RSS-подписка facebook facebook Вконтакте Вконтакте
» » Ябығырға теләүселәр өсөн кәңәштәр

16.03.2017 Ябығырға теләүселәр өсөн кәңәштәр

Ябығырға теләүселәр өсөн кәңәштәрҠатын-ҡыҙҙар ябығыу өсөн ниндәй генә диета тотоп ҡарамай. Ҡайһы саҡта ул һөҙөмтә бирә, әммә киреһенсә булыуы ла ихтимал. Ашамай йөрөйҙәр ҙә, “ысҡынып”, ныҡ ҡына ашай башлайҙар. Сөнки гел генә үҙеңде тыйып йөрөп тә булмай бит. Ябығыу өсөн диета тоторға кәрәкме, бәлки, әҙерәк ашарға өйрәнергә генәлер? Ҡайһы бер гүзәл зат, кинәт кенә ҡаты диетаға ултырып, тиҙ генә ябығам, тип уйлай. Әммә был хата фекер. Беренсенән, организм өсөн стресс булһа, икенсенән, өйрәнелгән ғәҙәттәрҙән, ризыҡтарҙан еңел генә баш тартыуы ҡыйын. Һомғол кәүҙәле булырға хыялланыусылар тағы ла ниндәй хаталар ебәрә икән?

Ябығырға теләүсе ҡатындарҙың 6 хатаһы.
1. Киске сәғәт 6-нан һуң ашамаҫҡа.
Ашау ваҡыты түгел, ә көн дауамында ризыҡ аша алған калорияларҙың күләме мөһим. Кәйеф юҡлыҡтан, яңғыҙлыҡтан түгел, ә ысын асығыуҙы ғына баҫыу өсөн ашау мотлаҡ. Дөрөҫ туҡланғанда төнгөлөккә ашап та һимермәҫкә мөмкин.

2. Һәр ваҡыт майһыҙ ризыҡтарҙы ғына ашарға.
Туҡланыу рационында билдәле кимәлдә файҙалы майҙар булырға тейеш. Организмға көн һайын май кәрәк. Улар гормондар бүлеп сығарыуға булышлыҡ итә. Был макроэлементтарҙан баш тартып, үҙегеҙгә зыян ғына килтерәһегеҙ. Төрлө сәтләүек, авокадо, зәйтүн майы кеүек файҙалы майҙар­ҙы ҡулланығыҙ.

3. Һәр калорияны күнегеүҙәр менән бөтөрөргә тейешбеҙ.
Күберәк хәрәкәт итегеҙ, әүҙем йәшәү рәүеше алып барығыҙ. Һаулығығыҙҙы нығытыу һәм өҫтәмә калорияларығыҙҙы яндырыу өсөн аҙнаһына 30 – 60 минуттан 3 – 4 тапҡыр спорт менән шөғөлләнегеҙ. Баҫҡыстан йәйәү күтәрелегеҙ, велосипедта йөрөгөҙ. Көнөнә меңәрләп түгел, ә яҡынса 200 – 600 калорияны юҡҡа сығарыу ҙа етә.

4. Тиҙерәк ябығыу өсөн төшкө йәиһә киске аштан баш тартыу.
Көн дауамында әҙ-әҙләп бер үк ваҡыт арауығынан һуң ашарға өйрәнегеҙ. Мәҫәлән, һәр 3 – 4 сәғәт һайын ашарға мөмкин, тик күпләп түгел. Шуның араһында бер-ике тапҡыр ҡапҡылап та алыр­ға ярай.

5. Кәүҙә ауырлығын кәметеү өсөн әҙ аҡһымлы ризыҡтар ашарға.
Эшкәртелгән аҡһымдар­ҙы кәметеп, бойҙай, йәшелсә, ҡуҙаҡлыларға күсегеҙ. Йәғни аҡ икмәк, тәмле-татлынан баш тартырға тура килер.

6. Бөтә яратҡан ризыҡтан баш тартырға.
Ашағыҙ, әммә ризыҡ күләмен кәметегеҙ. Ҡапыл ғына яратҡан ашамлыҡтан баш тартыу ауыр, шуға күрә әкренләп әҙәйтә барып, яйлап ҡына организмды күнектерергә кәрәк. Тәүҙә нимәнелер ашамай тора алмай­һығыҙ кеүек тойолһа ла, яйлап унһыҙ ҙа йәшәргә өйрәнерһегеҙ.







Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Тән ағзаларындағы айырым нөктәләргә баҫып, ауыртыу-маҙарҙан ҡотолоп була

Нисек бер көндә диспансерлаштырыу үтергә?

Эстә һауа ҡайҙан  йыйыла?

14.12.2018 - Һаулыҡ һаҡлау Эстә һауа ҡайҙан йыйыла?


Тағы бер тапҡыр лимондың файҙаһы хаҡында

Нимә ул полиомиелит? Балаларҙы был сирҙән нисек һаҡларға?

Киҙеүҙән һәм һалҡын тейеүгә ҡаршы

Бала менән беренсе етди һөйләшеү

10.12.2018 - Һаулыҡ һаҡлау Бала менән беренсе етди һөйләшеү


“Кешеләргә ярҙам итә алыуыма шатмын”

Сәстәр нимә тураһында һөйләй?

08.12.2018 - Һаулыҡ һаҡлау Сәстәр нимә тураһында һөйләй?


Гайморитты дауалайбыҙ

07.12.2018 - Һаулыҡ һаҡлау Гайморитты дауалайбыҙ


Файҙалы эсемлектәр

06.12.2018 - Һаулыҡ һаҡлау Файҙалы эсемлектәр


44, йәки тормош миңә ике дүртле ҡуйғанда...