RSS-подписка facebook facebook Вконтакте Вконтакте
» » Пассажир, ә һин ҡәнәғәтһеңме?

04.02.2019 Пассажир, ә һин ҡәнәғәтһеңме?

Башҡортостан Башлығы вазифаһын ваҡытлыса башҡарыусы Радий Хәбиров эш башлаған тәүге көндәренән үк пассажир ташыу өлкәһен тәртипкә килтереүҙе талап иткәйне. Өфөлә күп кенә “нелегал” автобус йүнәлеше туҡтатылды. Һиҙгәнһегеҙҙер, юлдарҙа иркенерәк була башланы. “Тығын”дар ҙа күҙгә күренеп кәмене.

Бөгөнгө оператив кәңәшмәлә республиканың транспорт һәм юл хужалығы буйынса дәүләт комитеты рәйесе Тимур Мөхәмәтйәнов, пассажир ташыуҙың сифатын күтәреү һәм законһыҙ эшләү күренешен бөтөрөү буйынса саралар тураһында һөйләп, был тәңгәлдә “Юл картаһы” буйынса эштәрҙең 22 октябрҙән башланғанын телгә алды. Эш биш йүнәлештә алып барыла. Беренсеһе – “нелегал”дарҙы бөтөрөү, икенсеһе – составты яңыртыу, өсөнсөһө – ҡулаҡсаһыҙ иҫәпләшеүҙең берҙәм формаһын булдырыу, дүртенсеһе – маршрутты ҡабаттан ҡарау, бишенсеһе – пассажир ташыуҙы ойоштороу стандартын әҙерләү.

Аныҡ һандарға килгәндә, 1400 бәләкәй класлы законһыҙ пассажир ташыусының эшмәкәрлеге туҡтатылған, 5460 водителгә транспорт сараһының техник торошо буйынса административ эш ҡуҙғатылған. Шулай уҡ 80 транспорт сараһына арест һалынған. Бынан тыш, автобустар паркын яңыртыу буйынса ла эш бара. Пассажирҙарҙы сифатлы, хәүефһеҙ, бөтә талаптарға тура килтереп ташыусылар ғына юлдарға сығасаҡ. Пассажир ташыу йәһәтенән тап ошолар төп бурыс. Әйткәндәй, ҡала урамдарында халыҡты тиҙҙән бер төрлө автобустар ташыясаҡ. Йәғни уларҙы әллә ҡайҙан таныясаҡбыҙ. Туҡталыштарҙы ла тәртипкә килтереү бара. Элек бер осор водитель йә алдан әҙерләнгән диктор туҡталыштарҙы ике телдә иғлан итә торғайны. Был кире тергеҙелерме, уныһын күрербеҙ.

Ә республика етәксеһе Радий Хәбиров белдереүенсә, баш ҡала пассажирҙарынан ялыуҙар бар. Йә автобус йөрөү ваҡыты менән килешмәйҙәр йә маршрут йүнәлеше оҡшамай.

Ҡыҫҡаһы, эштәр күп әле...



Автор: Алһыу ИШЕМҒОЛОВА.
Фото: ИА "Башинформ"





Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



"Автосигнализация”ға – 40 йәш

19.02.2019 - Яңылыҡтар таҫмаһы "Автосигнализация”ға – 40 йәш


Әбйәлилдәр инглизсә өйрәнә башлармы?

19.02.2019 - Яңылыҡтар таҫмаһы Әбйәлилдәр инглизсә өйрәнә башлармы?


Газ плитәһен — электрға

19.02.2019 - Яңылыҡтар таҫмаһы Газ плитәһен — электрға


Президент үҙ вәкилен ебәрҙе

19.02.2019 - Яңылыҡтар таҫмаһы Президент үҙ вәкилен ебәрҙе


Килде бит замана! Аҡсалы кешеләр йортонда матурлыҡ өсөн нимә генә аҫырамай.

Скандинавтарға яңы спорт төрө өсөн рәхмәт!

Ҡарарым етди: исемемде үҙгәртәм

19.02.2019 - Яңылыҡтар таҫмаһы Ҡарарым етди: исемемде үҙгәртәм


Контракт хеҙмәтенә барырға теләһәң…

19.02.2019 - Яңылыҡтар таҫмаһы Контракт хеҙмәтенә барырға теләһәң…


Әсә сабыйы менән янып үлә яҙған

19.02.2019 - Яңылыҡтар таҫмаһы Әсә сабыйы менән янып үлә яҙған


"Халява"мы, әллә ҡытлыҡмы?

19.02.2019 - Яңылыҡтар таҫмаһы "Халява"мы, әллә ҡытлыҡмы?


Сибай карьерында 9 метр горизонт һыу менән тултырылған

Еҙем-ҡарандар китапханаға китап бүләк итте