НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Йондоҙнамә (23-29 июль)
Махсус бит // 23-07-2018, 10:12


Йондоҙнамә (23-29 июль)
Ылаҡ (22.12 – 20.01)
Иң яҡшы мәлдәрҙең береһе. Йондоҙҙар бөтә эшегеҙгә лә булышлыҡ итер. Был арала етәкселәргә ниҙер һорап мөрәжәғәт итеү ҙә файҙалы булыр. Һорағандан күберәкте алыуығыҙ ихтимал. Кесе йомала ниндәйҙер бүләк алырһығыҙ кеүек....

Тамырлы кәбән (Булған хәл)
Махсус бит / Письма // 21-07-2018, 07:00


Тамырлы  кәбән (Булған хәл)
Заманында комсомолда бергә хеҙмәт иткән дуҫым килеп инде лә, оҙаҡ ҡына гәпләшеп алғас, һүҙ ҡыҙыҡлы хәтирәләргә күсеп китте. Атаһы һуғыш ветераны, күптән инде гүр эйәһе булһа ла, уны яратҡан улы бик йыш ҡына иҫкә ала, осрашҡан һайын ғәзиз кешеһе хаҡындағы иҫтәлектәре менән уртаҡлаша.
– Йәйҙең эҫе бер мәлендә атай ҡарт менән бесән сабабыҙ. Ул йыуан итеп төрөлгән махоркаһын ҡырын ҡабып ала ла, бер туҡтамай яландың осона тиклем оҙон бакуй­ҙарын һалып, салғыһын һелтәй ҙә һелтәй......

Йондоҙнамә (16-22 июль)
Махсус бит // 16-07-2018, 10:08


Йондоҙнамә (16-22 июль)
Ылаҡ (22.12 – 20.01)

Тормошоғоҙҙа ниндәйҙер үҙгәрештәр төҫмөрләнә башлар. Был хәлдең яңы таныштарығыҙ менән бәйле булыуы мөмкин. Шулай ҙа ваҡиғаларҙы ашыҡтырмағыҙ, улар ҙа үҙ яйы менән барһын. Кесе йомалағы осрашыу бик файҙалы үтер....

Тыңлауһыҙ ҡыҙ
Махсус бит / Тормош юлдары ҡатмарлы // 15-07-2018, 07:00


Тыңлауһыҙ ҡыҙ
Интернет аша бөтәһен дә белеп, күреп тороу ғәҙәтебеҙгә инде. Бынан ун йыл элек социаль селтәрҙә теркәлгән кешеләр һанаулы ғына ине. Ә хәҙер унда теркәлмәгәндәр бик һирәк. Кемдең ҡайҙа, ни хәлдә йәшәп ятыуы хаҡында хәбәрҙар мин дә, хатта сит илдә тормош көтһәләр ҙә.
Бер курсташ ҡыҙымдың да ҡара тәнле сит ил кешеһенә сығып, төрлө ҡитға буйлап сәйәхәт итеүен, тора-бара унан мулат бала табыуын фотолары аша белеп торҙом. Мосолман ҡыҙҙары араһында негрға кейәүгә сығыусылар бармаҡ менән генә һанарлыҡ булғанға күрә, күптәр был хәлгә бот сабып аптыраны. Ә мин нисектер тыныс ҡабул иттем: Ғәҙиләнең (ул үҙен һәр ваҡыт Аделя тип йөрөттө), йәш саҡтан уҡ сит ил кешеһенә кейәүгә сығырға хыялланыуынан көлөп, эс ҡатып бөтә ине. Нисек булһа ла сит илгә эләгергә, унда буласаҡ тормош иптәшен эләктерергә – үҙ һүҙле ҡыҙҙың был уй-маҡсаты булмышын биләп алғайны. Һигеҙ йыл элек интернет аша ғына берәү менән танышып, Францияға сыҡты ла китте Ғәҙиләбеҙ. Көлкөнө тыйып торҙоҡ, нисек инде белмәгән-нитмәгән кеше өсөн билдәһеҙлеккә башкөллө сумырға мөмкин?! Тыңламаны ҡыҙый, иҫкәртеүҙәрҙе ҡолағына лә элмәне. Әсәһенең, бала сағыңдан алып ниңә тыңлауһыҙ булдың, тип илауына ла иғтибар итмәне....

