


Йондоҙнамә (5-11 август)

05.08.2019 - Махсус биттәр Йондоҙнамә (5-11 август)


Шәңге бешер байрамға, нур өҫтәлер табынға

Йәйҙең тәме – банкаларҙа

31.07.2019 - Махсус биттәр Йәйҙең тәме – банкаларҙа