НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Һуған ҡабығын ташламағыҙ
Новости / Һаулыҡ һаҡлау // 2-06-2018, 08:00


Һуған ҡабығын ташламағыҙ
Һуған ҡабығының файҙаһы күп. Ул ҡаҡырыҡты сығарыу, үт, бәүел ҡыуҙырыу, микробтарға ҡаршы көрәшеү үҙенсәлектәренә эйә, ҡан тамырын нығыта.
Ангина йонсотҡанда һуған ҡабығына ҡайнар һыу ҡойоп төнәтегеҙ һәм һөҙөп алып, тамаҡты сайҡатығыҙ.
Тымауҙан. Ҡайнар һыуға 4 ҡалаҡ һуған ҡабығы һалып, 3 – 5 минут дауамында быуы менән тын алығыҙ.
Йүтәлдән. 2 ҡалаҡ һуған ҡабығына 2 стакан ҡайнар һыу ҡойоп, 15 минут ҡайнатырға һәм һөҙөп алырға. Йылы килеш көнөнә өс тапҡыр ашарҙан ярты сәғәт алда 1/4 стакан эсергә.
Бөйөр һәм бәүел ҡыуығы ауыртҡанда. 3 ҡалаҡ һуған ҡабығына 2 стакан ҡайнар һыу ҡойоп, 30 минут төнәтергә. Киҫкен цистит булғанда – 3 – 5 көн буйы көнөнә ике тапҡыр 50-шәр грамм, хроник циститтан 10 көн буйы көнөнә 3 – 4 тапҡыр икешәр ҡалаҡ эсергә.
Аяҡ тамырҙары борсоғанда. 100 мл араҡыға ике ҡалаҡ һуған ҡабығы онтағы һалып ете көн төнәтергә. Һуңынан һөҙөп алып, көнөнә өс тапҡыр ашарҙан ярты сәғәт алда 20-шәр тамсы эсергә.
Йәки: ике ҡалаҡ һуған ҡабығына 400 мл ҡайнар һыу ҡойоп, 6 сәғәт төнәтергә һәм көнөнә өс тапҡыр ашарҙан ярты сәғәт алда 1/4 стакан эсергә. Аҙна-ун көн эскәндән һуң ете көн туҡтап торорға һәм йәнә дауаланыу курсын дауам итергә.
...

Гемоглобинды күтәреү өсөн
Новости / Һаулыҡ һаҡлау // 1-06-2018, 07:00


Гемоглобинды күтәреү өсөн1. Кишер һуты. Бер стакан һутҡа 500 г тирәһе кишер тура килә. Аҙнаһына 3 – 4 стакан эсергә кәңәш ителә.
2. Ер еләге һәм ҡайын еләге. Әлбиттә, ҡайнатылмаған еләк­тәрҙең файҙаһы күберәк.
3. Сөгөлдөр. Уны ҡырғыс аша үткәреп ашарға мөмкин, шулай уҡ һуты ла файҙалы.
4. Бал, әстерхан сәтләүеге, мүк еләгенән әҙерләнгән тәмлекәс – гемоглобинды күтәреүҙең бик яҡшы сараһы. Уларҙы бергә бутап, әҙ-әҙләп ашарға мөмкин.
5. Үләндәр төнәтмәһенең дә файҙаһы ҙур. Икешәр ҡалаҡ кесерткән һәм ҡара бөрлөгән япрағы, өсәр ҡалаҡ һары мәтрүшкә менән ромашка сәскәһе онтағына 700 г ҡайнар һыу ҡойоп, термоста төнәтергә. Көнөнә өс тапҡыр берәр стакан эсергә.
6. Бал менән гөлйемеш төнәтмәһе гемоглобинды күтәреү өсөн генә түгел, дөйөм хәлде яҡшыртыу, иммунитетты нығытыу өсөн дә яҡшы.
7. Туҡланыу рационында ҡара­бой­ҙай, алма, ҡурай еләге, гранат булырға тейеш....

