НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » » Ҡорбан – мал менән үтәлә торған ғибәҙәт

Ҡорбан – мал менән үтәлә торған ғибәҙәт


Ҡорбан – мал менән үтәлә торған ғибәҙәтҠорбан – бидәле бер ваҡытта Аллаһы Тәғәләгә күңелебеҙ менән яҡынайыу ниәте менән салынған мал-тыуар. Ҡайһы бер ғибәҙәттәр тән менән булһа, был ғибәҙәт мал менән үтәлә торған ғибәҙәттән булып һанала.
Ҡорбан барыһынан да алда Хоҙай әмер иткәне өсөн салына. «Хаж» сүрәһендә дә лә: «Беҙ һәр өммәткә Алла тарафынан ризыҡ булараҡ бирелгән хайуанды салғанда, Алла исемен иҫкә алһындар тип, үҙен ҡорбан үтәү ғибәҙәте ҡуйҙыҡ», – тип әйтелә.
Беҙҙең Әбү Хәнифә мәҙһәбендә ҡорбан салыу вәжип ғәмәл (үтәлергә тейеш, үтәмәһәң гонаһлы булаһың). Дәлиле: Аллаһы Тәғәлә Ҡөрьән Кәримдә «Кәүҫәр» сүрәһендә: «Ҡорбан салығыҙ!» – тип әмер иткән.
– Эй, Мөхәммәт, һин Раббыңдың ризалығы өсөн намаҙ уҡы һәм ҡорбан сал! – тип бойорған.
Шулай бәйғәмбәребеҙ Мөхәммәт ғәләйһис-сәләмгә вәжеп булғас, беҙгә, уның өммәте булараҡ, ҡорбан салыу ғибәҙәтен үтәү – барыбыҙға ла мотлаҡ ғәмәл.
Бер хәҙистә: «Эй, мосолмандар, ҡорбан салығыҙ, сөнки ул атағыҙ Ибраһимдың изге ғәмәленән», – тип әйтелә. Ошо әйтелгәндәрҙән сығып, беҙ ҡорбан салыу ғәмәлен үтәргә тейешбеҙ, үтәмәһәк – бәйғәмбәребеҙ сөннәтен үтәмәүсе булабыҙ.

Һәр мосолман кешеһе үҙ ғүмерендә бер тапҡыр булһа ла ошо бурысын үтәргә тейеш. Ҡорбан малы һатып алырға һәр кемдең хәленән киләлер, фәҡир тигәнебеҙ – шул эшкә, донъяға ынтылмаусы әҙәмдер.
Бәйғәмбәребеҙ бер хәҙисендә: “Һеҙҙең ҡайһы берегеҙ ҡорбан салырға көсө етеп тә, шуны үтәмәһә, ул кеше беҙҙең намаҙ уҡый торған еребеҙгә яҡын килмәһен”, – тигән. Әгәр мосолман кешеһе ихлас күңелдән ҡорбан салһа, ҡиәмәт көнөндә бының күп тапҡыр әжерен күрер. Бәйғәмбәребеҙ был хаҡта былай тип әйткән: “Әҙәм балаһы, Ҡорбан байрамы көнөндә ҡорбан салып, Аллаһы Тәғәлә алдында оло мәртәбә ҡаҙана. Ул ҡорбан ҡиәмәт көнөндә мөгөҙө, тиреһе һәм тояҡтары менән килер. Хайуандың ҡаны ергә тамғансы уҡ, ҡорбан ҡабул ителгән булыр.Ҡорбан эйәһе шул ҡорбанына атланып, сират күперен үтер”, – тип әйтелә хәҙистә.
Аллаһы Тәғәләнең аятыңда: “Ул ҡорбан итен ашағыҙ, фәҡир­ҙәргә һәм теләгәндәргә таратығыҙ”, – тип бойоролған (“Хаж” сүрәһе, 36-сы аят).
Хоҙай насип итһә, Аллаһы Тәғәләнең ризалығына өмөт итеп, уның ҡушыуы буйынса Ҡорбан байрамы көндәрендә ҡорбанға рөхсәт ителгән мал салайыҡ.

Нәзир САБИТОВ,
Таштимер ауылының имам-хатибы.
Әбйәлил районы.


Сығыу ваҡыты 1-09-2017, 09:00 | Ҡаранылар: 112
|
  • Йома ни өсөн изге көн?
  • Изге доғалар менән үткәрегеҙ!
  • Ҡорбан салайыҡ, сауап алайыҡ!
  • Ихласлыҡ, дуҫлыҡ һәм берҙәмлек байрамы
  • Ә беҙҙең ауылда...
  • Информация

    Комментировать статьи на сайте возможно только в течении 4 дней со дня публикации.


  • “Уның үлемен теләп йәшәнем...”
  • Исемең матур, кемдәр ҡушҡан, Һине күреп кем туйған…
  • Дилә ИШБАЕВА.
  • “Кеше үлемендә минең дә ғәйебем бар...”
  • Ҡалған ризыҡты нимә эшләтергә?
  • Үҙҙәре «һауын»ға әйләнеп бара...
  • Үәт, ҡыҙыҡ! (3.11.2017)
  • Үәт, ҡыҙыҡ! (10.11.2017)
  • Донъяһына күрә түрәһе
  • Ләйсән Ҡаразбаева хәбәр итә:



  • Радио Юлдаш FM