НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » Милләттәштәр телдәрен онотмаҫ

Милләттәштәр телдәрен онотмаҫ


Силәбе өлкәһендә «Шәжәрә» журналының һәм «Арғужа», «Аҡ тирмә», «Башҡорт74.РФ» гәзиттәренең тәүге һандары донъя күрҙе. Был баҫмаларҙа төбәктә йәшәгән башҡорттарҙың тормошо хаҡында бәйән ителә.
Силәбе өлкәһенең Арғаяш районында «Арғужа» гәзите ҡайтанан сығарыла башланы. Баҫма, «Восход» район гәзитенең ҡушымтаһы булараҡ, айына бер тапҡыр баҫыла. Ул районда үткән хәл-ваҡиғалар­ҙы, ҡоролтайҙар, милли ижади коллективтар, башҡорт теле һәм әҙәбиәте уҡытыусыларының эшмәкәрлеген сағылдыра.
«Аҡ тирмә» гәзитенең һәм «Шәжәрә» журналының ойоштороусыһы булып Башҡортостан Респуб­ликаһының «Аҡ тирмә» төбәк йәмәғәт ойошмаһының Силәбе өлкәһендәге филиалы – «Аҡ тирмә» яуаплылығы сикләнгән йәмғиәте сығыш яһай. Айына бер тапҡыр сыҡҡан баҫма ойошма эшмәкәрлеге менән таныштырып торасаҡ. «Шәжәрә» журналы иһә өлкәлә йәшәгән башҡорттарҙың тарихына һәм шәжәрәләренә арнала. Һәр һанда берәр ғаиләнең нәҫел тарихы баҫтырыласаҡ. Журналдың баш мөхәррире Арыҫлан Бикбулатов һүҙҙәренсә, баҫма кварталға бер тапҡыр нәшер ителә.
«Башҡорт74.РФ» гәзитен ойоштороусы – журналист Резеда Байназарова. Айына ике тапҡыр сығасаҡ баҫмала өлкәлә ойошторолған барлыҡ милли сараларҙы яҡтыртыу күҙаллана.
Резеда Байназарова әйтеүенсә, быйыл милли матбуғат өсөн мөһим осор булып тора. Өлкәлә башҡорт телендә баҫмалар күпләп сыға башлаған. «Уларҙың барыһы ла шәжәрә байрамдарын үткәреү, башҡорт халҡының милли традицияларын һәм йолаларын тергеҙеү, йәмәғәт ойошмаларының эшмәкәрлеге аша халыҡтың, тыуған яҡтың тарихын өйрәнеүгә һәм уны һаҡлауға булышлыҡ итәсәк», – тип иҫәпләй ул.

З. Йәһүҙина.

Сығыу ваҡыты 19-04-2013, 10:39 | Ҡаранылар: 710
|
  • “Уралым” гәзитенә – аҡ юл
  • Силәбе башҡорттары байрамы
  • “Толпар” балалар вокаль төркөмөнә 15 йыл тулды
  • Силәбелә - башҡортса яңы матбуғат баҫмалары!
  • Тамырҙарыңды өйрән һәм конкурста ең
  • Информация

    Комментировать статьи на сайте возможно только в течении 4 дней со дня публикации.


  • “Уның үлемен теләп йәшәнем...”
  • Еҙнәм инең (хикәйә)
  • “Кеше үлемендә минең дә ғәйебем бар...”
  • Мин һәр саҡ табип хатаһы ебәреүҙән ҡурҡа инем...
  • Үәт, ҡыҙыҡ! (17.11.2017)
  • Үәт, ҡыҙыҡ! (24.11.2017)
  • Татлы һөйөүҙән кем туйған?
  • ҺАБАҠ (хикәйә)
  • Мәүлит байрамы мөбәрәк булһын!
  • Бүләктәр – өлөшлөләргә!



  • Радио Юлдаш FM