RSS-подписка facebook facebook Вконтакте Вконтакте
» » Ҡатынымдан наҙ етмәй

08.01.2018 Ҡатынымдан наҙ етмәй

Ҡатынымдан наҙ етмәйМиңә – егерме туғыҙ, ә ҡатыныма егерме ете йәш, ике йәш ярымлыҡ ҡыҙыбыҙ үҫә. Өйләнешкәнебеҙгә өс йыл.
Йылдан ашыу инде юҡ-барға тиҙ тоҡанып китеүсәнлегемде, ҡатыныма бәйләнсек була барыуымды һиҙәм. Быға тиклем кәләшемдең холҡондағы кире яҡтарын һиҙмәгәнмендер, ә бәлки, уның ысын йөҙө асыла башлағандыр. Ғаиләләге был хәл йыш ҡына үпкәләшеүҙәргә, иреш-талаштарға барып етә башланы. Элекке һөйкөмлө, нәфис ҡыҙҙан ул ҡатын-иргә әйләнде. Тупаҫ һөйләшә, фекерем менән бөтөнләй иҫәпләшмәй. Донъяға бөтөнләй икенсе ҡарашта. Хужабикә булараҡ уға тик “афарин” тип кенә әйтергә була. Ҡыҙыбыҙ бәләкәй булыуға ҡарамаҫтан, ашарға һәр ваҡыт әҙер, өйҙә таҙа. Ә былар миңә бик мөһим дә түгел һымаҡ, унан иғтибар, наҙ ғына кәрәк. “Бөтә проблемаларҙы үҙең эҙләп табаһың, үҙең бәйләнәһең”, – ти ҡатыным. Ғаиләмдә нисек тыныслыҡ урынлаштырырға?
Илсур.
Өфө ҡалаһы.

Ҡатын менән ир араһындағы мөнәсәбәттәр һәр ваҡыт ябайҙан булмай, ғәйепте лә ике яҡтан эҙләргә кәрәк. Әйҙәгеҙ, ҡатынығыҙҙы битәрләмәй генә, иғтибарҙы үҙегеҙгә йүнәлтеп ҡарайыҡ. Ҡатынығыҙҙан наҙ һәм һөйөү етмәүгә, ул абруйығыҙҙы һанламауға зарланаһығыҙ. Беренсенән, ауырлы йөрөү, бала табыу сәбәпле, гүзәл затта психологик үҙгәрештәр булыуы мөмкин. Ул хәҙер әсә, уның төп бурысы – баланың хәүеф­һеҙлеген һаҡлау, хәстәрләү, уға һөйөү бүләк итеү. Ошо фонда улар икенсе вазифаһын – ир ҡатыны булыуын йыш ҡына онота. Нимә эшләргә? Был тик ҡатынығыҙҙың ғына эске торошо. Ипләп кенә үҙегеҙҙең уй-кисерештәрегеҙҙе, мөнәсәбәттәрҙә нимә етмәүен белдерегеҙ.
Икенсенән, үҙегеҙ ҡатынығыҙға етерлек кимәлдә иғтибарлыһығыҙмы? Уға ҡасан һуңғы тапҡыр сәскә бүләк иткәнегеҙҙе, наҙлы һүҙҙәр әйткәнегеҙҙе иҫләйһегеҙме? Уға ла һөйөүегеҙҙе, хәстәрегеҙҙе, һеҙгә кәрәк икәнлеген тойоп йәшәү бик мөһим. Икәүләп кафеға (кино, спектакль һ.б.) барып килегеҙ, ҡатынығыҙҙы ни өсөн яратҡанығыҙҙы иҫкә төшөрөгөҙ. Тормош иптәшегеҙҙең гел кире яҡтарын телгә алып, мөхәббәтте еңел генә юҡҡа сығарыуығыҙ бар. Әгәр ҙә инде тап киреһенсә эшләһәгеҙ, ғаилә усағығыҙ ҡабаттан дөрләр.
Кешене үҙгәртеп булмай, ә бына үҙебеҙҙе ниндәйҙер кимәлдә яҡшырта алабыҙ. Ғаиләгеҙҙә проблема көйләнер, тигән ышаныста ҡалам.

Земфира ҒӘЙФУЛЛИНА,
психолог.







Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Хужабикәгә кәңәш (17.05.2019)

26.05.2019 - Махсус биттәр Хужабикәгә кәңәш (17.05.2019)


Тормоштары күптәргә үрнәк булырлыҡ

Йондоҙнамә (13-19 май)

20.05.2019 - Махсус биттәр Йондоҙнамә (13-19 май)


Пионер булмауыма үкенәм

19.05.2019 - Махсус биттәр Пионер булмауыма үкенәм


Батыр башҡорт ҡыҙы

17.05.2019 - Махсус биттәр Батыр башҡорт ҡыҙы


Йондоҙнамә (13-19 май)

13.05.2019 - Махсус биттәр Йондоҙнамә (13-19 май)


Эх, был чаттар!  Бөтөнләй теңкәне ҡороттолар!

“Йондоҙҙар” рецебы  буйынса шешлек  бешерәйек

Кибеттә нисек алдайҙар?

10.05.2019 - Махсус биттәр Кибеттә нисек алдайҙар?


Ер йылынғас ҡына сәсегеҙ

08.05.2019 - Махсус биттәр Ер йылынғас ҡына сәсегеҙ


Йондоҙнамә (6-12 май)

06.05.2019 - Махсус биттәр Йондоҙнамә (6-12 май)


Милли биҙәкле түбәтәй

05.05.2019 - Махсус биттәр Милли биҙәкле түбәтәй