04.12.2018 Барыһы ла һыуытҡысҡа түгел
Әле йәшелсәнең мул осоро. Магазинда ла беҙҙең яҡта үҫмәгән емеш-еләктәр тулып ята. Ә һеҙ уларҙы нисек һаҡларға беләһегеҙме?
Барлыҡ емеш-йәшелсәне лә һыуытҡыста һаҡларға ярамай. Бүлмә температураһында һаҡлана торғандары – авокадо, абрикос, банан, цитруслылар, һарымһаҡ, киви, ҡауын, нектарин, һуған, груша, персик, слива, ананас һәм бәрәңге. Ә һыуытҡыста иһә – алма, еләк, кәбеҫтә, кишер, сельдерей, сейә, ҡыяр, кукуруз, ташҡабаҡ, виноград, бәшмәк һәм йәшел тәмләткестәр.
✔Һуған менән бәрәңгене бергә һаҡларға ярамай, юғиһә, һуған тиҙ боҙола.
✔Бәрәңге шытмаһын өсөн уны алма янында һаҡлағыҙ.
✔Помидорҙы целлофан пакетта һаҡламағыҙ, сөнки этилен уны тиҙ серетә.
✔Имбирҙы һыуытҡыстың туңдырыу бүлегендә һаҡлау яҡшы.
✔Бәшмәкте целлофан пакетта түгел, ә ҡағыҙға төрөп һаҡлағыҙ.
✔Сыр ҡатмаһын өсөн ҡырҡылған урынына аҡ май һөртөгөҙ.
✔Банандарҙың «аяҡтарын» аҙыҡ-түлек өсөн ҡуллана торған пленка менән төрһәгеҙ, улар оҙағыраҡ һаҡланыр.
Оҡшаш яңылыҡтар