“Йөрәк сирен ваҡытында дауалау ғүмерҙе оҙайта”
Новости / Һаулыҡ һаҡлау // 31-05-2018, 07:00


“Йөрәк сирен ваҡытында дауалау   ғүмерҙе оҙайта”
Ауырығанда һәр кем тәжрибәле табипҡа эләгергә ынтыла. Уларға ышаныс та ҙур, халыҡ араһында абруй­ҙары ла юғары. Баш ҡаланың Һупайлы биҫтәһендә ошондай табиптарҙың береһе, юғары категориялы кардиолог Лилиә Әфҡәт ҡыҙы Яппарова эшләй. Уның 30 йылға яҡын хеҙмәт стажы бар. Тамырҙары менән Ғафури районының Ҡауарҙы ауылынан булған ҡыҙ, Башҡорт дәүләт медицина институтын тамамлағас, йүнәлтмә буйынса Мәләүез үҙәк район дауаханаһында терапевт, кардиолог булып эшләй. 2008 йылдан Өфө ҡалаһының 43-сө поликлиникаһында табип-кардиолог. 2017 йылдан Башҡорт дәүләт медицина университетында аккредитация комиссияһының ағзаһы....

Элекке ирегеҙҙе ғәфү итегеҙ
Новости / Һаулыҡ һаҡлау // 30-05-2018, 08:30


Элекке ирегеҙҙе ғәфү итегеҙ
“Ирем менән ике йыл элек ауыр айырылыштыҡ. Тормошта төрлө хәл булғандыр, мин дә ҡайһы саҡ яңылышҡанмындыр. Тик шул йәшлек менән ҡылынғанды онотоп, ғәфү итеп булмаймы уға? Ике балабыҙ бар, ҡыҙыма – 11, улыма – 8 йәш. Үткәндәрҙе онотҡом килә, ә балалар атаһы менән аралашҡас, ауыр. Араларын һыуын­дыра алмайым, сит яҡҡа ла китеп ҡараным, ир килә барыбер! Тыйҙым ҡаты итеп, аңламай, һаман да килеүен дауам итә. Миңә уны оноторға, яңы тормош башларға кәрәк бит!”...

Аяҡтағы бәшмәктән ҡотолорға нимә ярҙам итә?
Новости / Һаулыҡ һаҡлау // 29-05-2018, 07:00


Аяҡтағы бәшмәктән ҡотолорға нимә ярҙам итә?
Һыуыҡтар башланыу менән хәләл ефетемдең аяҡтары ҡысыта башлай. Ә быйыл урыны-урыны менән ваҡ ҡына сабыртмалар ҙа сыҡты. Уны дарыуҙар йә халыҡ дауаһы менән бөтөрөп була?
Үҙемдең аяғымдың ике бармағының тырнаҡтары ҡалыная. Тырнаҡ бәшмәге тиҙәр шикелле. Табип ҡушыуы буйынса тербинафин һөртөп ҡарағайным, файҙаһы юҡ. Намаҙ уҡығас, көн дә аяҡтарымды йыуам, йыуыу менән генә бөтмәй икән. Ниндәй халыҡ дарыуҙары ярҙам итә икән? Йоғошло тип ишеткәйнем, башҡа бармаҡтарыма күсеүенән ҡурҡам.
Сәләм менән –
Флүрә апайығыҙ.
Мәләүез ҡалаһы.
...

Йыланҡараҡты дауалау ысулы
Новости / Һаулыҡ һаҡлау // 25-05-2018, 07:00


Йыланҡараҡты дауалау ысулыЙыланҡараҡ (панариций) – бармаҡ осо туҡымаһына сыҡҡан эренле шешек. Йыш ҡына баҡсала эшләгәндә бармаҡ осо ҡырҡылып, ялҡынһыныу башлана. Шул осраҡта спирт ярҙам итә. Рюмкаға 95 процентлы спиртты әҙ генә һыу ҡушып ҡойорға һәм бармаҡты шунда тығып тоторға. Дауалауҙы бер аҙ ғына тәнәфес менән өс сәғәт дауам итергә. Икенсе көнөнә лә шулай. Өсөнсө көнөнә бармағығыҙ йүнәлер.

М. Таһир.
Өфө ҡалаһы....

