RSS-подписка facebook facebook Вконтакте Вконтакте
» » Төн бик “Ҡыҙыу” булмаҡсы!

05.09.2013 Төн бик “Ҡыҙыу” булмаҡсы!

“Академ”дар театр һөйөүселәр өсөн махсус бүләк әҙерләй
Мәжит Ғафури исемендәге Башҡорт дәүләт академия драма театры 12 сентябрҙә тамашасыһын үҙенең “аш-һыу бүлмәһе” менән таныштырмаҡсы. Кем дә кем ысын театр тормошон эстән белергә теләй, шулар өсөн махсус рәүештә “Театр төнө” үтәсәк.
Был төн бер юлы бер нисә майҙансыҡта барасаҡ, тамашасы төнгө театраль маршрутты үҙе һайлай ала. “Буратино-remake” әкиәте персонаждары флешмоб үткәреп кенә ҡалмаясаҡ, кескәйҙәр “Юл билдәләре – беҙҙең дуҫтарыбыҙ”, “Ут – ке­шегә дуҫ, тик бул һин һаҡ!” спектаклдәрендә ҡатнаша ала. Әйткәндәй, театр янындағы Балалар театр студияһына алдан яҙылыу барасаҡ, был мөмкинлекте ата-әсәләргә һис тә ҡулдан ысҡындырырға ярамай.
Ә инде грим бүлмәһендә һәр кем үҙенә грим һала, театр париктарын һәм мыйыҡтарын, костюм бүлмәһендә төрлө геройҙарҙың кейемдәрен кейеп ҡарай ала. Тамашасылар араһында хатта “театраль уҡыу йортона ҡабул итеү имтихандары” ла уҙғарыласаҡ икән! Шулай уҡ һеҙҙе шиғыр ятларға теләүселәр араһында конкурс, башҡа күңел асыу саралары, музейға экскурсия, реквизиттар һәм фотокүргәҙмәләр, театрҙың оркестры сығышы көтә. Ә “Театр буфеты”нда махсус меню һәм төрлө бәйгеләр, сюрприздар вәғәҙә ителә.
Бик күп йыр, репертуарҙағы спектаклдәрҙән музыкаль номерҙарҙан торған театраль концерт шоуы төп сәхнәлә ҡаралған. Төрлө йылдарҙа ҡуйылған пьесаларҙың тарихы, ролдәр һәм башҡа һорауҙар викториналарында еңеүселәрҙе тағы бик күп ҡыуаныслы бүләктәр көтә. Ҡыҙыҡһыныусан тамашасы шаршау артына ғына түгел, үҙ өйөндәге кеүек, репетиция залына ла уҙа ала, был төндө артистар Әлфис Ғаязовтың “Яңғыҙлыҡ ташы” пьесаһы буйынса асыҡ репетиция уҙғарасаҡ. “Академ”­дарҙың күстәнәстәре бының менән генә бөтмәй – Башҡорт дәүләт академия драма театры өсөн әҙерләнгән махсус курс (З. Исмәғилев исемендәге сәнғәт академияһы студенттары) төрлө спектаклдәрҙән өҙөктәр күрһәтәсәк. Сара төнгө сәғәт 12-лә “Экспери­мент” спектакле менән тамамланасаҡ. Шулай уҡ М. Кә­рим исемендәге Милли йәштәр, Рус дәүләт драма, Салауат, Стәрлетамаҡ ҡалалары театрҙарында ла “төн“дәр үтәсәк.
Ҡыҫҡаһы, “Театр төнө”ндә ойоштороусылар театрҙың “дүртенсе стенаһы”н ҡолатырға саҡыра һәм, иң мөһиме, фотоаппараттарҙы онотмағыҙ, тип киҫәтә.

Л. ҒӘЛИМЙӘНОВА.







Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Туған тел

14.12.2018 - Мәҙәниәт һәм сәнғәт Туған тел


Нәркәс сәхнәгә ҡайта!

14.12.2018 - Мәҙәниәт һәм сәнғәт Нәркәс сәхнәгә ҡайта!


«Яҙмыштарҙа – ил тарихы»

13.12.2018 - Мәҙәниәт һәм сәнғәт «Яҙмыштарҙа – ил тарихы»


Ал да нур сәс халҡыңа, Радик!

07.12.2018 - Мәҙәниәт һәм сәнғәт Ал да нур сәс халҡыңа, Радик!


Тынмаһын сулпы сыңдары

06.12.2018 - Мәҙәниәт һәм сәнғәт Тынмаһын сулпы сыңдары


Әҙәби уҡыуҙар

06.12.2018 - Мәҙәниәт һәм сәнғәт Әҙәби уҡыуҙар


Актер булмаған йырсы

06.12.2018 - Мәҙәниәт һәм сәнғәт Актер булмаған йырсы


Элвин Грей «Татнефть-Арена» ны ла тултырҙы!

“Артист булмаһам, артист булыр инем”,

02.12.2018 - Мәҙәниәт һәм сәнғәт “Артист булмаһам, артист булыр инем”,


«Иман» яҡшылыҡҡа әйҙәй

30.11.2018 - Мәҙәниәт һәм сәнғәт «Иман» яҡшылыҡҡа әйҙәй


«Башҡортостан» киностудияһына Әмир Абдразаҡовтың исеме биреләсәк

Рәхмәттәрем сикһеҙ, ҡәҙерлем!

25.11.2018 - Мәҙәниәт һәм сәнғәт Рәхмәттәрем сикһеҙ, ҡәҙерлем!