RSS-подписка facebook facebook Вконтакте Вконтакте
» » «Берҙәмлектә беҙҙең көсөбөҙ»

08.06.2012 «Берҙәмлектә беҙҙең көсөбөҙ»

 «Берҙәмлектә беҙҙең көсөбөҙ»
Бөрйән районының Мораҙым ауылына барғас, тау башында урынлашҡан мәктәпте күргәс тә, һүҙҙә генә түгел икән, бындағы уҡыусылар ысынлап та белем үрҙәренә артыла икән, тигән уй тыуҙы. „Үргә ыҙаланып менһәгеҙ ҙә, өйөгөҙгә ҡыш санала ғына шыуып төшәһегеҙҙер әле”, − тип шаярттыҡ мәктәптән ҡайтып килгән балалар­ҙы. Ауылдың йөҙө булған белем усағында йәш, берҙәм, матбуғат менән дуҫ уҡытыусылар коллективы эшләй булып сыҡты. Мораҙым мәктәбенә килеүебеҙҙең маҡсаты бөтә коллектив менән „Йәшлек”кә яҙылыусыларға яратҡан баҫмаларының бүләктәрен тапшырыу ине.
Мәктәп директоры Гөлмирә Таңғатар ҡыҙы Ғәлина етәкләгән коллективта 13 уҡытыусы эшләй, 63 бала белем ала. „Гәзитегеҙгә йыл да дәррәү яҙылып торабыҙ. Үҙебеҙ тураһында хәбәр иткән юҡ ине. Быйыл, тәүәккәлләп, конкурста ҡатнашырға булдыҡ. Йөкмәткеһе күңелгә ятҡас, „Йәшлек”те яратып уҡыйбыҙ. Унда сыҡҡан файҙалы, фәһемле мәҡәләләрҙе дәрестәр­ҙә файҙаланабыҙ”, − тип һөйләй мәктәп директорының уҡыу-уҡытыу буйынса урынбаҫары Гөлнур Ғәлимйән ҡыҙы Мөхәмәтйәнова.
Мәктәп уҡыусыларының ҡаҙаныштары етерлек – мораҙымдар район, төбәк-ара кимәлдә үткәрелгән спорт ярыштарында һынатмай, шахматсылар, саңғысылар командаһы гелән алдынғы урындарҙы яулай. Төрлө мәҙәни сараларҙа ла мәктәп уҡыусылары – конкурс призерҙары. Белем усағының үҙенең бай емеш-еләк, йәшелсә баҡсаһы бар. Ағиҙел йылғаһы буйында урынлашҡан мәктәп участкаһында бар нәмә лә уңа. Мәктәп ашханаһына йыл әйләнәһенә етерлек кәбеҫтә, картуфты, ҡарағат, ҡурай еләгенән ҡайнатмаларҙы үҙҙәре әҙерләй, артып ҡалғаны көҙгө йәрмин­кәләр­ҙә һатыуға сығарыла. Мәктәп бюджетын байытыу ниәтендә быйыл дарыу үләндәре йыйып, шуны һатыуға сығармаҡсылар.
Мораҙымдар тағы ла бер һөйөнөслө ваҡиға кисергән – быйыл мәктәп базаһында балалар баҡсаһы асылған. Хәҙер эшләгән әсәй­ҙәргә сабыйҙарын ҡайҙа ҡуйырға тип борсолаһы түгел. „Белем алыу өсөн барлыҡ шарттар ҙа бар, тик мәктәптең спорт залы булмауы ғына уңайһыҙлыҡтар тыуҙыра. ҡышҡыһын уҡыусылар физкультура дәрестәрен тышта үткәрергә мәжбүр”, − ти уҡытыу­сылар.
Бөтә коллективтары менән гәзитебеҙгә яҙылған матбуғат дуҫтарына редакциянан бүләккә алып барған „Йәшлек”тең логотибы төшөрөлгән футболкалар бик тә оҡшаны. „Район кимәлендә үткәрелгән спорт ярыштарында үҙебеҙҙең командаға берҙәм форма таба алмай инек. Хәҙер һеҙҙе лә рекламалап, „Йәшлек” футболкалары менән генә сығыш яһарбыҙ инде”, − тип һөйөнөп хушлашып ҡалды улар.

З. ЙӘҺҮҘИНА.
В. ХӘБИРОВ фотоһы.








Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Көс-дәрт алып тыуған тупраҡтан

07.02.2019 - Гәзиткә яҙылыу Көс-дәрт алып тыуған тупраҡтан


Яҙылығыҙ һеҙ «Йәшлек»кә!

06.02.2019 - Гәзиткә яҙылыу Яҙылығыҙ һеҙ «Йәшлек»кә!


Велосипедты Салауаттан Рәйес Кәримов отто!

Афарин, Нурсилә апай!

26.12.2018 - Гәзиткә яҙылыу Афарин, Нурсилә апай!


"Йәшлек" 800-ҙән ашыу хат алды

21.12.2018 - Гәзиткә яҙылыу "Йәшлек" 800-ҙән ашыу хат алды


«Йәншишмә»беҙ ҡоромаһын!

18.12.2018 - Гәзиткә яҙылыу «Йәншишмә»беҙ ҡоромаһын!


Һаумыһығыҙ, "Йәшлек" гәзите редакцияһы!

Ә һеҙ "Йәшлек"кә яҙылдығыҙмы әле?

13.12.2018 - Гәзиткә яҙылыу Ә һеҙ "Йәшлек"кә яҙылдығыҙмы әле?


"Йәншишмә»гә ҡурҡыныс янай

12.12.2018 - Гәзиткә яҙылыу "Йәншишмә»гә ҡурҡыныс янай


Ташламалы хаҡҡа яҙылып ҡалығыҙ!

12.12.2018 - Гәзиткә яҙылыу Ташламалы хаҡҡа яҙылып ҡалығыҙ!


Гәзиткә яҙылғас,  бүләге лә бар

11.12.2018 - Гәзиткә яҙылыу Гәзиткә яҙылғас, бүләге лә бар


Иң күп гәзитте Рая апай алдыра

06.12.2018 - Гәзиткә яҙылыу Иң күп гәзитте Рая апай алдыра