НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Иммунитетты нығытыу өсөн
Новости / Һаулыҡ һаҡлау // 10-11-2016, 11:27


Иммунитетты  нығытыу өсөнКөҙгө һалҡындар башланыу менән төрлө ауырыу ҙа көсәйә. Улар бигерәк тә иммунитеты насар булған кешеләрҙе һағалап ҡына тора: йә һалҡын тейеп бара, йә инфекция эләгә. Нисек итеп улар­ҙан һаҡланырға һуң? Түбәндәге кәңәштәр әҙме-күпме булһа ла ярҙам итер, тигән өмөттәбеҙ.

Был рецепт көҙгө һәм ҡышҡы һалҡында төрлө ауырыуҙан һаҡланырға ярҙам итер. Уны әҙерләү өсөн 150 г бал, 200 – 300 г ҡабаҡ, бер лайм, ике лимон һәм имбирь, 150 г шәкәр һәм ун минут ваҡыт етә. Лимон менән лаймды ҡайнар һыу менән бешекләп алырға. Ҡабаҡ менән имбирҙең ҡабығын таҙартып, ваҡлап турарға, һуңынан блендер менән иҙергә. Лимон менән лаймдың һөйәктәрен алып, ҡабығы менән бергә турарға. Һуңынан барыһын бер һауытҡа һалып, бал менән шәкәр өҫтәргә лә блендер менән яҡшы итеп иҙергә. Ҡатнашманы һалҡын урында һаҡларға. Һыуытҡыста оҙаҡ ҡына ваҡыт ултырһа ла бер нәмә лә булмай. Был шифалы һәм тәмле дарыуҙы сәйгә ҡушып эсергә, ҡоймаҡ, печеньеға һылап ашарға ла мөмкин.

Ауырыу башланып ҡына торғанда

- Тамаҡ ауыртҡанда йылымыс һыуға бөтнөк үләне, бер лимон һуты ҡушып әҙерләнгән эсемлек ярҙам итә.
- Ҡоро йүтәл йонсотҡанда йүкә сәскәһен термоста ҡайнар һыуҙа 3 – 4 сәғәт төнәтеп эсергә.
- Тымауҙан – һуған һуты һәм алоэ һутын ҡушып, 1:1 нисбәтендә һыу өҫтәп, танауға тамыҙырға.
- Һалҡын тейгәндә мөмкин тиклем күберәк һыу эсегеҙ. Йылантамыр үләне менән лимон ҡушып сәй әҙерләргә мөмкин. Шулай уҡ ҡайнатма тураһында ла онотмағыҙ! Мәҫәлән, температураны бик яҡшы төшөрөү сараһы – ҡурай еләге ҡайнатмаһы....

Үҙ урындарында
Новости / Һаулыҡ һаҡлау // 15-10-2016, 17:00


Үҙ урындарындаСпорт инструкторҙары Эльмира Фәттәхова менән Тимур Ульданов һәр сирленең йөрәгенә асҡыс таба белә

Учалы тау-байыҡтырыу комбинатының санаторий-профилакторийында спорт инструкторҙары булып эшләүсе Эльмира Фәттәхова менән Тимур Ульданов – иҫ киткес ныҡ кешеләр! Йыл ярым буйына уларҙы фотоға төшөрөргә, гәзиткә маҡталып яҙылырға ризалашыр­ға өгөтләнем. Юҡ, беҙҙең турала яҙма, кәрәкмәй, ти ҙә ҡуялар. Башҡа берәү булһа, кейенеп-яһанып, биҙәнеп-төҙәнеп, фотоаппараттың объективы алдына “һоп” итеп һикереп килеп тә ултырыр ине. Ә был икәүҙе фотоға төшөргә күндерерлек тә түгел! “Һуҡыр”, йәғни фотоһүрәтһеҙ булһа ла һүрәтләмә яҙып бирәйем, тип биографияларын һораша башлаһам, үҙҙәре хаҡында тәфсирләп бәйән итер урынға, икенселәрҙе һөйләргә тотоналар.
...

