НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Альмира Исхаҡова хәбәр итә:
Яңылыҡтар таҫмаһы // 31-10-2018, 11:23


Альмира Исхаҡова хәбәр итә:
Мин эшләгән Өфө ҡалаһының 9-сы балалар йортонда "Наставничество", йәғни "Остаз" проекты тормошҡа ашырыла. Быйыл беҙҙең ун балабыҙ оло тормошҡа аяҡ баҫырға тора, улар профессия һайлау, киләсәктә үҙҙәрен кем тип күрергә ниәтләү менән мәшғүл. Бөгөнгө көндә уларҙың күңелен ниндәй хыялдар өтә, ҡайһылайыраҡ маҡсаттар билдәләргә - балаларыбыҙҙың баштары әйләнгән илаһи мәлендә остаздар ярҙамына мохтажбыҙ.

Өфөлөләргә әйтер һүҙем: ҺЕҘҘЕҢ хыялығыҙ тормошҡа аштымы? Маҡсаттарығыҙға нисек ирештегеҙ? Профессияны нисек дөрөҫ һайланығыҙ? Үкенерлек эштәр ҡылдығыҙмы? Яңылышҡанығыҙ бармы? Хаталарҙы төҙәтеп буламы? тигән һорауҙарға яуаптарығыҙҙы әҙерләп, килегеҙ беҙгә!!! Әгәр беҙҙең балаларыбыҙға әйтер һүҙегеҙ, өйрәтер эшегеҙ (мастер - классы), бүлешер тәжрибәгеҙ бар икән - килегеҙ. Беҙ көтәбеҙ һеҙҙе....

Өфө-Аҡъяр автобусы бөгөндән кире тергеҙелде
Яңылыҡтар таҫмаһы // 30-10-2018, 12:20


Өфө-Аҡъяр автобусы бөгөндән кире тергеҙелде
"Башавтотранс" баш ҡаланан республиканың иң алыҫ Хәйбулла районына автобус бәйләнешен яңынан башланы. Ул 2016 йылда кеше йөрөмәй тип туҡтатылғайны. БР Башлығы вазифаһын ваҡытлыса башҡарыусы Радий Хәбиров Хәйбулла районында эш сәфәре менән булғанда, уға урындағы халыҡ мөрәжәғәт итте һәм бына проблема хәл ителде.

Автобус көн аша йөрөйәсәк. Ул Өфөнән Көньяҡ автовокзалдан иртәнге сәғәт 7 тула 10 минуттан сығасаҡ. Водителе Хәйбуллала йоҡлай, баш ҡалаға рейс иртәгенә 10-сы яртыла ҡуҙғала. Маршрутҡа "Мерседес-Бенц Туризмо" автобусы бирелгән, юл хаҡы - 1200 һум.
Ғәҙәттәгесә Аҡъяр автобусына Күгәрсен, Ейәнсура, Йылайыр халҡы ла ултырып йөрөй аласаҡ. Маршруты: Көньяҡ автовокзал — Аэропорт — Талбазы — Стәрлетамак — Мәләүез — Мораҡ — Иҫәнғол — Йылайыр — Юлдыбай — Аҡъяр.
...

Репост эшлә лә Флера Шәрипованың концертына билет от!
Яңылыҡтар таҫмаһы // 30-10-2018, 11:53


Репост эшлә лә Флера Шәрипованың концертына билет от!
11 ноябрҙә "Башҡортостан" дәүләт концерт залында шағирә, композитор, йырсы Флера Ғабдулхай ҡыҙы Шәрипованың юбилей концерты үтәсәк. Ошо күркәм байрамға ике кешегә билет уйнатабыҙ. Еңеүселәр берәйһе менән парлашып концертҡа барыр

Шарттары ябай:
1) Ошо яҙманы дуҫтарға һөйләргә - репост эшләргә.
2) Йәшлек гәзитенең "Йәшлек" гәзите - газета "Йэшлек" төркөмө ағзаһы булырға кәрәк.

