RSS-подписка facebook facebook Вконтакте Вконтакте
» » Владимир Путин "Социаль навигатор" проектын хупланы

03.06.2019 Владимир Путин "Социаль навигатор" проектын хупланы

Рәсәй Президенты Владимир Путин Халыҡ-ара балаларҙы яҡлау көнөндә бала хоҡуҡтары буйынса Президент ҡарамағындағы вәкил Анна Кузнецова менән осрашты.

Балалар омбудсмены, йыллыҡ доклад менән сығыш яһаны. Етем балалар, ғаиләләргә социаль ярҙамды камиллаштырыу, күп балалыларға ярҙам кеүек етди мәсьәләләр айырым ҡаралды.

Имен булмаған ғаиләләрҙә үҫкән балаларҙың хәле бигерәк тә уйға һала. Был йәһәттән Анна Кузнецова, ниңә ғаиләләр шундай ауыр хәлгә ҡала, ни өсөн урындағы етәкселек был турала белмәй йә белергә теләмәй, ниңә ғаиләләр ҡайҙан ярҙам һорарға мәғлүмәт таба алмай, тигән һорауҙарҙы ҡуйҙы. Үкенескә күрә, бөгөн ғаиләләрҙе, ғөмүмән, кешеләрҙе ауыр хәлгә ҡалдырыусы проблемалар етерлек.

Балалар хоҡуҡтарын яҡлау буйынса эшләгән вәкил Владимир Путинға бик әһәмиәтле проектты ғәмәлгә ашырыуҙа ярҙам һорап мөрәжәғәт итте. Ул проект "Социаль навигатор" тип атала.

Әйткәндәй, Рәсәй Президенты үҙенең йыллыҡ Мөрәжәғәтнамәләрендә ғаиләләргә даими иғтибар бүлә. Шулай уҡ кешегә социаль ярҙамды мөмкин тиклем яҡынайтырға, тигән бурыс та ҡуйғайны. Ярҙамға мохтаждар оҙон сиратлы бюрократик кәртәләрҙе үтергә тейеш түгел.

Анна Кузнецова әйтеүенсә, "Социаль навигатор" берҙәм телефонлы норматив базанан ғибәрәт буласаҡ. Бөтә үтенес һәм мөрәжәғәт бер урынға тупланып, артабан махсус өйрәтелгән координаторҙар аша яуаплы ведомстволарға ебәрелә. Бында иң тәүге бурыс - халыҡҡа пособиелар һәм льготалар тураһында мәғлүмәт биреү.

Балалар омбудсмены Президенттан быйыл 10 төбәктә пилот проектын ғәмәлгә ашыра башлауҙы һораны. Бер төбәктә эшләп ҡарағандар, һөҙөмтә бар. Кешеләр менән бәйләнеш булдырылған.
Владимир Путин ризалығын бирҙе. Тимәк, артабан, ысынлап та, кәрәк ваҡытта кәрәк ерҙән ярҙам һорау өсөн кәртәләр яйлап емерелә шикелле...



Автор: Алһыу ИШЕМҒОЛОВА.
Фото: pixabay.com




Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Владимир Путин беҙҙең юлдар тураһында дөрөҫөн әйтте

Баланы әсәйҙәр ҡалдырмаһын ине ул...

26.06.2019 - Яңылыҡтар таҫмаһы Баланы әсәйҙәр ҡалдырмаһын ине ул...


Боҙоҡтар ямғырҙан һуң бәшмәк ише артамы шул?

Гиппократ антына төкөргән...

26.06.2019 - Яңылыҡтар таҫмаһы Гиппократ антына төкөргән...


Ғүмерле булғыры...

26.06.2019 - Яңылыҡтар таҫмаһы Ғүмерле булғыры...


Студенттар каникулда аҡса эшләй

26.06.2019 - Яңылыҡтар таҫмаһы Студенттар каникулда аҡса эшләй


Биометрик мәғлүмәттәр менән кредит алып буласаҡ

Ҡорбан салыу урыны билдәләнде

26.06.2019 - Яңылыҡтар таҫмаһы Ҡорбан салыу урыны билдәләнде


Берҙәм транспорт картаһы «Алға»ны ал да – юлға!

Янғын извещателе ғүмерҙәрҙе һаҡлай

26.06.2019 - Яңылыҡтар таҫмаһы Янғын извещателе ғүмерҙәрҙе һаҡлай


Йәнегеҙгә тейәбеҙ - яғыулыҡҡа әпәт хаҡ артты

Айгиздең өр-яңы һөйөнөсө!

26.06.2019 - Яңылыҡтар таҫмаһы Айгиздең өр-яңы һөйөнөсө!