Нервы ауырыуы ҡайҙан барлыҡҡа килә?
Новости / Һаулыҡ һаҡлау // 6-10-2016, 11:57


Нервы ауырыуы  ҡайҙан барлыҡҡа  килә?Вегетатив-ҡан тамырҙары нейропатияһы ни сәбәпле барлыҡҡа килә һәм уны нисек дауалайҙар?

М. ВӘЛИЕВ.
Борай районы.

Полинейропатия нервылар зыян күргәндә барлыҡҡа килә. Ҡағиҙә булараҡ, нервыны туҡландырыусы һәм һаҡлап тороусы тышҡы ҡатламы зыян күрә. Шул урында ҡысытҡан, әсеткән, сәнскән, ауыртҡан һымаҡ тойола. Улар күберәк үксәлә килеп сыға, сөнки иң оҙон нервы шунда бара. Ауырыуҙың үҫешенә шәкәр диабеты ваҡытында оҙаҡ ваҡыт ҡанда шәкәр күләменең юғары булыуы, төрлө йәрәхәт, ҡан тамырҙары атеросклерозынан аяҡтарҙа ҡандың насар йөрөүе, алкоголде күп ҡулланыу, зарарлы производствола эшләү ҙә булышлыҡ итеүе ихтимал. Шуға күрә иң беренсе сиратта ауырыуҙың сәбәбен бөтөрөргә кәрәк – ҡандағы шәкәр күләмен нормаға килтерергә, алкоголдән баш тартырға һ.б. Был ауырыуҙан В төркөмө витаминдары файҙалы. Шулай уҡ берлитион, эспа-липон, тиогамма, тиоктацид кеүек препараттар­ҙы ҡулланырға кәңәш итәләр. Әммә улар­ҙы табип кәңәше менән генә ҡабул итергә ярай.
...

Операциямы, йодмы?
Новости / Һаулыҡ һаҡлау // 5-10-2016, 12:24


Операциямы, йодмы?Ҡалҡан биҙендә төйөр таптылар, әммә уның функцияһы боҙолмаған. Был осраҡта мотлаҡ операция эшләтергә кәрәкме? Миңә йод препараттары ҡулланырғамы?
А. СӘМИҒУЛЛИНА.
Сибай ҡалаһы.

Әгәр ҙә төйөн үҫһә йәиһә ҙурайһа (3 сантиметрҙан ҙурыраҡ булһа), операция яһатырға кәрәк. Шулай уҡ ниндәйҙер ҡатмарлыҡтар килеп тыуһа ла, иң яҡшыһы – операция яһатыу. Төйөн булғанда, йод препараттары эсергә ҡушмайҙар, сөнки уларҙың төйөндөң үҫеүенә булышлыҡ итеүе ихтимал. Ғөмүмән, йәш барған һайын ҡалҡан биҙендә төйөндәр барлыҡҡа килеү ихтималлығы арта, шунлыҡтан бөтә кешегә лә йод препараттарының килешеп етмәүе лә мөмкин.
...

Үксә ауыртҡанда
Новости / Һаулыҡ һаҡлау // 4-10-2016, 11:55


Үксә  ауыртҡанда
Үксә тибенгеһенән ошо рецепт ярҙам итә. 10 – 12 көн буйы нишатыр спиртынан һәм скипидарҙан алмашлап компресс ҡуйығыҙ. Бер көн – спирт, икенсе көнөнә – скипидар. Спирт дарыуханала һатыла, ә скипидарҙы хужалыҡ тауарҙары магазинынан һатып алырға була. Компресс ҡуйғандан һуң иртәнсәк үксәгеҙҙе йыумағыҙ. Әгәр ҙә тәүҙә әсеттерә икән, компресты алып тороғоҙ, әммә иртәгәһенә яңынан ҡуйығыҙ.


...

