04.09.2012 Дим районында – яңы мәктәп
1 сентябрҙе Өфө ҡалаһы Дим районынан 620 уҡыусы яңы 101-се мәктәптә ҡаршы алды.
1937 йылда төҙөлгән иҫке мәктәп урынында яңы белем усағы ни бары ете ай эсендә ҡалҡып сыҡты. Уны асыу тантанаһында Башҡортостан Президенты Рөстәм Хәмитов ҡатнашты. Уҡыусыларҙы яңы уҡыу йылы башланыуы менән ҡотлап, республика етәксеһе тик яҡшы билдәләргә генә өлгәшеүҙәрен теләне, мәктәпте ҡәҙерләп һаҡларға саҡырҙы.
Быйыл 75 йыллыҡ юбилейын билдәләйәсәк мәктәптең тарихы бай. Ул Дим станцияһындағы иң тәүге урта мәктәп иҫәпләнә. Бөйөк Ватан һуғышы осоронда бында госпиталь урынлашҡан була. 2009 йылда мәктәп авария хәлендә тип билдәләнә. Иҫке бина мәктәп урынында төҙөлөш эштәре 2012 йылдың 31 ғинуарында башлана. Төҙөлөш эштәре, мәктәпте йыһазландырыу өсөн барлығы 200 млн һум аҡса бүленә. Бөтә талаптарҙы иҫәпкә алып төҙөлгән яңы мәктәп иһә бөгөн уҡыусыларҙың ғына түгел, ата-әсәләрҙең дә оло ҡыуанысы.
Оҡшаш яңылыҡтар
