28.08.2010 Бүләгегеҙҙе алып ҡыуандым
Һаумыһығыҙ, хөрмәтле «Йәшлек» гәзите хеҙмәткәрҙәре!
Һеҙгә оло рәхмәт белдереп, хат ебәреүсе ҡырмыҫҡалы районының Бишауыл-Уңғар ауылында йәшәүсе, йәштәр гәзитен яратып уҡыусы Әнисә Ислам ҡыҙы Меркулова булыр. Мин «Йәшлек»-фараз»ға яҙғайным да, күберәк тираж яҙып ташлағанмын. Үҙемдең исемемде гәзиттә уҡығас, эй, шатландым инде, еңеүселәр араһында районыбыҙҙан минең генә исем бар ине бит. Ул бүләкте ҡайһылай ғына итеп барып алырға инде, тип йөрөһәм, хат ташыусы ҡыҙым Гөлнәзирә йүгереп килеп инде лә: «Инәй, бүләгең килгән бит», – тине. Эй, һөйөндөм инде. Өйгә ингәс тә дискыны ҡуйып ебәрҙек һәм йырҙарын рәхәтләнеп тыңланыҡ.
Гәзитегеҙ бик шәп сыға, рәхмәт. ҡайһы бер материалдарҙы ҡат-ҡат уҡыйым. Күберәк хикәйәләр баҫтырһағыҙ, тағы ла шәп булыр ине.
Һеҙҙең барығыҙға ла эшегеҙҙә уңыштар, ғаилә бәхете, ә иң мөһиме – сәләмәтлек теләп ҡалам.
Киләһе 2011 йылға ла яратҡан гәзитемә яҙылырға тип торам.
Әнисә Меркулова.
ҡырмыҫҡалы районы,
Бишауыл-Уңғар ауылы.
Оҡшаш яңылыҡтар