Герпестан алма ярҙам итә
Новости / Һаулыҡ һаҡлау // 3-10-2016, 11:46


Герпестан  алма ярҙам итәИренгә, биткә герпес сыға башлау менән алманы ҡырғыстан үткәреп, шул урынға ҡуйырға мөмкин. Был процедураны бер нисә тапҡыр ҡабатларға була, тик һәр ваҡыт алманы яңынан ҡырырға кәрәк. Һуңынан шул урынға каланхоэ япрағын лейкопластырь менән нығытып ҡуйһаң, тағы ла яҡшыраҡ. һуты сыҡһын өсөн япраҡты энә менән тишкеләп сығырға онотмағыҙ.
...

Быуындар һыҙлауын онотҡоғоҙ киләме?
Новости / Һаулыҡ һаҡлау // 26-09-2016, 19:00


Быуындар  һыҙлауын  онотҡоғоҙ  киләме?Тубыҡтар ауыртҡанда, ғөмүмән, быуындар һыҙлағанда бик файҙалы. Оҙаҡ ваҡытҡа ауыртыуҙы онотоп тороу өсөн 3 – 4 процедура ла етә. Шулай уҡ билде һәм ауыртып торған мускулдарҙы ла дауаларға мөмкин. Компресты күпме ваҡыт тота алаһығыҙ, шунса тоторға мөмкин. Ә инде әсетеп ҡыҙҙыра башлаһа, еүеш салфетка менән һөртөп алығыҙ һәм майлы крем йәиһә үҫемлек майы менән майлап ҡуйығыҙ. Компресс өсөн ҡатнашманы ҡулланыр алдынан ғына әҙерләргә кәрәк. Уның өсөн бер үк күләмдә бал, гәрсис, тоҙ һәм аш содаһы алып, яҡшы итеп бутап, ауыртҡан урынға ҡуйығыҙ (ныҡ итеп һыларға ярамай). Өҫтөнә пленка ябып, йылы әйбер менән уратығыҙ.
...

Тоҙ баш ауыртыуын баҫа
Новости / Һаулыҡ һаҡлау // 21-09-2016, 15:34


Тоҙ баш  ауыртыуын баҫаКинәт кенә башығыҙ ауыртып китеп, түҙер әмәлегеҙ ҡалмаһа, тиҙ генә тоҙ иретмәһе әҙерләгеҙ. Был ябай ғына ысул тиҙ арала баш ауыртыуын баҫып, оҙаҡ ваҡытҡа уның нимә икәнен дә онотоп торорға ярҙам итер. Өҫтәүенә, ҡан баҫымын да нормаға килтерергә ярҙам итә. Иң тәүҙә марляны 8 ҡат итеп бөкләп, башты уратып алмалы итеп бәйләмес әҙерләргә. Шунан 250 мл һыуҙы 40 – 60 градусҡа тиклем йылытырға һәм 2 балғалаҡ тоҙ һалып иретергә. Һөҙөмтәлә 8 процентлы тоҙ иретмәһе барлыҡҡа килә. Йылы һыу менән маңлай, ҡолаҡтар һәм елкәне йыуып, бәйләместе тоҙ иретмәһенә манып, еңелсә һығырға һәм әҙерәк һыуынһын өсөн һелккеләп алғандан һуң, маңлай, ҡолаҡтар һәм елкә аша башты уратып бәйләргә. Компресс ныҡ торһон өсөн уны кизе-мамыҡ яулыҡ менән нығытып бәйләп ҡуйырға онотмағыҙ. Шунан бер аҙ ятып торор­ға мөмкин. Бер нисә минуттан баш ауыртыуы баҫылып, еңеллек һиҙерһегеҙ, әммә яулыҡты сисергә ашыҡмағыҙ. Ә инде ауыртыу ныҡлап үтеп, бәйләместе сискәндән һуң, башығыҙҙы йылы һыу менән йыуып алығыҙ....