Фатир мәсьәләләрендә иғтибарлы булыу мотлаҡ
Махсус бит // 13-07-2018, 11:14


Фатир мәсьәләләрендә  иғтибарлы булыу мотлаҡ
Һорауҙарға “Росреестр”ҙың БР буйынса идаралығы етәксеһе ярҙамсыһы Н. ШАҺИЕВА яуап бирә.
– Фатир һатып алырға уйлайбыҙ. Мутлашыусылар тоҙағына эләкмәҫ өсөн иң тәүҙә нимәгә иғтибар итергә кәрәк?
Барлыҡ күсемһеҙ мөлкәтте һатып алыр алдынан иң тәүҙә уның тарихын өйрәнеү мөһим. Уны Күсемһеҙ милектең берҙәм дәүләт реестрынан алынған күсермә ярҙамында белергә мөмкин. Документта бинаның барлыҡ мәғлүмәте бирелә: кадастр һаны, күсемһеҙ милектең төрө, адресы, уның эйәләре.
Күсемһеҙ милеккә хоҡуҡты теркәү датаһы ҙур әһәмиәткә эйә. Уны белгәндә, судҡа дәғүә ғаризаһын тапшырыу һәм килешеүҙе тарҡатыу тураһында ваҡытында асыҡларға мөмкин....

Көтөү – көнүҙәк ихтыяж
Махсус бит / Проблема // 11-07-2018, 06:00


Көтөү – көнүҙәк ихтыяж
Ауылдарҙағы шәхси хужалыҡтар­ҙағы малға көтөүсе табыу мәсьәләһе йылдан-йыл ауырлаша. Малды иреккә ебәрһәң, ауыл хужалығы культуралары сәселгән баҫыу­ҙар, бесәнлектәр, ултыртылған урман үҫентеләре тапалып һәм ҡышҡылыҡҡа әҙерләнгән бесән эҫкерттәре тәләфләнеп, ҙур зыян килә. һыйыр-аттар арҡаһында юл-транспорт фажиғәләре лә булып тора. Малдың юғалған осраҡтары ла булғылай.
Көтөүсе эше еңел түгел. Уның эш ваҡыты иртә таңдан ҡара кискә тиклем яҡынса 14 сәғәткә һуҙыла. Етмәһә, беҙҙең төбәктә көн торошо тотороҡһоҙ. Ямғыр, рашҡы, ел-дауыл, үҙәккә үтерлек һалҡынға ҡарамай, малдан күҙ яҙлыҡтырмай көнө буйы түҙергә кәрәк. Был эш һәр кемдең дә ҡулынан килмәй. Шуға күрә ялҡып китеп, көтөүҙе ташлап та ҡуялар....

Ғашиҡтар бер-береһен һүҙһеҙ ҙә аңлай
Махсус бит // 11-07-2018, 06:00


Ғашиҡтар бер-береһен һүҙһеҙ ҙә аңлай
– Кешеләр әрләшкәндә ниңә бер-береһенә ҡысҡыра, беләһегеҙме? – тип һораған бер остаз шәкерттәренән.
– Талашҡанда тынғылыҡ юғала инде ул, – тип бер һүҙҙән яуаплаған уҡыусылар.
– Ә шулай ҙа эргәлә торған кешегә ҡысҡырмай ғына әйтеп булмаймы ни? – тип ныҡышҡан уҡытыусы.
Уҡыусылар төрлөсә фекер йөрөткән. Әммә бер яуап та уҡытыусыны ҡәнәғәтләндермәгән.
Ахырҙа үҙе аңлатҡан:
– Кешеләр талашһа, йөрәктәре лә алыҫлаша. Улар шуға ла бер-береһен ишетергә теләп, ҡысҡырырға мәжбүр. Ни тиклем ҡаты бәхәс ҡупһа, улар шул тиклем алыҫлаша, һәм шул тиклем нығыраҡ ҡысҡырырға тура килә.
Ә бына һөйгәндәр бер-береһе менән тыныс, хатта шыбырлап һөйләшә. Уларҙың йөрәктәре бик яҡын. Ғашиҡлыҡ көсәйгән һайын уларҙың тауыштары әкрен сыға. Хатта һөйләшмәһәләр ҙә, күҙҙәре аңлаша. Һүҙҙәрҙең кәрәге ҡалмай…
Айсын АҠБУЛАТОВА әҙерләне....

