НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Өфөлә «Хәтер аллеяһы» барлыҡҡа килде
Рубрикалар / Бөйөк Еңеүгә 71 йыл // 10-05-2011, 10:29


Еңеү байрамын тантаналы билдәләү алдынан баш ҡалала «Хәтер аллеяһы»на нигеҙ һалынды.
Һуғыш һәм хеҙмәт ветерандары, министрлыҡтар һәм ведомстволар етәкселәре, ҡаланың почетлы граждандары, йәмәғәт һәм дини ойошмалар вәкилдәре Ватанды һаҡлаусылар иҫтәлегенә исемләп 11 ағас ултыртты. Республиканың ер һәм мөлкәт мөнәсәбәттәре министры Юлай Ильясов Бөйөк Ватан һуғышында ҡатнашҡан Даян Мурзин менән, РФ Дәүләт Думаһы депутаты Иршат Фәхретдинов – Өфө ҡала һуғыш һәм хеҙмәт ветерандары советы рәйесе Анатолий Анчунов, М. Шолохов исемендәге Мәскәү дәүләт гуманитар университетының Өфө филиалы директоры Василий Бабенко Бөйөк Ватан һуғышында ҡатнашыусы Вера Бәширова менән бергәләп ағас ултыртты.
Республиканың һәм Өфө ҡалаһының баш раввины Дан Кричевский ултыртҡан ағастарын холокост ҡорбандары иҫтәлегенә арнаны....

Еңеү тантанаһы – район-ҡалаларҙа
Рубрикалар / Бөйөк Еңеүгә 71 йыл // 10-05-2011, 09:50


Еңеү яҙын 200-ҙән ашыу ветеран ҡаршыланы
Мәләүез районында 66-сы Еңеү яҙын 200-ҙән ашыу ветеран ҡаршылай.
Уларҙың иң йәше инде 84-те үткән. Шуға күрә быйыл районда һуғыш ветерандары, тыл хеҙмәтсәндәре, һуғышта һәләк булыусыларҙың ғаиләләре менән йорттарында осрашыуҙар ойоштороуға ҙур иғтибар бирелде. Медицина хеҙмәткәрҙәре һуғыш ветерандары һәм инвалидтарына комплекслы медицина күҙәтеүе үткәрҙе, «Тимур командалары» ветерандарҙың йорт-ихаталарын тәртипкә килтерҙе, киң мәғлүмәт саралары Бөйөк Ватан һуғышында ҡатнашыусыларҙың ҡаһарманлыҡтарына арналған материалдар, телетапшырыуҙар әҙерләне. Белем биреү һәм мәҙәниәт учреждениеларында Бөйөк Еңеүгә арналған саралар үтте. 9 майҙа иһә Мәләүез ҡалаһында Ватанды һаҡлап һәләк булыусыларға арналған мемориал янында театрлаштырылған тамаша һәм байрам концерты үтте....

«Хыялдарым тормошҡа ашты»
Рубрикалар / Бөйөк Еңеүгә 71 йыл // 7-05-2011, 11:42


«Хыялдарым тормошҡа ашты»Был ғәжәйеп кешеләр – Хизбулла олатай һәм Сания инәй менән үткән көҙ осрашып таныштым. Икеһе бер-береһенән күҙен алмай, янынан үтеп барғанда ла арҡаларынан ҡағышып, серле йылмайышып ҡына ултырған был икәү, әйтерһең, еңгәләре бикләп ҡалдырған өйҙән яңы ғына килеп сыҡҡан йәш кәләш менән кейәү балаҡай – күҙ ҡыҙмалы күренеш. Йәшлек хистәрен 90 йәшкәсә түкмәй-сәсмәй алып килтереп еткереү һәр кемгә лә тәтемәй шул. Үҙҙәре хаҡында һөйләгәндә лә, Хизбулла олатай – кәләше хаҡында, кәләш иһә үҙенең хәләле хаҡында һөйләүен белде....

