НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » » РӘШИТ НАЗАР Фекерҙәр һәм афоризмдар (18.11.2016)

РӘШИТ НАЗАР Фекерҙәр һәм афоризмдар (18.11.2016)


РӘШИТ НАЗАР Фекерҙәр һәм афоризмдар (18.11.2016)
Йөрәктең һүҙе – хаҡлыҡтың үҙе.
(“Ҡулдар”).

* * *
Йөрәктә йөҙ яуап –
килһә йөҙ хат,
Тик һөйөүгә, кисер, – бер генә.
(“Кисер”).

* * *
Йылға ла бит йәшлек шикелле,
Бик аҡыллы һәм ул бик тиле.
(“Ярһыу йылға”).

* * *
Йырағыраҡ һикерер өсөн ҡайһы
саҡта,
Ғәжәпләнмә: сигенәләр хатта
артҡа.
(“Ике юллыҡтар”).

* * *
Йырҙар яҙам. Һәр бер юлы һайын
Күңелемдең таңы яҡтырһын:
Һәр һүҙенән дуҫтарыма – гөлдәр,
Дошмандарға уҡтар атылһын.
(“Дүрт юллыҡтар”).

* * *
Йырға йомарт йомаҡлы ҡарт –
минең ерем.
Һәр бер гөлө һаҡлай йыр һәм йәшәү
серен.
Әгәр шуны тоя белһәң, бәхетле
һин –
Йыр килтерер ергә тамған ҡайнар
тирең.
(“Йырға йомарт йомаҡлы ҡарт – минең ерем...”).

* * *
Йырым минең – йөрәгемдән
Осоп сыҡҡан шатлыҡ ҡошо,
Йә шул ҡоштоң ҡанатынан
Тамып торған ҡан тамсыһы...
(“Йырым минең – йөрәгемдән...”).

* * *
Йә һин кимер донъяны –
Тәхеттә бул,
Йә ҡорттар һине кимерер –
Ләхеттә бул.
(“Йә һин кимер донъяны...”).

* * *
Йәнем! Аттым аяҡ аҫтына мин
Йөрәгемде...
Ерҙә ята... Түгелме инеме ни
Ул да бөркөт?!
Йә үрелеп ал һин уны,
Йә тапап үт...
(“Күптән үткән сая шуҡлым мәлем...”).

* * *
Йәнем! Әгәр сыҡһаң тышҡа
Таңын, ҡара көнсығышҡа, –
Бер йондоҙ унда нур һипһә,
Һәм хистәрең дөрләп китһә,
Бел:
был йондоҙ – минең йөрәк,
Тик инде ул бейегерәк.
(“Йөрәк”).

* * *
Йәшен булһам,
Яуыздарҙың йөрәгендә ярылыр
инем.
(“Йәшен булһам...”).

* * *
Йәшен һүнгәс,
Көл-күмер ҡала.
Һөйөү үлгәс,
Гөл-ғүмер ҡала.
(“Йәшен йәшнәй...”).

Сығыу ваҡыты 22-11-2016, 15:16 | Ҡаранылар: 620
|
  • РӘШИТ НАЗАР Фекерҙәр һәм афоризмдар (11.11.2016)
  • РӘШИТ НАЗАР Фекерҙәр һәм афоризмдар (07.10.2016)
  • РӘШИТ НАЗАР Фекерҙәр һәм афоризмдар (16.09.2016)
  • РӘШИТ НАЗАР Фекерҙәр һәм афоризмдар (2.09.2016)
  • Рәми ҒАРИПОВ Фекерҙәр һәм афоризмдар (1.04.2016 )
  • Информация

    Комментировать статьи на сайте возможно только в течении 4 дней со дня публикации.


  • Ҡолаҡ һал!
  • Йондоҙнамә (9-15 июль)
  • Олатай иҫтәлеге
  • Бейей-бейей оҫтарған
  • Тыңлауһыҙ ҡыҙ
  • Ашыҡтырма, яҙмыш...
  • Рәзиләгә кейәү эҙләү
  • «Өнһөҙ һуғыш»ты оҙаҡҡа һуҙмағыҙ
  • Мәңге йәш булыу сере
  • Министр семьи и труда Башкирии Ленара Иванова и председатель местного Союза пенсионеров высказались о новой пенсионной реформе



  • Радио Юлдаш FM