Үҙгәртергә түгел, яраҡлашырға тырышығыҙ
Новости / Һаулыҡ һаҡлау // 24-05-2018, 07:00


Үҙгәртергә түгел, яраҡлашырға тырышығыҙ
“Минең ҡәйнәм – ут! Килен булып төшкәнемә яңы-яңы ярты ғына бер йыл, ә ул һаман да иремде ғаиләһеҙ, яңғыҙ тип белә, ахыры. Ни генә булһа ла ирем әсәһенә һөйләй, уның кәңәшһеҙ бер нәмә башҡармай! Ошо арала яңы кер йыуыу машинаһы алырға булып киттек. Әйтергә кәрәк, ул беҙ нимә генә алһаҡ та ҡыҫыла. Ә кер йыуыу машинаһының ҡиммәтлерәген алыр­ға кәңәш биргән. Мин иптәшемә әйтәм, һуң, беҙҙең ҡулға килеп ингән аҡсаны бөтәһен дә машинкаға тыҡһаҡ, ял итергә диңгеҙ буйына нисек барабыҙ? Шулай итеп план ҡорғайныҡ бит. Ә ул, быйылға бармаһаҡ та булыр, былтыр ғына туйҙан һуң бер ай буйы булдыҡ та баһа, тормош көткәс, әҙерәк сабыр булайыҡ, әсәйем шулай тине, тип тормаһынмы?! Иптәшемә 29, миңә 24 йәш, балалар булмаҫ борон иркенләп йөрөп ҡалырға ине, тип уйлағайныҡ. Ирем һәйбәт ул, тыныс, эше бик яҡшы, мин дә эшләйем. Тик ошо ҡыҫылыуы! Был ҡәйнәмде нисек аҡылға ултыртырға һуң?”....

Ҡайын бәшмәге
Новости / Һаулыҡ һаҡлау // 20-05-2018, 07:30


Ҡайын бәшмәге
Онкологик сирҙәргә ҡаршы ҡайын бәшмәге лә (чага) ҡулланыла. Киптерелгән бәшмәкте тәүҙә 3 литр һыуҙа өс сәғәт тоторға һәм һуңынан ит турағыс аша үткәрергә. Бер стакан бәшмәккә 1 литр йылы һыу ҡойоп, 48 сәғәт төнәтергә. Килеп сыҡҡан төнәтмәне һөҙөп алып, көнөнә алты тапҡыр ашарҙан ярты сәғәт алда 100-әр грамм эсергә.
Сөйәл үләне лә яман шештең үҫешен тотҡарлай. Уны сәскә атҡан ваҡытта ҡулланырға тәҡдим ителә. Үпкә яман шешенән көн һайын бер ҡалаҡ киндер орлоғо онтағы ҡушып, 100 г сөгөлдөр һәм кишер һуты эсергә ҡушыла. Әлбиттә, халыҡ медицинаһы тәҡдим иткән ысулдарҙы ла файҙаланып ҡарарға кәрәк. Сөнки берәүһе ярҙам итмәһә, икенсеһенең файҙаһы булыуы ихтимал. Ҡул һелтәп ҡуйырға ярамай, һәр мөмкинлекте ҡулдан ысҡындырмай, яман шешкә ҡаршы көрәшеү кәрәк. Сөнки был ҡәһәрле сирҙе еңеүселәр хаҡында ла миҫалдар күп бит....

Склероздан ярҙам итә
Новости / Һаулыҡ һаҡлау // 18-05-2018, 08:00


Склероздан ярҙам итә
Бер ҡалаҡ ҡыҙыл миләш, бер ҡалаҡ мәтрүшкә, өс ҡалаҡ гөлйемештең емеш менән япрағын ҡушып бутарға. Бер ҡалаҡ ошо ҡатнашмаға бер стакан ҡайнар һыу ҡойоп, 1,5 сәғәт төнәтергә һәм бал ҡушып, сәй урынына эсергә.
Һуған иҙмәһенә шул уҡ күләмдәге бал ҡушып бутарға. Ике ай буйы ошо дарыуҙы иртәле-кисле берәр ҡалаҡ эсергә.
Бер баш һарымһаҡты иҙергә һәм шуға бер стакан рафинадланмаған көнбағыш майы ҡушырға һәм бер төн һыуытҡыста төнәтергә. Иртәнсәк бер ҡалаҡ ошо төнәтмәгә бер ҡалаҡ лимон һуты ҡушып, ашарҙан ярты сәғәт алда эсергә. Дауаланыу курсы – 1,5 – 2 ай.

С. Көнһылыу.
Йылайыр районы....

