НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Ҡыш – орлоҡ һайлау осоро
Экономика // 3-02-2017, 12:57


Ҡыш – орлоҡ һайлау осороҠыш – буласаҡ үрсетмәләр өсөн сорттар һәм гибридтарҙы һайлап алыу осоро. Әйткәндәй, күп кенә баҡсасы гибрид менән сорттың айырмаһын аңламай. Гибридты орлоҡ ҡабында “F1” тип билдәләйҙәр. Күптәр был һүҙҙе күреү менән орлоҡто ситкә ырғытып ҡуя, сөнки ниндәйҙер тәбиғи булмаған нәмә кеүек ҡабул итә. Ҡайһы берәүҙәр фекеренсә, “F1” тип билдәләнгән ҡаптар эсендә һатылыусы орлоҡтар һыуыҡҡа бирешмәй, кемдер, төрлө сирҙән һаҡланған, тип уйлай. Эшен башлап ҡына торған баҡсасылар өсөн ошоно белеү етә – сорттарҙың уңышы һуңыраҡ өлгөрә. Сорттан үҫеп сыҡҡан йәшелсәләрҙең орлоҡтарын алып, артабан да ҡулланырға мөмкин. Ә бына гибридтар тиҙерәк өлгөрә, ләкин орлоғон алып, һаҡлап, икенсе йыл ҡулланыу насар уңышҡа килтерә. F1 орлоҡтарын селекционерҙар йылдар дауамында барлыҡҡа килтерә, тикшерә. Әлбиттә, һайлап алынып, сәсеп тикшерелеп, һуңынан һатыуға сығарылған гибридтар уңышты ла яҡшыраҡ бирә, сирҙәргә лә бирешеп бармай. Ҡыҫҡаһы, улар һауа температураһындағы үҙгәрештәргә, ҡоротҡос бөжәктәргә лә ҡаршы тора ала....

Әле лә йәштәр кеүек
Экономика / Үҙ эшеңде башла! // 12-01-2017, 11:44


Әле лә йәштәр кеүек
85 йәшлек Ғибәт Аллабирҙин һаман да йылҡы тота
Оло быуын кешеләренең сыҙамлы, йәштәрсә етеҙ һәм сос булыуына иҫең китер. Миңә ундай “йәш“ өлкән кешеләрҙе йыш осратырға тура килә, улар оҙаҡ йәшәү һәм йәштәрсә рухта ҡалыуҙы, хеҙмәткә һөйөүҙән, ҡәнәғәтлектән һәм ғаилә бәхетенән, тип аңлата. Бөгөнгө геройым да нәҡ ошо фекерҙә.
Хәйбулла районының Аҡъяр ауылында йәшәүсе Ғибәт Зәйнулла улы Аллабирҙин 1931 йылдың 19 ноябрендә Йылайыр районының (ул ваҡытта Хәйбулла) Үрге Сәлим ауылында икенсе бала булып донъяға килә....

Буҙа эскән сырхау белмәй
Экономика / Үҙ эшеңде башла! // 8-12-2016, 14:52


Буҙа эскән сырхау белмәйСибай ҡалаһынан йәш эшҡыуар Гөлназ Азатова республика Рәсәй конкурсының төбәк этабында милли эсемлек менән “Йыл асышы” номинацияһында еңеү яуланы.
Башҡортостанда «Рәсәйҙең йәш эшҡыуары» конкурсының төбәк этабы тамамланды. Республикала беренсе тапҡыр уҙғарылған конкурста төрлө муниципаль берәмектән 42 кеше ҡатнашты. Шуларҙың 20-һе бизнес-проекттарын яҡлау мөмкинлеге алһа, бишәүһе декабрҙә Мәскәүҙә уҙасаҡ федераль этапта сығыш яһау хоҡуғы алды. Улар араһында беҙҙең яҡташыбыҙ, Сибай ҡалаһынан Гөлназ Азатованың булыуы ҡыуаныслы. Йәш эшҡыуар буҙа эсемлеге менән «Йыл асышы» номинацияһында еңеү яуланы....

Һарыҡ аҫра ла, килем ал
Экономика / Үҙ эшеңде башла! // 1-12-2016, 11:58


Һарыҡ аҫра ла, килем алЭш башларға ҡурҡһаң, Әлшәй фермеры Мөнир Шәймөхәмәтовҡа барып, кәңәш ит

Бала саҡтан шундай хәтирә иҫтә ҡалған: көтөү ҡайтҡан мәл ғәләмәт ҡыҙыҡ була торғайны. Иң тәүҙә ваҡ мал (кәзә, һарыҡ) ҡайта. Ауыл урамы оҙон ғына, ә шул мал урамды буйынан буйына ҡаплап ала, бер осо тегендә, береһе – бында тигәндәй. Ә һыйыр көтөүе күренеүгә бала-саға ҡапҡа алдында ҡалмай ҙа тиерлек – күмәк эре мал урам тулып килһен әле!
Хәҙер хәлдәр башҡасараҡ – ҡайһылыр ауыл көтөүе элек бер-ике ихатаға ингән мал һанындай ғына. Сәбәбе ниҙәлер, уныһын хужалар үҙҙәре белә. Шулай ҙа күпләп мал аҫраусылар юҡ түгел. Тарихта ҡала яҙған һарыҡсылыҡ менән шөғөлләнеүсе фермер­ҙар ҙа бар. Шундайҙарҙың береһе – Әлшәй районының Ҡармыш ауылынан Мөнир Шәймөхәмәтов.
...