Организмды таҙартыу өсөн диета
Новости / Һаулыҡ һаҡлау // 21-09-2016, 12:39


Организмды  таҙартыу өсөн диетаБилдәле булыуынса, бик күп ауырыу­ эске ағзаларға тоҙҙар, шлактар ултырыуҙан барлыҡҡа килә. Америка табиптары организмды таҙартыу өсөн бер көнлөк диета тәҡдим итә. Әммә уны дөрөҫ үтәгәндә ошо бер генә көндә лә организм үҙенә кәрәкле барлыҡ витамин, аҡһым-углевод, аминокислотаны аласаҡ. Иң мөһиме – диетаның ваҡытын дөрөҫ үтәү.
Был диета өсөн икмәк сәйе әҙерләп алыр­ға тура килер. Ул түбәндәгесә әҙерләнә: 200 г арыш икмәген киҫкеләп, бер литр ҡайнар һыуға һалырға һәм 8 – 10 сәғәт тотҡандан һуң һөҙөп алырға.
Иртән иртүк уяныу менән бер-ике сынаяҡ йәшел сәй эсергә кәрәк.
8.00 – бер сынаяҡ икмәк сәйе һәм алма.
9.00 – ярты сынаяҡ икмәк сәйен ярты сынаяҡ виноград һутына ҡушып эсергә һәм 100 г виноград йәки 50 г йөҙөм ашап ҡуйырға.
10.00 – 2 сынаяҡ йәшел сәй.
11.00 – ярты сынаяҡ икмәк сәйенә ярты сынаяҡ кишер һуты ҡушып эсергә һәм бер алма ашап ҡуйырға.
12.00 – бер сынаяҡ виноград һуты һәм 100 г виноград йәки 50 г йөҙөм.
15.00 – 2 сынаяҡ йәшел сәй.
16.00 – ярты сынаяҡ икмәк сәйе һәм ярты сынаяҡ кишер һуты.
17.00 – бер стакан минераль һыу.
18.00 – 2 – 3 татлы борос.
19.00 – ярты сынаяҡ икмәк сәйе һәм ярты сынаяҡ алма йәки груша һуты.
Төнгөлөккә – бер сынаяҡ йәшел сәй.
...

Тымауҙан һәм гаймориттан файҙаһы ҙур
Новости / Һаулыҡ һаҡлау // 20-09-2016, 15:36


Тымауҙан һәм  гаймориттан  файҙаһы ҙурКөндәр һыуына башлау менән һалҡын тейеп ауырыуҙар ҙа арта. Айырыуса тымау аптырата, ә инде гайморитҡа барып етһә, бигерәк тә насар. Гаймориттан ҡайын бөрөһөнән әҙерләнгән төнәтмә яҡшы ярҙам итә. Дарыухананан һатып алынған ҡайын бөрөһөн араҡыға һалып төнәтергә кәрәк. Яҡынса 1/5 өлөшө – бөрө, ә ҡалғаны – араҡы (спирт ярамай). Йылы урында, һелкә-һелкә төнәтергә кәрәк. Араҡы һоро төҫкә инһә, төнәтмә әҙер булыр. Артабан кизе-мамыҡ сепрәкте маңлайҙы ҡапларлыҡ итеп 5 – 6 ҡатҡа бөкләргә һәм ошо төнәтмәлә еүешләп, маңлайға ҡуйырға. Сепрәк маңлайҙы, хатта ҡаштарҙы яҡшы итеп ҡаплап торорға тейеш. Өҫтөнә целлофан һалып, төнгөлөккә ҡалдырырға. Маңлайҙы әҙерәк ҡыҙҙырып, яндырып торған һымаҡ булыр, әммә уның зыяны юҡ. Бына ошо ябай ғына ысул бер ниндәй дарыуһыҙ һәм операцияһыҙ гаймориттан ҡотолорға ярҙам итә....


  • Егерме йыллыҡ хыял
  • Үәт, ҡыҙыҡ! (22.09.2017)
  • “Минең дә улым булыр ине...”
  • Беҙҙең өсөн уңайлы Указды дөрөҫ файҙаланайыҡ
  • Йондоҙнамә (25 сентябрь – 1 октябрь)
  • Еҙем-Ҡарандарға оят!
  • "Йәшлек" гәзите яңылыҡтарын "Телеграм" аша алығыҙ!
  • Ҡөрьән ашы тәртиптәре
  • Ҡырау төшөүе ихтимал
  • “Умырзая”, “Рамаҙан”, “Дәүер”, “Әкиәт” – барыһы ла Учалыныҡы!



  • Радио Юлдаш FM