25.01.2019 Мәктәп автобусы кем өсөн?
Салауат районы прокуратураһы ата-әсә тәрбиәһенән яҙған ике ейәнен тәрбиәләүсе 79 йәшлек ҡартҡа ғәҙеллек яуларға ярҙам иткән.
Район үҙәгенең осонда йәшәүсе икенсе һәм бишенсе класс уҡыусылары көн һайын мәктәпкәсә өс километр атларға мәжбүр булған. Ә яҡын - тирәләге ауылдарҙан балаларҙы ташыусы мәктәп автобусы, райүҙәк ситендә туҡталыш булмау сәбәпле, етемдәрҙе ултыртмай үтеп йөрөгән.
Балаларҙың олатаһы урындағы чиновниктарға бер-нисә йыл буйына ярҙам һорап мөрәжәғәт итә, тик ыңғай яуап булмай. Ә район прокуратураһы, тикшереү үткәргәс, мәктәп уҡыусылары өсөн Малаяҙҙа туҡталыштар ойоштороу мәсьәләһен күтәрә.
Күптән түгел, прокуратура ярҙамында, район хакимиәте тарафынан райүҙәктең ситендә йәшәгән уҡыусылар өсөн павильонлы һәм яҡтыртыулы туҡталыш булдырылған.
Оҡшаш яңылыҡтар
