RSS-подписка facebook facebook Вконтакте Вконтакте
» » Ҡайындың бөрөһө лә файҙалы

02.05.2019 Ҡайындың бөрөһө лә файҙалы

Ҡайын кеше тарафынан иң киң ҡулланылған ағастыр ул. Утын итеп тә яғабыҙ, мунсаға миндек тә әҙерләйбеҙ, иртә яҙҙан шифалы һутын да эсәбеҙ, туҙынан һағыҙ ҡайнатабыҙ, унан хатта бура ла бурайҙар һ.б. Был ағас халыҡ медицинаһында ла элек-электән киң файҙаланыла. Һутын ғына түгел, бөрөһөн, япрағын да күп ауырыуҙы дауалауҙа ҡулланғандар. Микробтарға ҡаршы көрәшеү, ҡанды туҡтатыу, яраны бөтәштереү үҙенсәлегенә эйә, көслө бәүел һәм үт ҡыуыу сараһы булараҡ бөрөһөнөң файҙаһы иҫ киткес ҙур.

✔Тамаҡ ауыртҡанда. Ике ҡалаҡ ҡайын бөрөһөнә 50 г аҡ май ҡушып болғатырға һәм талғын утта бер сәғәт тоторға. Йылы килеш һөҙөп алып, 0,2 г шыйыҡ бал ҡушып бутарға. Көнөнә дүрт тапҡыр берәр ҡалаҡ эсергә.

✔Гастриттан. Ярты стакан ҡайнар һыуға бер балғалаҡ бөрө һалып, бер сәғәт төнәтергә һәм көнөнә өс тапҡыр берәр ҡалаҡ эсергә.

✔Селәүсендәрҙән. Ҡайын бөрөһөнөң әсеһе күп кенә паразитҡа оҡшамай. Биш-ете бөрөгә бер стакан һыу ҡойоп, яҡынса 20 минут ҡайнатырға. Һыуынғас һөҙөп, тәүлегенә өс тапҡыр яртышар стакан эсергә. Дауаланыу курсы – өс аҙна.

✔Шешенеүҙән. Бер литр 70 процентлы спиртҡа 30 г бөрө һалып, ике аҙна, иң яҡшыһы бер ай ҡараңғы урынға ҡуйып төнәтергә. Әҙер булғас, көнөнә өс тапҡыр ашарҙан ярты сәғәт алда бер ҡалаҡ ҡайнаған һыуға 20 тамсы төнәтмәне ҡушып эсергә.

✔Йөрәк сирҙәренә бәйле шешенеүҙе бөтөрөү өсөн. Бер балғалаҡ бөрөгә бер стакан ҡайнаған һыу ҡойоп, 20 минут парҙа тоторға. Һыуынғас, тәүге кимәлгә етерлек итеп, ҡайнаған һыу өҫтәргә. Көнөнә дүрт тапҡыр ашарҙан алда 1/4 стакан эсергә.

✔Папилломаларҙан. Лайлалы туҡымалағы папилломаларҙы төнәтмәһен эсеп кенә дауалайҙар. Уны әҙерләү өсөн бер стакан араҡыға йә спиртҡа 20 г бөрөнө һалып, ҡараңғы урында бер айға яҡын төнәтергә. Әҙер булғас, бер ҡалаҡ ҡайнатып һыуытылған һыуға 20 – 30 тамсы ҡушып, ашарҙан 20 – 30 минут алда эсергә.



Автор: С. Лотфуллина
Фото: pixabay.com




Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Тормошта кәрәк терәк

20.05.2019 - Һаулыҡ һаҡлау Тормошта кәрәк терәк


Ҡояш сәскәһе бәпембә

19.05.2019 - Һаулыҡ һаҡлау Ҡояш сәскәһе бәпембә


Ҡандың ҡуйы булыуы хәүефлеме?

15.05.2019 - Һаулыҡ һаҡлау Ҡандың ҡуйы булыуы хәүефлеме?


Психолог –  күңел табибы

14.05.2019 - Һаулыҡ һаҡлау Психолог – күңел табибы


Ябығыу бала табыуға  ҡамасауламаймы?

Тоҙ баш ауыртыуын баҫа

11.05.2019 - Һаулыҡ һаҡлау Тоҙ баш ауыртыуын баҫа


Күңеле тулы – игелек

10.05.2019 - Һаулыҡ һаҡлау Күңеле тулы – игелек


Көс-хәл өҫтәүсе  шифалы эсемлектәр

Һарымһаҡтың  30  шифалы үҙенсәлеге

07.05.2019 - Һаулыҡ һаҡлау Һарымһаҡтың 30 шифалы үҙенсәлеге


45-тә тормош  яңы башлана ғына

06.05.2019 - Һаулыҡ һаҡлау 45-тә тормош яңы башлана ғына


Әрем менән дауалау

04.05.2019 - Һаулыҡ һаҡлау Әрем менән дауалау


Табипмы әллә фәрештәме?

30.04.2019 - Һаулыҡ һаҡлау Табипмы әллә фәрештәме?