RSS-подписка facebook facebook Вконтакте Вконтакте
» » » Рөстәм Хәмитов Башҡортостан халҡына һайлауҙа әүҙем ҡатнашҡандары өсөн рәхмәт әйтте

11.09.2018 Рөстәм Хәмитов Башҡортостан халҡына һайлауҙа әүҙем ҡатнашҡандары өсөн рәхмәт әйтте

Рөстәм Хәмитов Башҡортостан халҡына һайлауҙа әүҙем ҡатнашҡандары өсөн рәхмәт әйтте
Кисә республика Йортонда Башҡортостан Башлығы Рөстәм Хәмитов брифинг үткәрҙе. Унда Башҡортостан Республикаһы Дәүләт Йыйылышы – Ҡоролтайға булған һайлауҙар йомғаҡтарына фекерен белдерҙе һәм төбәк халҡына тауыш биреүҙә әүҙем ҡатнашҡандары өсөн рәхмәт әйтте.

— Республика халҡына һайлауҙа әүҙем ҡатнашҡандары өсөн рәхмәт әйтәһем килә. 3 миллион һайлаусынан 1,5 миллионы тиерлек участкаларға килде, үҙ тауыштарын бирҙе. Был, бер төркөм субъекттарҙа һайлаусыларҙың килеүе саҡ 20-30 проценттан артҡанда, бөгөнгө ысынбарлыҡта яҡшы һөҙөмтә. Ә беҙҙә 50 процентҡа яҡын, — тине Рөстәм Хәмитов. — Ул, һис шикһеҙ, һайлауҙарға ысынлап та яуаплы, етди ҡараған һайлаусыларыбыҙҙың, граждандарыбыҙҙың ҡаҙанышы. Был осраҡта Башҡортостан Республикаһы өсөн ҡыҙарырға тура килмәй. Ул яҡшы, лайыҡлы һөҙөмтә.

Тауыш биреүселәрҙең 60 проценты тиерлек «Берҙәм Рәсәй»ҙе һайланы, тип билдәләне республика етәксеһе. Бынан тыш, партия 55 бер мандатлы һайлау округында тауыш биреү йомғаҡтары буйынса 46-47 мандат ала.

— «Берҙәм Рәсәй»ҙән бер мандатлылар ҙа һәйбәт эшләне: халыҡты өндәне, кешеләр менән аралашты, тормоштоң нимә икәнлеген кабинеттан ғына күҙәтмәне, ә уның эсендә ҡайнаны, — тип билдәләне Рөстәм Хәмитов. — Власть партияһы Башҡортостан Республикаһы парламентында алдынғылығын һаҡлап ҡала. Ул үҙенә бер төрлө тотороҡлоҡто аңлата, шул иҫәптән төрлө кимәлдәге мөһим мәсьәләләрҙе хәл иткәндә.

Яҡынса мәғлүмәттәр буйынса, 79 депутат – «Берҙәм Рәсәй», 15-е – КПРФ, етәүһе – ЛДПР, бишәүһе «Ғәҙел Рәсәй» исеменән эш алып барасаҡ.

- Мин бәләкәй партиялар өсөн дә борсолдом. «Рәсәй патриоттары», «Йәшелдәр» ҙә биш процентлыҡ сикте үтеүен теләнем. Әммә уларҙыҡы, ҡыҙғанысҡа ҡаршы, етмәне. Шуға ҡарамаҫтан, улар парламентта буласаҡ, — тине Рөстәм Хәмитов. — Был сираттағы тапҡыр Башҡортостан Республикаһы үҙенең һайлау системаһында әле уҡ һайлау алды көрәшен һәм һайлауҙарҙы заманса алып барыу төрҙәренә иҫәп тотоуын билдәләй. Беҙ һайлауҙарҙа ҡатнашыу ғына түгел, унда еңеү кеүек мөмкинлектәр төрлөлөгө булған заманса биләмә статусына тағы ла нығыраҡ тап киләбеҙ. Әйткәндәй, республика етәксеһе булараҡ минең өсөн дә был бик мөһим һәм яҡшы һөҙөмтә.







Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Башҡортостан Дәүләт Йыйылышына һайлауҙар үтте. Артабан нимә була?

Беҙ депутаттарҙан әүҙем һәм намыҫлы эш көтәбеҙ – Рөстәм Хәмитов

Өфөләге Йәмәғәт матбуғат үҙәге 2019 йылда республика башлығын һайлауҙа эшен дауам итә

Башҡортостанда Дәүләт Йыйылышына һайлауҙарҙа «Берҙәм Рәсәй» 58,39% тауыш йыя

Рөстәм Хәмитов: «Һайлауҙар ғәҙел, яҡшы, тыныс шарттарҙа уҙҙы»

Башҡортостан Дәүләт Йыйылышына һайлау: экзит-полл һөҙөмтәләре

Башҡортостан Дәүләт Йыйылышына һайлауҙа тауыш биреүселәр һаны 47%-тан ашҡан

Масштаб жалоб не позволяет усомниться в легитимности выборов в Башкирии - политолог 19:35, 9 сентября 2018 ПО

Ялыу, мөрәжәғәт, шылтыратыуҙар бар

09.09.2018 - Выборы - 2018 » Яңылыҡтар таҫмаһы Ялыу, мөрәжәғәт, шылтыратыуҙар бар


Брифинг ЦИК РБ

09.09.2018 - Выборы - 2018 » Яңылыҡтар таҫмаһы Брифинг ЦИК РБ


Коммунистар тәҡдим итә

09.09.2018 - Выборы - 2018 » Яңылыҡтар таҫмаһы Коммунистар тәҡдим итә


Экология темаһы ла онотолманы

09.09.2018 - Выборы - 2018 » Яңылыҡтар таҫмаһы Экология темаһы ла онотолманы