НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » Донъя тәүәккәлдәр ҡулында

Донъя тәүәккәлдәр ҡулында


Донъя тәүәккәлдәр ҡулындаСалауат районының Ахун ауылында йәшәүсе Фәнис Нуриев тимер-томорҙан машина йыя.
Тырышҡан – таш ярыр, ти халыҡ мәҡәле. Әммә таш ярыуҙан алда “баш ярыр­ға” – уйларға, фекер тупларға кәрәк. Бөгөн берәүҙәр, ауылда эш юҡлыҡҡа һылтанып, аҡсаны әҙ түләй­ҙәр, тип өйҙә тик ятһа, шешә артынан ҡыуһа, икенселәр тормоштоң дилбегәһен үҙ ҡулына алып, бына тигән итеп донъя көтә.

Шундай йүнсел, тәүәккәл кешеләрҙең береһе Салауат районы Ахун ауылында йәшәй. Фәнис Нуриев юҡтан бар итеп, тегендә-бында ташланған тимер-томор­ҙан һоҡландырғыс техника ҡороп ҡуя.

Фәнис ағай бәләкәйҙән атаһынан күреп, һәр эшкә өйрәнеп, тырыш, ҡыҙыҡһыныусан булып үҫә. Балта оҫтаһы Анис ағай улында хеҙмәткә һөйөү тәрбиәләй, техника нескәлектәренә төшөндөрә. Малай сағынан уҡ Фәнис Анис улы үҙе велосипед, мотоцикл йыя. Әкренләп ул ҡатмарлыраҡ техникаға тотона һәм бәләкәй генә йөк машинаһы эшләп ала. Был йөк машинаһы шәхси хужалыҡта ярап ҡала. Фәнис ағай уның менән урманға йөрөй, малдарына етерлек бесән әҙерләй, ер эшкәртә. Ауылдаштарының үтенесен дә кире ҡаҡмай, һәр ваҡыт ярҙам итә.

Ә быйыл ул ахундарҙы тағы ла нығыраҡ аптыратты – тимер-томорҙан ҡаргиҙәр эшләп алды. Хәҙер уға машина менән үтә алмаҫлыҡ ҡар һалған юлдар ҡурҡыныс түгел. Барыр урынына “һә” тигәнсе елдереп барып та етә. Ауыл осонда яңғыҙ йәшәгән ҡартатаһы Сабит Мусакәлим улына ошо техникаһы менән барып, хәлен белеп тора. Ҡатыны Нәркәс иренең үҙенсәлекле шөғөлөнә ыңғай ҡарашта, уның һәр башланғысын хуплап, ярҙам итә тора. Ҡыҙҙары әсәһе эргәһендә булһа, улдары Ринат атаһынан айырылмай. Булыр бала – биләүҙән, тигәндәй, ул да алтын ҡуллы техника оҫтаһы булмаҡсы.
Күктән төшкәнен көтөп ултырмаған, тырыш, эшһөйәр, яҙмыштарын үҙ ҡулдарына алған Нуриевтар кеүек ғаиләләр күберәк булһын, башҡалар уларҙан өлгө алһын ине.

Лиана ВӘЛИУЛЛИНА.
Салауат районы.

Сығыу ваҡыты 3-04-2015, 11:45 | Ҡаранылар: 683
|
  • Тау шыуырға яратҡан килен
  • Үрнәктең алтын ҡуллы уҙаманы
  • Уңыш нигеҙе – ғаилә татыулығында
  • Яратҡан эш – ярты бәхет
  • Ҡайныһының машинаһы өс мең һумға “осорған”
  • Информация

    Комментировать статьи на сайте возможно только в течении 4 дней со дня публикации.


  • “Уның үлемен теләп йәшәнем...”
  • Еҙнәм инең (хикәйә)
  • “Кеше үлемендә минең дә ғәйебем бар...”
  • Үәт, ҡыҙыҡ! (10.11.2017)
  • Мин һәр саҡ табип хатаһы ебәреүҙән ҡурҡа инем...
  • Үәт, ҡыҙыҡ! (17.11.2017)
  • Ләйсән Ҡаразбаева хәбәр итә:
  • Татлы һөйөүҙән кем туйған?
  • Үәт, ҡыҙыҡ! (24.11.2017)
  • Имен хеҙмәт итеп ҡайт, Илгиз!



  • Радио Юлдаш FM