Ҡайғыбыҙҙы эскә йотоп йәшәнек һәм йәшәйбеҙ
Рубрикалар / Бөйөк Еңеүгә 71 йыл // 7-05-2011, 11:37


Атайҙары ҡайтмағандарҙың балалары обелискыны ҡарап илай
Ошо көндәрҙә, Еңеү байрамы алдынан, һуғыштан ҡайтҡан еңеүселәр­ҙе, тыл ветерандарын саҡырып ҡунаҡ иттеләр, күкрәктәренә миҙалдар таҡтылар, ҡыуандыр­ҙылар, йырланылар, бейенеләр, иланылар. Килә алмағандарына өйҙәренә йөрөнөләр. Ә беҙ, тыл ветерандары категорияһына инә алмай ҡалғандар, 73 – 75 йәштәр араһындағы ололарбыҙ. Күҙе­беҙҙә – быяла, ҡолағыбыҙҙа – аппарат. Күбебеҙ инвалид, үлеп бөтөп барабыҙ. Беҙҙе бит әсәй­ҙәр ауыр һуғыш ваҡытында 7 – 8 йәштән бер эштән дә ҡалдырманы: бесән, башаҡ йыйҙыҡ, иген утаныҡ, аслы-туҡлы йөрөп, уҡыуыбыҙҙы ла ҡалдырманыҡ. Бер көн прогул яһаһаң, атай өсөн килгән 4 һумлыҡ пособиены ла бирмәнеләр. Беҙҙең дә ҡайғыбыҙ ауыр, олоғайған һайын ул арта ғына. Атайым, уның ағаһы, ҡустыһы һуғышҡа китеп, өсәүһенең береһе лә әйләнеп ҡайтманы. Улар, Камалетдиновтар, ил өсөн ҡанын ҡойҙо, йәнен бирҙе....

Һуғыш йылдарындағы ауыр бала саҡ онотолмаясаҡ
Рубрикалар / Бөйөк Еңеүгә 71 йыл // 7-05-2011, 11:36


Һуғыш йылдарындағы ауыр бала саҡ онотолмаясаҡКөтмәгәндә илебеҙгә, шул иҫәптән Башҡортос­тандағы бәләкәй Иҫән ауылына ла ҙур ҡайғы килде: ҡаты һәм ҡанлы һуғыш башланды. Фронтҡа китеүселәр тәүге көндәрҙә, дошманды үҙ илендә тар-мар итеп, тиҙ арала еңеү менән ҡайтасаҡтарын белдерҙе. Ләкин көн дә меңәрләгән ауыл, ҡала, һалдаттарҙың күпләп ҡырылыуы тураһында һуғыш яландарынан ҡайғылы хәбәрҙәр килеп торҙо.
Ошо йылдарҙа беҙҙең ғаиләнән дүрт ағайым һуғышҡа китте һәм ҡарт атайымды ла хеҙмәт фронтына алдылар. Ләкин колхоз һәм ауыл советы рәйесенең һорауы буйынса бер нисә аҙнанан һуң Белорет ҡалаһынан ҡайтарҙылар....

Миәкәләр ҡаһарман улдарын онотмай
Рубрикалар / Бөйөк Еңеүгә 71 йыл // 7-05-2011, 11:32


Майор Аҫылгәрәй Нафиҡов, ике тапҡыр яраланғас та атыша-атыша, батырҙарса һәләк була
Миәкәләр ҡаһарман улдарын  онотмайСатый мәктәбе уҡытыусылары һәм уҡыусылары ауылдаштарының Бөйөк Ватан һуғышы йылдарындағы фиҙакәр хеҙмәтен тулыраҡ өйрәнергә тырыша. Бында патриотик тәрбиә буйынса күп кенә саралар үткәрелә....

Ҡәҙерле байрам
Рубрикалар / Бөйөк Еңеүгә 71 йыл // 7-05-2011, 11:29


91 йәшлек яугир Мөҙәрис Бүләков сираттағы Еңеү яҙын ҡаршылауына сикһеҙ шат
Ҡәҙерле байрамБөйөк Ватан һуғышы ветераны Мөҙәрис Юныс улы Бүләков тураһында яҙыу күптәнге хыялым ине. Уны тор­мош­ҡа ашырам тип, каникулдың бер көнөндә Мәләүез яҡтарына юлландым....

