RSS-подписка facebook Вконтакте Вконтакте
» » Көслөгә ҡулдары ла ярҙамға киләме?..

26.03.2011 Көслөгә ҡулдары ла ярҙамға киләме?..

ҡул менән дә уйнай белергә кәрәк... Гагарин кубогы өсөн башланған Көнсығыш конференцияһының финалында «Салауат Юлаев» командаһы менән Магнитогорскиҙың «Металлург» уйынсылары араһында барған беренсе уйында өсөнсө голды өфөләр ҡул ярҙамында индерҙе, тип күптәр бәхәс ҡорҙо. Баш судья, осрашыуҙы туҡтатып, өҫтә ултырған экспертҡа мөрәжәғәт итеп, видеоҡабатлауҙы яңынан ҡаратты. Тегенеһе хужалар яғынан бер ниндәй ҡағиҙә боҙоуҙы күрмәй, голдың дөрөҫ икәнен иҫбатланы. Магнитогорск хоккейсылары, судьяның ҡарары менән килешмәй, Радулов ҡул менән пас бирҙе, тип бара. Уйындан һуң КХЛ судьялар департаменты, был ваҡиғаны етдигә алып, видеоҡабатлауҙы ҡат-ҡат тикшергәндән һуң, голдың дөрөҫ икәнен иҫбатланы. Шулай итеп, ҡайһы бер юғары белгестәр әйтеүенсә, юлаевсылар ҡул ярҙамын файҙаланмайынса ла еңеүгә лайыҡ. Шуны иҫбатлап, Вячеслав Быковтың тәрбиәләнеүселәре дәғүәсенең ҡапҡаһына дүртенсе шайба сойорғотоп, дөйөм еңеүгә тос өлөш индерә. Тегеләр әлеге лә баяғы беҙҙең кәмселекте оҫта файҙаланып, иҫәпте ҡыҫҡартыуын- ҡыҫҡарта, тик башҡаһына хәле етмәй. Бер мәл күршеләр ҡапҡабыҙға ҡурҡыныс менән янаны, тик был юлы ла Блатяктың ҡулы ваҡытында ярҙам­ға килде. Эрсберг ҡапҡаһы янында һауаға сөйөлгән шайбаны Чехия легионеры, оҫта итеп һелтәп, ситкә осорҙо.
Ғөмүмән, осрашыу әллә ни көсөргәнешле уҙманы тиһәк тә, күптәр беҙҙең менән килешер. Сөнки, ысынлап та, беренсе уйын булғанғамы икән, быға тиклем ҡаҙанға ҡаршы сәкәләшкәндәге кеүек ҡыҙыулыҡ тойолманы. Ике яҡтың өлгәшкән уңыштары ла әллә ни эшлекле булманы һымаҡ. Бигерәк тә ҡунаҡтарҙыҡы. Өс голды ла улар күпселектә индерҙе. Өфөләргә был йәһәттән оҫталыҡтарын шымартаһы бар. Сөнки «Металлург» уйынсылары күпселектә оҫта уйнай, тигән һүҙ йөрөй. Нисек кенә булмаһын, беренсе уйынды дәғүәселәрҙең бер-береһенә ҡаршы һунары тип атарға була. Бына бөгөн, моғайын, осрашыу икенсе төҫ алыр.
Ғөмүмән, был командаларҙың үҙ-ара уйнау тарихына туҡталғанда, «Металлург»та һәр ваҡыт тәжрибәле көслө уйынсылар тупланып, ул юлаевсыларҙың уртаса командаһына ҡаршы көрәште. Һәм, иң мөһиме – күпселек ваҡыт боҙҙа өфөләр өҫтөнлөк итте. Икенсе төрлө әйткәндә, юлаевсылар улар өсөн уңайһыҙ дәғүәсе булып һаналды. 1997 йылда Рәсәй беренселегенең өсөнсө урыны өсөн барған бәйгелә ул мәлдә тулыһынса тиерлек үҙ мәктәбе тәрбиәләнеүселәренән торған Өфө командаһы көслө Магнитогорск командаһын отто һәм бронза миҙал яуланы. Ике еңеү өсөн барған алышта башта юлаевсылар үҙендә «Металлург»ҡа отола, һуңынан уларҙа ике осрашыуҙа ла өҫтөнлөк итеп, ҙур уңыш ҡаҙана. Бына шулай. Унан һуң инде күп һыуҙар аҡты. Һәм йәнә осрашыу. Тик, икенсе составта. Маҡсаттары ла икенсе – финал.
Көнбайыш конференцияһында ла хәҙер инде ике уйын үтте. Тәүгеһендә ныҡыш пан Ржиганың «Атлант»ы Ярославлдә урындағы «Локомотив»ты көтмәгәндә 6:1 иҫәбенә еңде. Икенсе осрашыу һуң башланыуы арҡаһында һөҙөмтәһен бирә алмайбыҙ.
Н. ТИМЕРОВ.







Комментарий өҫтәргә


    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent


Өҫтәлгән комментарийҙар




Оҡшаш яңылыҡтар



«Өфө»гә VAR системаһы ярҙамға килә

Бәлки, “Зенит”ҡа ла сират етер...

Олимпия уйындарына  путевка яуланылар

Линус УМАРК, “Салауат Юлаев” командаһы һөжүмсеһе: “Беҙ киләһе Гагарин  кубогын яулаясаҡбыҙ”

Синхрон йөҙөүҙә Рәсәйгә етеүсе юҡ

Рәсәй Премьер-лига  чемпионаты юлға сыға

Панарин 100 миллион  долларҙан баш тартты…

II Европа  уйындары  тамамлана

«Салауат Юлаев» клубы  пландары менән уртаҡлашты

Үҙҙәрен Бразилия уйынсылары кеүек тойҙо

«Өфө» элитала урынын һаҡлап ҡалды

Дацюк Екатеринбургҡа  юлланды

«Бронза» өсөн ҡыуанырға кәрәк

«Алтын»дан да башҡа баһа юҡ

Эштә лә, уҡыуҙа ла,  спортта ла алда баралар

Итальяндар ҙа  хоккей уйнарға өйрәнер

ЦСКА  «Гагарин»ды яуланы

ЦСКА «Гагарин»ға  бер аҙым яһаны

Улар еңелмәне…

13.04.2019 - Спорт Улар еңелмәне…


«Салауат Юлаев» сенсацияһын дауам итте

Кимәленән  сыға алманылар

Өфө боҙо тайғаҡ шул...  йәки «Автомобилист»ың шиптары шымарҙы ахыры

Милли көрәшкә – яңы һулыш

«Йәншишмә» гәзите призына