RSS-подписка facebook facebook Вконтакте Вконтакте
» » Һәр саҡ кәрәкле дарыуҙар

03.04.2019 Һәр саҡ кәрәкле дарыуҙар

Парацетамол. Донъяла иң популяр дарыу һанала. Уның нигеҙендә әллә күпме дарыу әҙерләнгән. Мәҫәлән, панадол, эффералган һ.б. Иң беренсе сиратта, уны температураны төшөрөү өсөн ҡулланалар. Шулай уҡ ауыртыуҙы баҫа, бер аҙ ялҡынһыныуға ла ҡаршы тора. Билдәле кимәлдә балалар өсөн дә зыяны юҡ. Әммә уны бауыры сирле кешеләргә ҡулланырға тәҡдим ителмәй.

Диареянан – лоперамид. Һөҙөмтәлелеге буйынса имодиумдан ҡалышмай, өҫтәүенә, бер нисә тапҡырға арзаныраҡ. Ныҡ эс киткәндә уны тәүҙә 4 мг эсергә ҡушалар, һуңынан 2-шәр миллиграмм да етә.

Аллергиянан – диазолин. Иң боронғо, һыналған дарыуҙарҙың береһе. Ауыртыуҙы, ҡысыныуҙы баҫа, шешенеүҙе кәметә. Уның организмға зыяны юҡ, тип әйтергә була. Хатта балаларға ла 0,05 г күләмендә тәғәйенләйҙәр.

Тынысланыу өсөн – валерьянка. Нервылар ҡуҙғып, тынысһыҙланғанда ярҙамға килер. Тик һөҙөмтәһе бик тиҙ генә булмауы ла мөмкин. 12 йәшкә тиклемге балаларға уны ҡулланырға ярамай.

Йөрәк ауыртҡанда – нитроглицерин. Ул йөрәк ауыртыуын баҫа, ҡан тамырҙарын киңәйтеп, ҡан әйләнешен яҡшырта. Шулай уҡ стенокардия өйәнәген тиҙ бөтөрә. Әммә баш ауыртыуына килтереүе бар.

Юғары ҡан баҫымынан – папазол. Ҡулланыуға төп күрһәткес – гипертония ауырыуҙары һәм стенокардия. Көнөнә 2 – 3 тапҡыр берәр төймә эсергә мөмкин. 12 йәшкә тиклемге балаларға бирергә рөхсәт ителмәй.

Ағыуланғанда – активлаштырылған күмер. Донъялағы иң популяр сорбент. Ашҡаҙан-эсәк трактындағы токсин­дарҙы сығара. Уны, ғәҙәттә, килеш­мәгән ризыҡ ашап, ҡоҫоп ауырығанда ҡулланалар. Дарыу эсеп ағыуланғанда ла файҙаһы ҙур. 10 кг кәүҙә ауыр­лығына бер төймә иҫәбенән сығып, һыуға һалып иҙеп эсергә кәрәк.

Эс ҡыҫып ауыртҡанда – дротаверин. Икенсе төрлө әйткәндә, барыбыҙға яҡшы билдәле но-шпа. Ныҡ итеп эс ҡыҫып, сәнсеп ауыртҡанда 1 – 2 төймә эсергә кәңәш ителә. Самалап балаларға ла эсерергә мөмкин. Ғөмүмән, был дарыу менән мауығырға ярамай, иң яҡшыһы – табип менән кәңәшләшеп ҡулланыу.



Автор: С. Лотфуллина
Фото: vk.com




Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Үгәй инә үләне

19.04.2019 - Һаулыҡ һаҡлау Үгәй инә үләне


Углеводтарҙың яҡшыһы һәм насары ла була икән…

Күҙҙәр өсөн йога

18.04.2019 - Һаулыҡ һаҡлау Күҙҙәр өсөн йога


Ҙур көскә эйә гөл

17.04.2019 - Һаулыҡ һаҡлау Ҙур көскә эйә гөл


Ҡыуанысыбыҙ – хәүефкә...

16.04.2019 - Һаулыҡ һаҡлау Ҡыуанысыбыҙ – хәүефкә...


«Бәхет сере – ҡыуана белеүҙә»

15.04.2019 - Һаулыҡ һаҡлау «Бәхет сере – ҡыуана белеүҙә»


Операцияһыҙ  дауалап буламы?

11.04.2019 - Һаулыҡ һаҡлау Операцияһыҙ дауалап буламы?


Үҙәгең көйһә, йөҙөм аша

10.04.2019 - Һаулыҡ һаҡлау Үҙәгең көйһә, йөҙөм аша


Ҡолаҡ ауыртҡанда

09.04.2019 - Һаулыҡ һаҡлау Ҡолаҡ ауыртҡанда


Күңел тыныслығын нисек һаҡларға?

06.04.2019 - Һаулыҡ һаҡлау Күңел тыныслығын нисек һаҡларға?


Һыу – энергия сығанағы

05.04.2019 - Һаулыҡ һаҡлау Һыу – энергия сығанағы


Халыҡ медицинаһынан бер шәлкем кәңәш