8 ноябрҙа махсус ҡушымта аша осраҡлы һайлау юлы менән репост яһаған кешеләр араһынан ике еңеүсе билдәләнәсәк. Аҙаҡтан кем отҡаны күренгән ике видео ҡуйыласаҡ.
Уларға бик елле приз: Флера Шәрипованың концертына билеттар тапшырыласаҡ.

Хәйерле сәғәттә!...

-12-гә тиклем һыуытасаҡ
Яңылыҡтар таҫмаһы // 30-10-2018, 10:21


-12-гә тиклем һыуытасаҡ
30 һәм 31 октябрҙә Башҡортостанда ярайһы уҡ һыуыта. Һауа температураһы төндә -4…-9° тиклем төшә, аяҙытҡанда -12°, көндөҙ 0…-5°.

1 ноябрҙә урыны менән еңелсә ҡар яуасаҡ, төндә һәм иртән ҡайһы бер юл участкаларында боҙлауыҡ булыуы көтөлә. Ел төньяҡ-көнбайыштан талғын. Һауа температураһы төндә -4,-9° аяҙытҡанда -13°, көндөҙ -4,+1°.
...

Өлфәт Мостафин - Өфө ҡалаһы хакимиәте башлығы!
Яңылыҡтар таҫмаһы // 29-10-2018, 16:11


Өлфәт Мостафин - Өфө ҡалаһы хакимиәте башлығы!
Өлфәт Мансур улы сығышы менән Саҡмағош районының Иҫке Ихсан ауылынан. Быға тиклем ул «Газпром газораспределение Уфа» йәмәғәт акционерҙар йәмғиәте генераль директоры урынбаҫары вазифаһын үтәне. Баш ҡала Советы депутаттарының күпселеге уның кандидатураһына тауыш биргән.

Өфө мэры вазифаһы өсөн 29 кеше ғариза биргән.

...

Беҙҙең кейек-хайуандарға пулеметтан аталар…
Яңылыҡтар таҫмаһы / Сәйәсәт // 29-10-2018, 13:23


Беҙҙең кейек-хайуандарға пулеметтан аталар…
Башҡортостан Башлығы вазифаһын ваҡытлыса башҡарыусы Радий Хәбиров бөгөн хөкүмәт ултырышында урманды һаҡлау тураһында һөйләгәндә, ағастарҙы ғына түгел, ә ҡырағай йәнлектәрҙе лә һаҡлау мәсьәләһен ҡуйҙы.
– Минең киләһе сәфәрем – урмандарҙың хәл-торошона ҡағылһа, артабанғыһы хайуандар донъяһын байҡау буласаҡ. Үҙем йәнлектәрҙе үлтереүгә ынтылышты аңламайым. Элек беҙҙең рус, башҡорт ирҙәре айыу алырға теләһәләр, аҡыллы рәүештә һунар иткәндәр, ә саҡрым ярымдан осҡан пулянан атмағандар. Хәҙер етмәһә, лицензия һатып алалар ҙа, башҡорт урмандарына Рәсәйҙең төрлө төбәгенән килеп, пулеметтан тиерлек атып, бөтә йән эйәһен ҡыралар. Ни өсөн беҙ быға юл ҡуябыҙ?! – тигән бик етди һорау ҡуйҙы Радий Хәбиров. – Лицензияға ярашлы (туҡландырыу, ҡотороҡҡа ҡаршы вакцина яһатыу һ.б.) бер эш тә башҡарылмай, уның ҡарауы өйөр менән килеп аталар. Кеше урманға инергә ҡурҡа. Һунар цивилизациялы, һаҡсыл булырға тейеш!
Республика Башлығы яҡын арала экология йәһәтенән айырыуса иғтибар итәсәк темаларҙы ла атаны, улар – таш сығарыу, урман һәм хайуандар донъяһы....

