НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » Фекерҙәр һәм афоризмдар

Фекерҙәр һәм афоризмдар


Дәрәжәһе ҙур булған һайын, бәндәләрҙең ҡаны ҡаты була.
(“Ай тотолған төндә”).

* * *
Ҙур кешеләрҙә әллә нисек хәсрәт күберәк була шул...
(“Йырланмаған йыр”).

* * *
Ҙур турбиналарҙы тик көслө шарлауыҡтар ғына әйләндерә ала.
(“Халыҡ шағиры Рәшит Ниғмәти”).

* * *
Ҙур урманда ҡарға булғансы,
Бер ҡыуаҡта былбыл булһаңсы.
(“Нанай яҙыусыһы Ходжерға”).

* * *
Ҙур ялған кескәй хәҡиҡәткә ҡарағанда дөрөҫлөккә нығыраҡ оҡшаш булып күренә.
(“Башҡортостан – минең рухым”).

* * *
Ҙур ялған хатта өлгөргән, аҡылға ултырған кешеләрҙе лә шаңҡыта.
(“Башҡортостан – минең рухым”).

* * *
Егет китһә яуҙарға хаҡ эш менән,
Сылатмайҙар уның юлын йәш менән.
(“Өс йөҙ егет”).

* * *
Егеттәр әйткән һүҙ –
Ҡырҡылып ауған имән.
(“Үлмәҫбай”).

* * *
Ел өргән яҡҡа күсеп йөрөргә мин болот түгел.
(“Айгөл иле”).

* * *
Ел – уҙғынсы. Нимә уға һөйөү,
Нимә уға һағыш?
(“Осраштыҡ беҙ ниңә һинең менән...”).

* * *
Елгә еленләгән һәр уйыңды
Илгә таратырға ашыҡма.
(“Үҙемә әйткән һүҙ”).

* * *
Елгә ҡаршы барыу түгел, ел ыңғайына йөрөү яҙмыштарҙы яҙҙыра.
(“Һеҙ кәрәк”).

* * *
Ел-дауыллы ниндәй быуат һуң
был?
Боларып уҡ тыуҙы тыуғанда.
Дөрөҫ икән, етә, тиеүҙәре,
Туғыҙҙағы ҡылыҡ туҡһанға.
(“Быуат”).

* * *
Елдәр иҫкән һайын ҡайындарҙа
Япраҡ кәмей шөйлә.
Йылдар үткән һайын табындарҙа
Дуҫтар кәмей килә.
(“Елдәр иҫкән һайын ҡайындарҙа...”).

* * *
Еңелсә ел диңгеҙҙе лә тулҡынландыра алмай, урманды ла шаулата алмай. Еңелсә елгә ни бары нескә ҡамыштар ғына бәүелә һәм уҫаҡ япраҡтары ғына ҡыштырлай.
(“Ҡәләмдәш иптәштәргә хаттар”).

* * *
Еңеп булмай тик анауы хәмерҙе,
Һис тыңламаҫ булды минең
әмерҙе.
“Ҡотортма!” – тим. Ә ул һаман
көсләшә.
Көсләшеүе бер хәл. Яман үсләшә.
(“Көндәлектәр”. 24. IV. 1994).

Рубриканы Факил Мырҙаҡаев алып бара.

Сығыу ваҡыты 9-05-2014, 08:15 | Ҡаранылар: 812
|
  • Рәми ҒАРИПОВ Фекерҙәр һәм афоризмдар (20.05.2016 )
  • Рәми ҒАРИПОВ Фекерҙәр һәм афоризмдар (1.04.2016 )
  • Рәми ҒАРИПОВ Фекерҙәр һәм афоризмдар
  • Мостай Кәрим: Фекерҙәр һәм афоризмдар
  • Үәт, ҡыҙыҡ!
  • Информация

    Комментировать статьи на сайте возможно только в течении 4 дней со дня публикации.


    Борьба с коррупцией

    [/aviable]

  • Ҡолаҡ һал!
  • Организм нимә хаҡында иҫкәртә?
  • Монафиҡ (Хикәйә)
  • Тыуған ауылына рәхмәтле йырсы
  • Оҙаҡ йәшәүҙең туғыҙ сере
  • Үткәндәргә илаулап, бөгөнгөһөн юғалта күрмәгеҙ
  • Үәт, ҡыҙыҡ! (3.08.2018)
  • Вниманию зарегестрированнх кандидатов, избирательных объединений, на выборах депутатов Государственного Собрания – Курултая Республики Башкортостан шестого созыва
  • Үәт, ҡыҙыҡ! (20.07.2018)
  • Ҡартлыҡ бәхеттәре кемгә насип?



  • Радио Юлдаш FM