НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Һитәһе лә витамин!


Һитәһе лә витамин!Бөгөнгө йәш ғаиләләр араһында ла умартасылыҡ менән шөғөлләнеүселәр бихисап. Улар ата-бабаларҙан ҡалған матур шөғөлдө тағы ла киңәйтеберәк ебәрә, балдан, ҡортсолоҡтан килгән аҙыҡ-түлектең, тауарҙарҙың ассортиментын тағы ла күберәк итеп һата, ҡуллана. Иглин районында йәшәүсе Арсен Зәйнуллин – балсылыҡ менән шөғөлләнеүсе йәштәребеҙҙең береһе. Уның ҡырҡтан ашыу умартаһы бар. Әлбиттә, был тиклем умарта шәхси ихатаға ғына һыйып бөтмәгән, йәш атайҙың умарталары Үктәй ауылындағы матур бер урындағы умарталыҡта тора.
– Барса халыҡ белә: умартасылыҡ менән шө­ғөлләнеү бик файҙалы, килеме лә етерлек. Ләкин шуныһы: килем алыу өсөн шул бал ҡортоноҡонан да кәм булмаған егәрлелек кәрәк. Уның бит күҙгә күренмәгән, тауыҡ сүпләһә лә бөтмәҫлек эше күп. Шуға ла, балдан файҙа килгәнлеген аңлаусылар бихисап булһа ла, был эшкә тотоноусылар араһында дәғүәселек барыбер ҙә артыҡ күп түгел.
Хәҙерге ваҡытта кешеләр тәбиғи аҙыҡҡа ҙур иғтибар бирә. Бал тураһында әйтеп тә торор­ға түгел инде – был татлы аҙыҡтың тиңе лә юҡ. Арсен, ата-әсәһе – Флүрә һәм Рафаэль Зәйнул­линдар, кәләше Гөл­нәзирә менән бергәләп, бал ғына түгел, кәрәҙ балы, һитә (перга) кеүек аҙыҡтар, прополис та һата. Әйткәндәй, һитәнең файҙаһын, халыҡ, ниһайәт, аңлай башланы шикелле, ул бит торғаны бер витаминдар ояһы – ал да һаулығыңды нығыт ҡына. Әлеге балсылар ғаиләһе лә һитәне көн һайын ҡуллана, балаларына ла даими рәүештә бирә. Уны һорап, һатып алыусылар ҙа йылдан-йыл арта бара, төрлөләндереп, ҡаптар­ға төрөп һатыу эше лә йәнләнеп китте.
– Һитәне “бал ҡортоноң икмәге” тип тә әйтәләр. Беҙ уны балаларға ярты ҡалаҡ бирәбеҙ, үҙебеҙ берәр ҡалаҡ ашайбыҙ. Шөкөр, файҙаһы бар – химия ҡушып эшләнгән махсус витаминдар ары торһон! – тип һүҙгә ҡушыла Гөлнәзирә. Зәйнуллиндар балды тәүҙәрәк йөрөп тә һатҡан. Хәҙерге ваҡытта ундай мәшәҡәт юҡ, интернетта махсус төркөм төҙөп алғандар ҙа, заказдар ғына ҡабул итәләр, кәрәк кешегә алып барып бирәләр. Ҡыҫҡаһы, эштәре яйға һалынған тип әйтергә кәрәк.
Иглин районының тәбиғәте умартасылыҡ өсөн уңайлы, уңғандар һәм тырыштар унда бынамын тигән сифатлы һәм тәмле бал етештерә. Бәрәкәтле ер ул! Арсен менән Гөлнәзирә лә бар ерҙә лә өлгөрөп ҡалырға, тәбиғәт биргән байлыҡҡа үҙҙәренең тырышлығын ҡушып, заманса һәм матур йә­шәргә ынтыла. Уларҙы һәм барлыҡ умартасыларҙы һөнәри байрамдары менән ҡотлайбыҙ. Татлы уңыштар һеҙгә!


Лилиә СИРАЕВА.

Сығыу ваҡыты 15-08-2016, 15:09 | Ҡаранылар: 420
|
  • Уңған умартасылар – беҙҙә!
  • һатыусы һүҙе ҡиммәт
  • Сифатлы аҙыҡ ҡайҙа һатыла?
  • АУЫЛҒА НИМӘ ЕТМӘЙ?
  • Аҡсаның ҡасан еткәне бар?
  • Информация

    Комментировать статьи на сайте возможно только в течении 4 дней со дня публикации.


  • Егерме йыллыҡ хыял
  • Үәт, ҡыҙыҡ! (22.09.2017)
  • “Минең дә улым булыр ине...”
  • Беҙҙең өсөн уңайлы Указды дөрөҫ файҙаланайыҡ
  • Ау-у, марал!
  • Йондоҙнамә (25 сентябрь – 1 октябрь)
  • Маринадланған кәбеҫтә
  • "Йәшлек" гәзите яңылыҡтарын "Телеграм" аша алығыҙ!
  • Ҡөрьән ашы тәртиптәре
  • “Умырзая”, “Рамаҙан”, “Дәүер”, “Әкиәт” – барыһы ла Учалыныҡы!



  • Радио Юлдаш FM