Йәштәр, алға! Ижади бәйгегә!
Яңылыҡтар таҫмаһы / Булат Солтангәрәев исемендәге республика премияһы // 29-10-2018, 13:15


Йәштәр, алға! Ижади бәйгегә!
РФ Журналистар союзының “Бөтә Рәсәй – 2015” XIX матбуғат фестивале лауреаты – Булат Солтангәрәев исемендәге республика уҡыусылар премияһы үҙенең яңы миҙгелен башлай.
Уҡыусыларҙы дәртләндереүгә, уларҙы ижади үҫтереүгә арнал­ған был акция гәзитебеҙҙең йыл да ҡабатлан­ған бик матур йолаһына әйләнде. 2017 – 2018 уҡыу йылында конкурста йөҙгә яҡын 10 – 11-се класс уҡыусыһы, шулай уҡ колледж-училище студенттары ла ҡатнашты. Улар йәштәрҙең мөһим проблемаларын һәм уларҙы хәл итеү юлдарын сағылдырған мәҡәләләр тәҡдим итте.
Быйылғы бәйгенең положениеһы шул уҡ ҡала. Мәктәптәрҙең 10 – 11-се класс уҡыусылары, урта һөнәри белем биреү учреждениелары студенттары үҙҙәренең эштәрен 2019 йылдың 16 майына тиклем ебәрергә тейеш. Беренсе урын яулаусыға – 10 мең, ике икенсе урынға – бишәр мең, өс өсөнсө урынға өсәр мең һум күләмендәге премия тапшырыласаҡ. Дәғүәселәр ижад емештәрен “Бәйләнештә” селтәрендәге “Булат Солтангәрәев исемендәге уҡыусылар конкурсы”, “Йәшлек” гәзите – газета “Йэшлек” төркөмдәренә, проектты алып барыусы Айбулат Ишназаровҡа ебәрә ала. Конкурста ҡатнашыусы һәр егет-ҡыҙға иҫтәлекле бүләк һәм Шөһрәтнамә тапшырыласаҡ....

Бүләкле лә, гәзитле лә булды
Яңылыҡтар таҫмаһы / Гәзиткә яҙылыу // 29-10-2018, 13:11


Бүләкле лә, гәзитле лә булды
Был сәғәт Бөрйән районының Нәби ауылына юлланасаҡ. Бүләкте Сөнәғәт ИБӘТУЛЛИН отто. Уны ысын күңелдән ҡотлайбыҙ.
Уйын башланып ҡына тора, бүләктәр күп. Әйҙәгеҙ, әүҙемерәк булайыҡ! Призды килеп алғанда паспорт, ИНН, СНИЛС күсермәһе кәрәк.
Иң төп призды – велосипедты “Республика Башкортостан” нәшриәт йорто уйната. Конкурста район гәзитенә һәм “Йәшлек”кә яҙылыусылар ҡатнаша ала.
Бергә булдыҡ, бергә ҡалайык!...

Таш ситкә оҙатыла, ә беҙҙә йыртҡыстарса таланған тәбиғәт ҡала
Яңылыҡтар таҫмаһы / Сәйәсәт // 29-10-2018, 12:31


Таш ситкә оҙатыла, ә беҙҙә йыртҡыстарса таланған тәбиғәт ҡала
Башҡортостан Башлығы вазифаһын ваҡытлыса башҡарыусы Радий Хәбиров бөгөнгө хөкүмәт ултырышында (уны онлайн ҡарарға мөмкин ине - https://www.youtube.com/watch?v=ni-941ppPJA&t=2820s) ял көндәрендәге эш сәфәрендә төшөрөлгән видеояҙмаларҙың береһен күрһәтте. Баймаҡ районындағы карьер ине ул. Етәксе әйтеүенсә, шундайҙар Баймаҡта 40-тан ашыу. Хатта көньяҡ-көнсығыш райондарҙың барыһында ла тиерлек бар. Тәбиғәткә ҙур зыян килтерелгәне һуҡыр күҙгә лә күренер ине, моғайын.
– Был – катастрофа, был – булған бөтә ҡағиҙәләр нормаһын да боҙоу, – тине Радий Хәбиров. Ул БР экология министры Илдар Һаҙыевҡа күп кенә ҡәтғи һорау бирҙе һәм, карьерҙарҙан төҙөлөш ташын һатмаһаҡ, яҡшыраҡ булыр ине, тине.
Беҙҙең карьерҙарҙа таш бына инде 20 йыллап соҡола. Был хаҡта Радий Фәрит улына Урал аръяғы башлыҡтары хәбәр иткән. Тәбиғәткә ниндәй зыян килтерелеүе тураһында һөйләп тороу урынһыҙҙыр ҙа, сөнки күп осраҡта законһыҙ алып барылған эштәрҙе башҡарыусылар һәм уларҙың заказсылары өсөн башҡорт урман-тауҙарына ниндәй зарар килһә лә барыбер, күрәһең.
БР Хөкүмәте Премьер-министры Рөстәм Мәрҙәнов та, таш йыртҡыстарса сығарылған урындар бар, тине. Тимәк, республика етәкселеге был хаҡта бығаса ла белгән.
– Әлеге ваҡытҡа лицензия биреүҙе туҡтатығыҙ! – Радий Фәрит улы карьерҙар проблемаһы менән ныҡлап шөғөлләнергә, тикшереүҙәр башларға ҡушты....

