НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » » Виноград иғтибар талап итә

Виноград иғтибар талап итә


Виноград иғтибар талап итә
Йыл һайын виноград алып ултыртам. Ниңәлер тамыры ерегеп китә алмай. Сәбәбе нимәлә икән?

Т. Ғәлиева.
Дыуан районы.

Виноград үҫтереп ҡарарға теләгегеҙ булһа, беҙҙең һалҡын климат шарттарына сыҙам «Изабелла», «Платовский», «Юбилейный», «Башкирский ранний», «Башкирский изумруд» сорттарына туҡталығыҙ. Тәлгәштәре бәләкәй генә булһа ла, 32 градус һалҡынға да түҙәләр. Үҫентеләрҙе баҙарҙан алмауығыҙ хәйерле, ышаныслы баҡсасыларҙан ғына алырға кәрәк.
Ҡышҡа әҙерләгәндә , беренсе ҡырауҙар башланғас, температура 0 – 5 градус торғанда берәр аҙна ҡапламай торһаң да була. Кинәт кенә һыуытып ебәреүҙән дә һаҡланығыҙ. Ни өсөн тигәндә, виноградтың һабаҡтары 20 – 23 градус һалҡынға түҙһә лә, тамыры – 5 – 6 градусҡа ҡына сыҙам. Йөҙөм емеше ергә ятып торорға тейеш түгел. Аҫтына таҡта йәки шифер киҫәктәре һалып ҡалдырырға кәрәк йәки шыршы ботаҡтары түшәйһең. Бер яғына һауа инһен өсөн асыҡ ҡалдыраһың. Артыҡ йылытыуҙан дымланып ятып та серей ул. Ҡышҡылыҡҡа виноград ауырымаһын өсөн өс процентлы тимер купоросы һиптерергә онотмағыҙ. Ун литр һыуға 300 грамм купорос алына. Көҙ көнө йәшенә ҡарап артыҡ бөрөләрен ҡырҡып алыр­ға. Виноград йыш һыу һибеүҙе яратмай. Уға йәй буйына ике тапҡыр ғына мул итеп һыу һибәһең. Ул сәскәгә һеркәләнгәндә һыу һибергә ярамай. Көҙгөлөккә тамырҙары өшөмәһен өсөн күп итеп һыу ҡоялар.
Күптәр ултыртҡан виноградыбыҙ үҫеп китә алманы, тип зарлана. Ул әкрен үҫә, беренсе йылында тамырына көс йыя. Тәүге тапҡыр сәскә атҡанда бер генә сәскәһен ҡалдыралар. Ҡалғандарын өҙөп ташлайҙар. Был виноградты көсөн кәметеүҙән һаҡлап ҡала.
Тамыр системаһы асыҡ булғанын һатып алһағыҙ, ер ҡарҙан әрселгәс үк ултыртырға мөмкин. Ул ултыртыласаҡ со­ҡор­ҙо 80 cм киңлегендә ҡаҙалар. Вегетация осоро тупраҡ 10 градусҡа тиклем йылынғас башлана. Үҫентене ун сантиметрҙан артыҡ батырырға кәрәкмәй. Соҡорға серетмә, ҡом, ваҡлан­ған ҡыҙыл кирбес, сифатлы ҡара тупраҡ һалалар. Калий, азот, фосфор кеүек ашламалар индереү яҡшы. Был культура ҡояш яратҡанға күрә, уны көньяҡҡа ҡаратып ултыртығыҙ. Беренсе йы­лында ҡәләм йыуан­лығында бер-ике метр оҙонлоғонда үҫтерә алһағыҙ, яҡшы ҡышлаясағына гарантия бар.

Сығыу ваҡыты 8-06-2018, 08:00 | Ҡаранылар: 98
|
  • Еләк яҡты урынды ярата
  • Нисек ҡарбуз үҫтерергә?
  • Петунияларҙы нисек сәсергә?
  • Ҡышҡылыҡҡа ужым һуғаны һәм һарымһағы
  • Ер еләген үҫтереү
  • Информация

    Комментировать статьи на сайте возможно только в течении 4 дней со дня публикации.


  • Мүк өҫтөндә бөрлөгән (Хикәйә)
  • Дилүзә БАЙСУРИНА
  • «Шундай матур, шундай йылы Уйлап сығарған донъям…»
  • Балаларығыҙ хаҡына үҙегеҙҙә ҡайғығыҙҙы еңерлек көс табығыҙ
  • Олатай иҫтәлеге
  • 10 июнь – Ҡәҙер кисе
  • Билдәле актер Азамат Хәлилов вафат булды
  • Тырыштар уңышҡа өлгәште
  • Үәт, ҡыҙыҡ! (8.06.2018)
  • Бала ҡуйындағы йыланға әйләнмәһен



  • Радио Юлдаш FM