Булманы башҡорт ҡайҙарҙа…
Рубрикалар / Бөйөк Еңеүгә 71 йыл // 7-05-2011, 11:27


Салауат районының Лаҡлы ауылы егете һаҙый Мөхәмәтдинов Еңеү көнөн Германияла ҡаршылай
Булманы башҡорт ҡайҙарҙа…Һуғыш ветерандары Һаҙый олатай менән Зәйтүнә инәйҙәрҙең йорто Лаҡлы ауылының иң осонда, тауға терәлеп тигәндәй ултырған. Улар беҙҙе бик йылы ҡаршы алды, түргә саҡырҙы.
Һаҙый Харис улы, һуғыш йылдарын хәтеренә төшөрөп, бик ғазаплы кисерештәргә күмелде. Үлек тулы һуғыш яландарын яңынан күҙ алдына килтереп, күҙҙәренән бер туҡтауһыҙ йәш аҡты....

Ауылдаштарым еңеүҙе яҡынайтыу өсөн көсөн йәлләмәне
Рубрикалар / Бөйөк Еңеүгә 71 йыл // 7-05-2011, 11:26


Мин Күгәрсен районының Ҡасҡын ауылында тыуғанмын. Бала саҡ йылдарым шунда үтеп, Бөйөк Ватан һуғышының башын, Еңеү көнөн дә тыуған еремдә ҡаршыланым.
1941 йылдың июнь айы бөгөнгөләй хәтерҙә. Иҫкә төшһә, йөрәк һуға, ҡулдар ҡалтырай башлай. Миңә 10 йәш ине. Ул көндө тау аръяғындағы баҫыуҙа әбейҙәр һәм балалар иген утайбыҙ. Бригадир килеп, немец фашистарының илебеҙгә ҡаршы һуғыш башлауын хәбәр итте.
Әбейҙәр белгән доғаларын уҡый, беҙ, балалар, илайбыҙ....

Беҙҙең үтенес ишетелерме?
Рубрикалар / Бөйөк Еңеүгә 71 йыл // 7-05-2011, 11:23


йәки Бала сағы урланған һуғыш осоро балаларын кем хәстәрләр?
Һуғыш осоро балалары… Бөгөнгө йәшәү рәүешебеҙҙең тамырҙары нәҡ ана шул барлыҡ ауырлыҡты кисергән һуғыш осоро балаларына барып тоташа.
Ветерандарҙың 2010 йылдың октябрендә Мәскәүҙә үткән съезында һуғыш осо­ро балаларына иғтибарҙы арттырыу, дәүләт тарафынан ярҙамды көсәйтеү тураһында һүҙ барғайны. Ошо уңай­ҙан ил етәкселәренә мөрәжәғәт тә ҡабул ителде. Ғәҙәттәгесә, ул ҡағыҙҙа ғына ҡалмаҡсы, ахыры.
Һуғыш осоро балаларына дәүләт кимәлендә ярҙам ойоштороу мәсьәләһендә район советына үҙебеҙ һайлап ҡуйған депутаттарыбыҙҙың да тос ҡына һүҙҙәре ярап ҡалыр ине. Район кимәлендә генә лә, исма­һам, ветерандарға иғтибар көсәйһә икән....


  • Ҡолаҡ һал!
  • Йондоҙнамә (9-15 июль)
  • Олатай иҫтәлеге
  • Бейей-бейей оҫтарған
  • Тыңлауһыҙ ҡыҙ
  • Ашыҡтырма, яҙмыш...
  • Рәзиләгә кейәү эҙләү
  • «Өнһөҙ һуғыш»ты оҙаҡҡа һуҙмағыҙ
  • Мәңге йәш булыу сере
  • Ғашиҡтар бер-береһен һүҙһеҙ ҙә аңлай



  • Радио Юлдаш FM