10.06.2016 Йондоҙнамә (13 июнь - 19 июнь)

Ылаҡ (22.12 – 20.01)
Был арала һеҙҙән түҙемлек талап ителер, моғайын. Ниндәйҙер эштең хәл ителеүен көтөргә тура килер. Аҙнаның икенсе яртыһы күпкә тынысыраҡ үтер. Ашыҡмай, уйлап ҡына эш итегеҙ.

һыуғояр (21.01 – 19.02)
Бөтә көндәр ҙә тыныс һәм тигеҙ үтер. Осор барышында көсөгөҙҙө иң ауыр мәсьәләләргә йүнәлтегеҙ, юҡ-бар менән булышмағыҙ. Шаршамбыла ҡайһы бер аҙымдарығыҙҙың башҡаларға оҡшамауы ла ихтимал.

Балыҡ (20.02 – 20.03)
Урынығыҙҙы һаҡлап ҡалыр өсөн оҙаҡ ҡына көрәшергә тура килер. Ҡыйынлыҡтарҙы еңергә көс-хәлегеҙ етергә тейеш. Шулай ҙа аҡсалата сығымығыҙҙы бер аҙ кәметһәгеҙ, яҡшы булыр ине. Бурысҡа инмәүегеҙ хәйерле.

Ҡуҙы (21.03 – 20.04)
Шәхси тормошоғоҙға артыҡ иғтибар биреүегеҙ зыян килтереүе лә бар. Шуның арҡаһында ҡайһы бер нәмәләрҙе аңғармай ҡалырһығыҙ. Кесе йомалағы яңылыҡҡа ышанмағыҙ.

Буға (21.04 – 21.05)
Был арала кәйефегеҙ яҡшы булыр, һаулығығыҙ нығыныр. Әүҙемлегегеҙ бик тиҙ тейешле емеш бирер. Матди хәлегеҙ ҙә ыңғай яҡҡа үҙгәрер һымаҡ. Кесе йомала уйламағанда ниндәйҙер мәшәҡәт килеп сығыр.

Игеҙәктәр (22.05 – 21.06)
Аҙна яңы белем алыу өсөн уңайлы буласаҡ. Был аралағы аралашыуҙар кәйефегеҙҙе күтәрер. Тырышлыҡ күрһәтһәгеҙ, йомала бының һөҙөмтәһен күрерһегеҙ. Ауыр саҡта кеше кәңәштәре ярҙам итер.

Ҡыҫала (22.06 – 23.07)
Осорҙо файҙалы үткәрерһегеҙ һымаҡ. Ниндәйҙер өр-яңы эште лә башлап ебәрерһегеҙ, буғай. Йомала үҙегеҙҙе яҡшы яҡтан күрһәтә алырһығыҙ, моғайын. Бәғзеләрҙең үҙҙәренә ҡарата маҡтау һүҙҙәре ишетеүе ихтимал.

Арыҫлан (24.07 – 23.08)
Был арала йыш ҡына кешеләр күҙәтеүе аҫтында булырһығыҙ. Һеҙҙең турала юҡ-бар хәбәр таратыусылар ҙа табылыр. Ҡыйын булһа ла, тешегеҙҙе ҡыҫып һәм иғтибар бирмәй, үҙ эшегеҙҙе дауам итегеҙ.

Ҡыҙ (24.08 – 23.09)
Ғөмүмән, һеҙҙе һәйбәт аҙна көтә. Уйҙарығыҙ менән һаман да үткән ваҡиғаларҙа булырһығыҙ, бәлки. Уларҙы күптән оноторға ваҡыт. Ҡарашығыҙҙы алға йүнәлтергә тырышығыҙ. Кесе йомала бүләк көтөгөҙ.

Үлсәү (24.09 – 23.10)
Шишәмбеләге ваҡиғалар һеҙ уйлағанса бармауы ла һымаҡ. Йомала кире ваҡиғаларҙан да файҙа сығара алырһығыҙ. Дүҫ булып ҡылан­ған кешенең ысын йөҙөн күрерһегеҙ.

Саян (24.10 – 22.11)
Тормош хәлдәре төрлө мәшәҡәттәр тыуҙырып торор. Ҡайһы саҡ, нимәгә тотонорға белмәй, аптырап ҡалырһығыҙ. Кесе йомала әүҙемлегегеҙҙе тейешле яҡҡа йүнәлтеп, уңышҡа өлгәшерһегеҙ.

Уҡсы (23.11 – 21.12)
Һуңғы ваҡиғалар күңелегеҙҙә яңы өмөттәр уятыр. Тик тормоштан гел бүләктәр көтмәгеҙ һәм күпте талап итмәгеҙ. Иңегеҙгә көсөгөҙ етмәҫтәй йөкләмәләрҙе алмаҫҡа тырышығыҙ. Был арала элекке дуҫлыҡты яңынан тергеҙерһегеҙ һымаҡ.