RSS-подписка facebook facebook Вконтакте Вконтакте
» » Гәзиткә лә яҙылдылар, бүләкле лә булдылар

24.05.2011 Гәзиткә лә яҙылдылар, бүләкле лә булдылар

Ошо көндәрҙә Ауырғазы районы үҙәге Талбазыла гәзит-журналдарға яҙылыу ойошторолдо
Гәзиткә лә яҙылдылар, бүләкле лә булдыларҮҙәк майҙанда матбуғат баҫмалары биләгән өҫтәлдәр халыҡ иғтибарынан ситтә ҡалманы. Бында нимә һаталар, тигән кеүек, былай ғына килеп ҡыҙыҡһынып китеүселәр ҙә булды, гәзит-журналдарға яҙылыусылар ҙа. Район гәзитендә алдан бирелгән иғлан буйынса көнөн белеп, махсус рәүештә гәзит-журналдарға яҙылырға килгән кешеләр ҙә бар ине. Почта хеҙмәткәр­ҙәренең: «Әйҙәгеҙ, гәзиткә яҙылығыҙ», – тигән тәҡдименә: «Күптән яҙылдым бит инде», – тигән яуаптарҙы ишетеү бигерәк күңелле, был иһә почтальондарҙың да тырышыуын күрһәтә.
Яҙылыусы­ларҙың ниндәй баҫма һайлауын күҙәтәм. Күбеһе, әлбиттә, район гәзитен һайлай. Һүҙ юҡ, урындағы баҫма мөһимерәк. Тимәк, бындай кампанияларҙың улар өсөн фай­ҙаһы ҙур. Республика баҫмаларына яҙылыусылар һирәгерәк. «Сто тысяч советов» кеүек бәләкәй баҫмаларға яҙылыусылар ҙа күп кенә. «Ниндәй генә файҙалы кәңәштәр юҡ унда, бик тә оҡшай», – бына шундай фекерҙәр ишеттек был баҫма хаҡында. Ғөмүмән, ваҡытлы матбуғатҡа ҡағылышлы төрлө фе­кер­ҙәр ишетергә була. Мәҫәлән, оло ғына йәштәге апайҙың, ҡотлау ҙа реклама, уҡырлыҡ бер нәмә юҡ, унан күлдәк тегеп булмай, икмәк тә түгел ул, тигән һүҙҙәрендә лә хаҡлыҡ бар, әлбиттә. Кеше иң беренсе сиратта матди бөтөнлөк тураһында хәстәрлек күрә. Шулай ҙа рухи аҙыҡ тураһында ла онотмаһаҡ ине. Сер түгел, күңел урын таба алмаған ауыр мәлдәрҙә гәзит-журналдар, китап уҡып та йыуаныс эҙләйбеҙ бит. Шулай уҡ улар аша үҙебеҙҙе ҡыҙыҡһындырған бик күп һорауға яуап алырға була.
Ваҡытлы матбуғат менән, нигеҙҙә, ололар ҡыҙыҡһына. Гәзит уҡыу уларҙың күбеһенең яратҡан шөғөлөнә, ғәҙәтенә ингән шул. Өҫтәүенә, бөтә яңылыҡтар менән дә гәзит-журналдар аша танышыр­ға, үҙҙәренә кәрәкле мәғлүмәтте лә уларҙан ғына табырға өйрәнгәндәр. «Йәшлек» гәзитенә тәүгеләрҙән булып яҙылыусы Сәүиә Юлдашева ла күптән инде хаҡлы ялда. Сәүиә апай Яңы Итекәй ауылында йәшәй, Талбазыға үҙ йомоштары менән килгәйне. «Гәзит тигәндә, төн йоҡомдо ла ҡалдырып уҡырға әҙермен», – ти ул. Тәүге яҙылыусы булараҡ, уға үҙебеҙҙең махсус бүләгебеҙҙе тапшырҙыҡ. Бына шулай, гәзит-журналдарға ҡасан яҙылһаң да яҡшы, ә бындай махсус ойошто­рол­ған көндә яҙылыу тағы ла отошлораҡ: берҙән, ҡайһы бер баҫмалар­ға ташлама менән яҙылырға мөмкин, икенсенән, бүләкле лә булаһың.

Сажиҙә ЛОТФУЛЛИНА.
АВТОР фотоһы.








Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Көс-дәрт алып тыуған тупраҡтан

07.02.2019 - Гәзиткә яҙылыу Көс-дәрт алып тыуған тупраҡтан


Яҙылығыҙ һеҙ «Йәшлек»кә!

06.02.2019 - Гәзиткә яҙылыу Яҙылығыҙ һеҙ «Йәшлек»кә!


Велосипедты Салауаттан Рәйес Кәримов отто!

Афарин, Нурсилә апай!

26.12.2018 - Гәзиткә яҙылыу Афарин, Нурсилә апай!


"Йәшлек" 800-ҙән ашыу хат алды

21.12.2018 - Гәзиткә яҙылыу "Йәшлек" 800-ҙән ашыу хат алды


«Йәншишмә»беҙ ҡоромаһын!

18.12.2018 - Гәзиткә яҙылыу «Йәншишмә»беҙ ҡоромаһын!


Һаумыһығыҙ, "Йәшлек" гәзите редакцияһы!

Ә һеҙ "Йәшлек"кә яҙылдығыҙмы әле?

13.12.2018 - Гәзиткә яҙылыу Ә һеҙ "Йәшлек"кә яҙылдығыҙмы әле?


"Йәншишмә»гә ҡурҡыныс янай

12.12.2018 - Гәзиткә яҙылыу "Йәншишмә»гә ҡурҡыныс янай


Ташламалы хаҡҡа яҙылып ҡалығыҙ!

12.12.2018 - Гәзиткә яҙылыу Ташламалы хаҡҡа яҙылып ҡалығыҙ!


Гәзиткә яҙылғас,  бүләге лә бар

11.12.2018 - Гәзиткә яҙылыу Гәзиткә яҙылғас, бүләге лә бар


Иң күп гәзитте Рая апай алдыра

06.12.2018 - Гәзиткә яҙылыу Иң күп гәзитте Рая апай алдыра