Атлы шул ул беҙҙең егеттәр!
Экономика / Үҙ эшеңде башла! // 15-11-2016, 13:26


Атлы шул ул беҙҙең егеттәр!
Балаҡатай районының Ураҡ ауылынан фермер Ефим Ғәлләмов, йылҡы малын яратмаған башҡорт бармы икән, ти

– Бына шундай сая ул беҙ – башҡорт егеттәре! һис бирешмәйбеҙ! – тип асыҡ йылмайҙы йүгәнгә сат йәбешкән Ефим. Башығыҙҙан шундуҡ: “Ефим? Башҡорт егете?” – тигән уйҙар үтте инде, шулай бит? Эйе, Ефим Ғәлләмов – Балаҡатай ра­йонының Ураҡ ауылында йәшәүсе башҡорт егете, бында исем түгел, есем тураһында һүҙ йөрөтөү урынлы. Ул беҙгә үҙенең ғорурлығы – хужалығындағы иң шәп атты һыбай менеп, сабып күрһәтергә тырыша, ә беҙҙең йөрәк дөп-дөп тибә – малҡай шул тиклем көр һәм уйнаҡлап тора! Хатта хужаһына ла баш бирмәҫкә маташып, Ефимды ергә ҡат-ҡат ата ла бәрә! Ә бит үҙе быйыл ғына район һабантуйында хужаһы менән беренсе урын алған. Аңлашыла инде: һабантуй­ҙа аҡбуҙаттай осоу менән фотоға төшөү бер үк нәмә түгел шул, нишләп туҡтап торорға ти! Шулай ҙа бирешмәне егет: атты йүгәнләне, исеме генә түгел, үҙе лә ыласындай малҡай­ҙың сығынсылауына һоҡланып ҡарап торҙоҡ.
...

Быйыл милек һалымы буйынса нимәләрҙе белеү мөһим
Экономика // 4-10-2016, 11:04


Быйыл милек һалымы буйынса нимәләрҙе белеү мөһимРеспубликаның һалым органдары һалым түләүгә белдереү ҡағыҙҙары тарата башлау менән 2016 йылда физик шәхестәргә милек һалымын иҫәпләү буйынса иң мөһим һәм ҡыҙыҡлы факттарҙы әҙерләне.
1. Физик шәхестәргә 2016 йыл өсөн милек, транспорт, ер һалымдарын түләү ваҡыты – 2016 йылдың 1 декабренә тиклем.
2. Һалым түләүгә белдереү ҡағыҙҙарын таратыу 2016 йылдың октябрь урталарына тиклем дауам итә.
3. Теләк булғанда, түләүҙе онлайн-режимда Федераль һалым хеҙмәте сайтының «Һалымыңды түлә» интернет-сервисы ярҙамында башҡарырға мөмкин (www.nalog.ru).
4. Быйыл тәүгә һалым түләүгә белдереү ҡағыҙҙары берҙәм буласаҡ, йәғни һәр һалым түләүсе, РФ территорияһында нисә объекты булыуы, уларҙың ҡайҙа урынлашыуы, үҙенең ҡайҙа йәшәүенә ҡарамай, бер белдереү ҡағыҙы аласаҡ.
5. Һалым түләүсенең шәхси кабинетында теркәлеү үткән граждандар белдереү ҡағыҙҙарын ошо сервис аша электрон формала ғына аласаҡ. Шәхси кабинет ҡулланыу­сыларына ҡағыҙ белдереү ебәрелмәйәсәк.
6. Әгәр һалымығыҙ 100 һумдан кәмерәк икән, түләү ҡағыҙҙары ебәрелмәйәсәк.
Быйыл тәүгә физик шәхестәрҙең милкенә һалым уның кадастр хаҡынан сығып иҫәпләнә. Яҡынса һалым суммаһын белергә теләһәгеҙ, Федераль һалым хеҙмәтенең «Калькулятор земельного налога и налога на имущество физических лиц, исчисляемых исходя из кадастровой стоимости» интернет-сервисын файҙалана алаһығыҙ.
8. Яңы законға ярашлы, күп фатирлы йорттарҙа йәшәүселәр йорттоң дөйөм милкенә ингән ер участкалары өсөн ер һалымы түләмәй.
9. Шәхси эшҡыуарҙар башҡаса үҙ аллы ер һалымын иҫәпләп, Һалым органдарына һалым декларациялары тапшырмаясаҡ. Улар ер һалымын һалым түләүгә белдереү ҡағыҙы буйынса ғына түләйәсәк.
10. Һалым буйынса ставкалар һәм льготалар тураһында мәғлүмәтте Федераль һалым хеҙмәтенең сайтында (www.nalog.ru) «Справочная информация о ставках и льготах по имущественным налогам» электрон сервисы ярҙамында таба алаһығыҙ.