Ауырлыҡтар аша бәхет: утта һәләк булған журналистың ҡыҙы йәнә лә ғаиләле булды
Махсус бит / Проблема // 9-07-2018, 09:56


Ауырлыҡтар аша бәхет: утта һәләк булған журналистың ҡыҙы йәнә лә ғаиләле булды
Һәммәгеҙҙең дә иҫендәлер - 2015 йылдың 9 майҙан 10-на ҡараған төндә Өфөлә булған янғында "Тамаша" журналында эшләгән коллегабыҙ Альмира Кәримова һәләк булды. Ут шулай уҡ уның ейәнсәрен дә аяманы. Ҡыҙы Динара тәне һәм тын юлдары бешеп, ауыр хәлдә дауаханаға оҙатылды.
Ошо өс йыл эсендә Динара ҙур ҡыйынлыҡтарға дуҫар булды. Шулай ҙа ул һынманы, йәшәү өсөн көрәште.

Динара Кәримова тураһындағы мәҡәлә:
https://mkset.ru/news/society/08-07-2018/trudnoe-schastie-doch-pogibshey-v-ogne-zhurnalistki-iz-ufy-vnov-obrela-semyu...

Йондоҙнамә (9-15 июль)
Махсус бит // 9-07-2018, 09:39


Йондоҙнамә (9-15 июль)
Ылаҡ (22.12 – 20.01)
Был арала йондоҙҙар шикле кешеләрҙән, таныш булмаған урындарҙан ары йөрөргә ҡуша. Төп эшегеҙҙә ниндәйҙер ҡатмарлы мәсьәләгә тап булыуығыҙ бар. Уны хәл итеүгә кемдер ныҡ ҡына аҫтыртын ҡамасаулай кеүек.
...

Тауышыңды үҙгәрт…
Махсус бит / Проблема // 6-07-2018, 07:30


Тауышыңды үҙгәрт…
Күгәрсен аҡланда бер ят өкөнө күргән дә, яҡын килеп һорау биргән:
– Әй, өкө, һин ҡайҙан килеп сыҡтың әле?
– Анау яҡтарҙа, көнсығышта, йәшәгәйнем, хәҙер көнбайышҡа осам.
Шулай тигән дә өкө бик ҡаты итеп ухылдай, зарланып, тауышлана башлаған.
Күгәрсен йәнә быға өндәшкән:
– Ә ни өсөн тыуған яғыңды ташлап китеп бараһың?
– Сөнки мине, тауышың насар, тип яратмайҙар, – тигән өкө.
– Юҡҡа йәнтөйәгеңдән китеп бараһың. Һиңә торған ерҙе түгел, ә бары тик тауышыңды бер аҙ үҙгәртергә лә, әҙерәк мыжырға кәрәк. Беләһеңме, көнбайышта ла, көнсығыштағы кеүек үк, туҡтауһыҙ ухылдағандарҙы яратмайҙар.

Айсын АҠБУЛАТОВА әҙерләне.
...


Борьба с коррупцией

[/aviable]

  • Ҡолаҡ һал!
  • Организм нимә хаҡында иҫкәртә?
  • Монафиҡ (Хикәйә)
  • Тыуған ауылына рәхмәтле йырсы
  • Оҙаҡ йәшәүҙең туғыҙ сере
  • Үткәндәргә илаулап, бөгөнгөһөн юғалта күрмәгеҙ
  • Үәт, ҡыҙыҡ! (3.08.2018)
  • Вниманию зарегестрированнх кандидатов, избирательных объединений, на выборах депутатов Государственного Собрания – Курултая Республики Башкортостан шестого созыва
  • Үәт, ҡыҙыҡ! (20.07.2018)
  • Ҡартлыҡ бәхеттәре кемгә насип?



  • Радио Юлдаш FM