”Башавтотранс” – төбәктәрҙе тоташтырыусы артерия…
Яңылыҡтар таҫмаһы / Сәйәсәт // 29-10-2018, 11:57


”Башавтотранс” – төбәктәрҙе тоташтырыусы артерия…
Бөгөн БР Хөкүмәтендәге иртәнге оператив ултырышта Башҡортостан Башлығы вазифаһын ваҡытлыса башҡарыусы Радий Хәбиров шулай тип белдерҙе: ”Башавтотранс” – төбәктәрҙе тоташтырыусы артерия…

БР-ҙың транспорт һәм юл хужалығы буйынса дәүләт комитеты рәйесе Тимур Мөхәмәтйәнов, республикала ҡар һәм рашҡы яуыу сәбәпле, юлдарҙа килеп тыуған ҡайһы бер ҡатмарлыҡтар тураһында мәғлүмәт бирҙе. Республика етәксеһе белдереүенсә, ял көндәрендәге көн торошо ҡыш яҡынлашыуын аңғарта һәм беҙ һәр нәмәгә әҙер булырға тейешбеҙ. Был тәңгәлдә техника ла (ҡарҙан таҙартыу өсөн, мәҫәлән) етерлек булырға тейеш.
Әйткәндәй, былтырғы менән сағыштырғанда юл-транспорт фажиғәһендә һәләк булыусылар һаны һигеҙ процентҡа артҡан. Радий Хәбиров, был бик насар фактор, тиҙ арала кәрәкле саралар күрергә, тине. Етмәһә, ҡала-ара пассажир ташыусылар араһында ла законһыҙ эшләүселәр, йәғни “нелегалдар” күп. Радий Фәрит улы ошо арала был хәлде үҙгәртеү буйынса саралар планы әҙерләргә ҡушты. ”Башавтотранс” пассажир ташыусы автобустары тиҙҙән яңынан республика юлдарында иркен йөрөр, моғайын. Етәксе предприятиеның Өфө – Аҡъяр рейсын хеҙмәтләндереүҙән баш тартыуын да аңламай. Кешеләрҙе баш ойошмаһы ҡайҙалыр ситтә булған ЛАРГУСтар түгел, ә үҙебеҙҙең рәсми, ышаныслы автобустар йөрөтөргә тейеш.
Ниһайәт, юлдарҙа ла, пассажир ташыусы транспорт буйынса ла тәртип урынлашыр кеүек. Ә һеҙ нисек уйлайһығыҙ?...


Борьба с коррупцией

[/aviable]

  • Логотибы яман, шыр хаталы булһа ла «Башҡортостан гүзәле-2018» матурлыҡ конкурсы тамамланды
  • Мең дә бер кисәнән кәм түгел (Булған хәл)
  • Ҡолаҡ һал! Дарыу урынына – һуттар
  • Әлиә БАТРАЕВА, 19 йәш,
  • «Киндер - сюрприз» һораған Рамаҙанға — конструктор
  • Кәүсәриә
  • Ял итергә барһағыҙ
  • «Ғүмер буйы иремә рәнйеп йәшәйем»
  • Йондоҙнамә (22-28 октябрь)
  • “...Әммә һәр ваҡыттағыса килеп сыҡты”



  • Радио Юлдаш FM