Федераль һалым хеҙмәтенең Башҡортостан Республикаһы буйынса идаралығының
матбуғат хеҙмәте....

Ерҙең сиге бар. Билдәләгеҙ!
Экономика // 30-09-2016, 10:34


Ерҙең сиге бар. Билдәләгеҙ!2016 йылдың тәүге яртыһында күсемһеҙ милек дәүләт кадастрына индерелгән участкаларҙың һаны өс процентҡа артып киткән. Был юлы һүҙ сиктәре законға ярашлы билдәләнгән ерҙәр тураһында бара. Тик шулай ҙа күрһәткестәр уйландыра, сөнки дәүләт кадастрында теркәлгән 57,8 миллион участканың ни бары 48,9 проценты ғына сиктәрен тейешенсә ҡуйған. Ә бит сиктәрҙе аныҡ билдәләү, был хаҡтағы мәғлүмәтте кадастрға индереү иң тәүҙә хужаларҙың үҙенә кәрәк, ул граждандарҙың хоҡуҡтарын гарантиялай, төрлө аңлашылмаусанлыҡтан азат итә.
...

Һыйлы көнөң – һыйырҙа
Экономика // 29-09-2016, 13:33


Һыйлы көнөң – һыйырҙа
Мичуринск муниципаль берәмегендә шәхси хужалыҡтар йыл башынан 2,5 миллион һумлыҡ һөт һатҡан

Шаран районының Мичуринск муниципаль берәмегендә ауыл халҡының йәшәйешен яҡшыртыу өсөн ваҡ шәхси хужалыҡтарҙы үҫтереүгә ҙур әһәмиәт бирелә. Ауылдарҙың күбеһе ҡартая төшһә лә, бында шәхси ихаталарҙа аҫралған мал һаны һуңғы йылдарҙа артыҡ кәмемәгән. 25 ауылды берләштергән ҙур биләмәлә халыҡтан һөт йыйыу ҙа яҡшы ойошторолған, был йәһәттән улар районда гелән алдынғылар сафында.

...

Иген тула ҡураға
Экономика // 6-09-2016, 15:13


Иген тула ҡурағаУраҡтың тәүге көндәренән үк кемуҙарҙан сәмләнеп эшләгән хужалыҡтарҙан килгән «ҡыҙыл ылау»ҙар заманы, үкенескә күрә, онотолоп бара. Элек тулы ҡеүәтенә эшләгән элеваторҙар ярым буш бөгөн. һуңғы йылдарҙа ашлыҡ тапшырыу күләме бермә-бер кәмегәс, күптәренең кәмәһе ҡомға терәлде.
Эшмәкәрлеген 1953 йылда башлаған Сибай элеваторының хәле яҡшынан түгел ине. Йыл һайын төбәктә ҡабатланған ҡоролоҡ та йоғонто яһамай ҡалмағандыр, шулай уҡ башҡа сәбәптәр арҡаһында ла предприятие көрсөккә терәлде. 2012 йылда ҡалала үткән «Урал аръяғы» Бөтә Рәсәй инвестиция форумында ҡул ҡуйылған килешеүгә ярашлы, «боҙ» урынынан ҡуҙғалды. Элеватор бөгөн «СИТНО» агрохолдингы ҡанаты аҫтына алынған.
...

Ҡалабыҙҙың йәме
Экономика // 31-08-2016, 17:30


Ҡалабыҙҙың йәмеУчалыла ике йыл элек асылған 18-се балалар баҡсаһы тәүҙән үк ҡала халҡының күңеленә хуш килде. Тотош республикала ул берәү генә бит! Ике йөҙ егерме балаға иҫәпләнгән, бөтә стандарттарға ярашлы төҙөлгән заманса учреждение иркен урынлашҡан – ҙур биләмәлә, матур, яҡты бинанан тыш, спорт һәм уйын майҙансыҡтары, төркөмдәрҙең кескәй баҡсалары, беседкалар, тематик мөйөштәр бар....


  • Исемең матур, кемдәр ҡушҡан, Һине күреп кем туйған…
  • Дилә ИШБАЕВА.
  • “Кеше үлемендә минең дә ғәйебем бар...”
  • Үҙҙәре «һауын»ға әйләнеп бара...
  • Үәт, ҡыҙыҡ! (3.11.2017)
  • Донъяһына күрә түрәһе
  • Ләйсән Ҡаразбаева хәбәр итә:
  • Бала тәрбиәләүсе ғаиләләр өсөн ташламалар һәм пособиелар
  • Кешегә исем бүләк итәләр
  • Иҙел бит ул...



  • Радио Юлдаш FM