16.11.2016 Тауыҡ итенән рулеттар
4 тауыҡтың түш итен алып, уны махсус төйгөс менән туҡмап алырға. Уға тәменән ҡарап тоҙ, борос, һәм башҡа тәмләткестәр һибергә.
200 грамм бәшмәкте 1 баш һуған менән үҫемлек майында ҡыҙҙырып алғас, иттәр өҫтөнә йәйеп һалырға. Бәшмәк өҫтөнә ҡырғыс аша үткәрелгән ҡаты сыр һибергә (100 грамм тирәһе). Итте матур ғына иреп төрөп сыҡҡас тештаҙартҡыс таяҡсалар менән (зубочистка) таралып китмәһен өсөн ҡаҙап ҡуйырға кәрәк. Рулеттарҙы майлы табала ике яҡлап ҡыҙҙырып алғас өҫтөнә алдан әҙерләнгән соус ҡойоп, томалап, талғын утта 20 минут тирәһе бешереп алабыҙ.
Соус өсөн 200 грамм ҡаймаҡҡа ваҡланған укроп, иҙелгән һарымһаҡ һалып бутайбыҙ.
Рулеттарҙы табынға бешкән картуф менән бирергә мөмкин.
Оҡшаш яңылыҡтар
Яңы номер
«Йәшлек» гәзитенең 44-се һанына күҙәтеү1 ноябрь, 2019 йыл
Яңылыҡтар архивы