Ҡойма буйындағы витаминдар
Новости / Һаулыҡ һаҡлау // 16-05-2018, 11:15


Ҡойма буйындағы  витаминдарМай уртаһында ер ныҡлап йылына башлау менән иң тәүгеләрҙән булып ҡуҙғалаҡ менән кесерткән ҡалҡып сыға. Кесерткәндең үҫмәгән ере юҡ. Сағылған һайын уны әрләйбеҙ, әммә сағыуының зыяны юҡ, тик ҡырмыҫҡа кислотаһы ғына бөркөлә. Борон кешеләр уны, хәүеф-хәтәрҙән һаҡлай, тип иҫәпләгән һәм тәҙрә, ишек баштарына элеп ҡуйыр булған.
Кесерткән ашарға яраҡлы үҫемлектәрҙән иң тәүгеләр­ҙән булып баш ҡалҡыта. Ул витаминдарға бик бай. Аскорбин кислотаһы ҡара ҡарағат менән лимонға ҡарағанда – ике тапҡырға, ә каротин кишер менән һырғанаҡҡа ҡарағанда ла күберәк. Яҙғыһын организм витаминдарға һыуһаған ваҡытта кесерткән уның эшмәкәрлеген бик тиҙ яйға һала.
Составындағы кремний менән органик кислоталар организмдың зарарлы микробтарға, токсиндарға, радиация йоғонтоһона ҡаршы тороусанлығын көсәйтә. Ә К витамины ярҙамында ул ҡан туҡтатыу үҙенсәлегенә эйә. Шуға күрә кесерткәнде танау ҡанағанда һәм эске органдар (үпкә, бөйөр, эсәк, бала ятҡылығы) ҡанһырағанда ҡулланалар. Әммә кемдең ҡаны ҡуйы, уларға кесерткәнде ҡулланыу тыйыла.
Был үҫемлектең япрағы хлорофилға бай. Ул матдәләр алмашыныуын яҡшырта, эсәктәрҙең, бала ятҡылығының, йөрәк-ҡан тамырҙары һәм тын алыу үҙәгенең тонусын күтәрә. Кесерткән минераль матдәләргә, айырыуса тимергә бай. Һөҙөмтәлә ул ҡанда гемоглобиндың күтәрелеүенә булышлыҡ итә. Шуға күрә халыҡ медицинаһы йөрәк ауырыуҙарынан һәм аҙ ҡанлылыҡтан кесерткән төнәтмәһе эсергә ҡуша.
Шәкәр диабеты менән ауырыусыларға ла күберәк кесерткән ашарға кәңәш ителә. Сөнки ундағы секретин инсулин барлыҡҡа килеүгә йоғонто яһай һәм шуның менән ҡандағы шәкәр кимәлен кәметеүгә булышлыҡ итә.
Элек-электән кесерткәнде сәсте нығытыу өсөн ҡул­ланғандар.
Кесерткәндән бик тәмле аш-һыу әҙерләргә лә мөмкин. Ваҡ ҡына итеп туралған япрағын ашҡа, бутҡаға, салатҡа, йомортҡаға ҡушалар. Әгәр ҙә киптерелгән япрағын ыуалаһаң, аш-һыуға ҡушыу өсөн витаминдарға һәм микроэлементтарға бай бик файҙалы тәмләткес килеп сыға. Кесерткәндән әҙерләнгән ризыҡтар зарарлы микроорганизмдарҙы юҡ итеүсе фитонцидтарға бай булыу сәбәпле, тиҙ генә боҙолоп бармай. Улар ашҡаҙан менән эсәктәр эшмәкәрлеген көйләүгә булышлыҡ итә. Кесерткәндән шифалы аҙыҡ әҙерләүҙең бер ҡыйынлығы ла юҡ, иң мөһиме, уның экологик йәһәттән таҙа булыуы....


Борьба с коррупцией

[/aviable]

  • Аҡ күлдәк (Хикәйә)
  • Үәт, ҡыҙыҡ! (21.09.2018)
  • Министром молодежной политики и спорта Республики Башкортостан назначен Руслан Хабибов
  • Радий Хәбиров бөгөн Башҡортостандың беренсе Президенты Мортаза Рәхимов менән осрашты
  • Үәт, ҡыҙыҡ! (28.09.2018)
  • Тормош – ҡуласа, әйләндереп бер баҫа
  • Үткәндәрҙе ебәрергә өйрәнегеҙ
  • Совет Башҡортостанына бағышланған значок: "Башкирия"
  • Ылау (Хикәйә)
  • Ралина БУРАНҒОЛОВА



  • Радио Юлдаш FM