18.12.2018 "Йөрәк һүҙе" тамам! Хайсаровтар еңеүсе!
Бер нисә минут элек кенә баш ҡалала шиғри бәйге - "Йөрәк һүҙе" конкурсы тамамланды. Унда абсолют еңеүсе исемен М.Ғафури исемендәге Башҡорт драма театры артистары Гөлназ һәм Руслан Хайсаровтар яуланы! Уларға "Лада-Гранта" автомобиле һатып алырға сертификат тапшырылды.
Ижади бәйге Башҡорт опера һәм балет театры сәхнәһендә уҙҙы. Ярышсылар икешәрләп башҡортса шиғыр уҡып, көс һынашты. Дуэттар араһында билдәле шағирҙар, актерҙар, музыканттар, журналистар булды, ғаилә парҙары ла сығыш яһаны 12 пар финалсы араһында сәсәниә Розалия Солтангәрәева улы, скрипкасы Илшат Мөслимов менән, телевидение алып барыусылары Земфира һәм Гүзәл Байбулдиналар, яҙыусы Айгиз Баймөхәмәтов, шағир Фәнил Бүләков, актриса Гөлбинә Сафуанова ярышты.
Проекттың авторы - Наилә Сәфәрғолова,
рәссамы - Альберт Нестеров,
режиссеры - Сулпан Асҡарова,
композитор Илшат Яхин,
видео ҡоролошо рәссамы - Фәрхәт Ихсанов,
видео монтажы инженеры - Әлфиә Арсланова.
Оҡшаш яңылыҡтар
15.08.2019 - Мәҙәниәт һәм сәнғәт Рәсәйҙең атҡаҙанған мәҙәниәт хеҙмәткәре Рәйес ИСМӘҒИЛЕВ: “Һуғыш суҡмары булдым”
20.04.2019 - Мәҙәниәт һәм сәнғәт Башҡортостандың атҡаҙанған артисы Лилиә РӘСҮЛЕВА: «Күңелем романтикаға тартыла»
