27.01.2014 “Ҡар бөртөгө”нә ғаилә менән барығыҙ!
Был йәкшәмбелә Минйәр ҡалаһы янында “Ҡар бөртөгө” исемле ғаилә саңғы-туристик слеты уҙғарыла. Унда саңғы ярыштары, һырғалаҡтан шыуыу, балалар өсөн конкурстар, спорт уйындары – ҡыҫҡаһы, ғаилә менән онотолмаҫлыҡ ял итеү өсөн барыһы ла буласаҡ. Урман эсендә махсус тамғалар менән билдәләнгән саңғы юлдары һалынасаҡ. Өшөһәгеҙ – йылыныр өсөн махсус палаткалар ҡороласаҡ, шунда уҡ ҡайнар сәй һатыу ҙа ойоштороласаҡ.
Слет урынына “Дим – Әшә”, “Раевка – Әшә”, “Өфө - Кропачево” ҡала-яны электр поездары менән барырға мөмкин. Минйәр ҡалаһынан һуң “1753 километр” туҡтау пунктында төшөп ҡалырға кәрәк. Спорт байрамы элекке Голодный хуторы янындағы аҡланда үткәрелә.
Оҡшаш яңылыҡтар
Яңы номер
«Йәшлек» гәзитенең 44-се һанына күҙәтеү1 ноябрь, 2019 йыл
Яңылыҡтар архивы