НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» Материалы за Май 2018 года » Страница 4

Йомғаҡ яһалды. Алда – бүләкләү!
Объявления / Булат Солтангәрәев исемендәге республика премияһы // 23-05-2018, 17:28


Йомғаҡ яһалды. Алда – бүләкләү!
Булат Солтангәрәев исемендәге республика уҡыусылар конкурсының быйылғы ярышы тамам!
21 май, дүшәмбе көн редакциябыҙҙа айырыуса ҡыҙыу үтте. Нимә булды тиерһегеҙ – уҡыусылар ижади бәйгеһенә йомғаҡ яһаныҡ. БДУ-ның журналистика кафедраһы профессоры Тимерғәле Килмөхәмәтов рәйеслегендәге баһалама комиссияһы гәзиттә баҫтырылған эштәрҙе ҡараны, үҙенең фекерен белдерҙе.
- Бына дүртенсе йыл рәттән “Йәшлек”тәр бик матур эш башҡара, - тип белдерҙе Тимерғәле Әбделнәғим улы. – Балалар бер-береһенән күреп сәмләнеп ярыша, конкурс уларҙы дәртләндерә, ҡанатландыра. Эштәрҙә етди фекерләү бар, хикәйәләр фантазия менән ысынбарлыҡ аша көндәлек проблемалар өҫтөндә уйландырырға мәжбүр итә. Уҡыусыларҙы әҙерләгән башҡорт теле һәм әҙәбиәте уҡытыусыларына рәхмәт, балаларға аҡыл һәм яҙыу культураһы биргәндәр....

Изгелек ерҙә ятып ҡалмай
Махсус бит / Тормош юлдары ҡатмарлы // 23-05-2018, 08:00


Изгелек ерҙә ятып  ҡалмай
Айҙар буйы эсә-эсә, битендә нур әҫәре лә ҡалманы, йөҙөн йыйырсыҡтар баҫты Сәбиләнең, аңы томаланды. Башында тик бер уй: «Ҡайҙан табып, баш төҙәтергә, кемгә барып баш эйергә? ...Ә ни эшләп әле урам буйлап эҙләнеп йөрөргә тейеш мин?!» – тигән уй ҡапыл ҡарарын үҙгәртте лә инде.
Түшәктә ятҡан әсәһенең һуңғы юлға әҙерләгән хәйерлектәре юҡ тиһеңме ни, барҙыр ул! Тик йәшергән ерен белергә ине... Һандыҡ төбөн биш аҡтарҙы бит инде. Тапманы.
Уның оторо асыуы ҡабарҙы. Хәлһеҙ ятҡан әсәһенә аҡыра башланы:
– Ҡайҙа тыҡтың хәйерлегеңде, инде күпме йылдар үлергә йыйынһаң да Хоҙай алмай бит әле һине! Ана, уйламаҫтан йәштәр үлеп китә, ә һин... Ҡырҙан балаларың алып килер. Үлеүең генә көс! – тип екеренде....

Беҙ яңылыҡтар еткерәбеҙ
Медиа // 23-05-2018, 07:30


Беҙ яңылыҡтар еткерәбеҙ
Автобуста китеп барабыҙ.
– Ишеттегеҙме әле бер яңылыҡ? Уны “Юлдаш” радиоһынан хәбәр иттеләр. Улар әйткәс, дөрөҫтөр инде, – ти бер апай эргәһендә торған ағайға.
– Эйе, хәбәрҙарбыҙ. Уларға ышанмай кемгә ышанырға инде? Блогерҙар фәстерә. Ә “Юлдаш” халыҡтыҡы бит ул.
Ысынлап та, “Юлдаш” радиоһында ете ҡат тикшерелгән мәғлүмәттәр генә яңғырай.
Яңылыҡтар – һәр мәғлүмәт сараһының йөҙө. Бигерәк тә радионыҡы. Сөнки ул башҡаларға ҡара­ғанда оперативыраҡ.
“Юлдаш” радиоһындағы эфир һәр сәғәт тиерлек яңылыҡтар сығарылышы менән башлана. Журналистар Башҡортостан, ил һәм донъя хәбәр­ҙәрен тәҡдим итә. Ваҡиғаларға, күренештәргә төрлө өлкә белгестәре баһа бирә. Сит илдәр менән дә хеҙмәттәшлек итәбеҙ. Үзбәкстандан Рәилә Ҡәрипова, Чехиянан Ми­ләүшә Годбодь, Италиянан Венера Хурамшина, Миләүшә Сәлимова, Америка Ҡушма Штаттарынан Айгөл Ғимранова-Лайн беҙгә даими мәғлүмәт ебәреп тора.
– Район гәзиттәре лә ярҙам итә, – ти яңылыҡтар хеҙмәте етәксеһе Ирек Әхмәтшин. – Барыһы ла үҙ төбәгендә булған ваҡиғалар хаҡында хәбәр ебәрә. Ҙур рәхмәт! Ә бына Белорет районының “Урал” гәзите журналисы Эльза Мөхәмәҙиева менән Әбйәлил районының “Осҡон” гәзите хәбәрсеһе Зөлфиә За­һитоваға етеүселәр юҡ әле.
Ҡыҙҙар бик әүҙем. Оператив эшләй белә. Бүтән төбәк журналис­тарын да ижади бәйләнешкә саҡырабыҙ.
Интернет – беҙҙең төп ярҙамсыбыҙ. Ер шарының әллә ҡайһы мөйөшөнән тауышлы мәғлүмәтте йәшен тиҙлегендә алабыҙ. Беҙҙең өсөн тауыштар төрлөлөгө мөһим. “Юлдаш” республиканың министрлыҡтары һәм ведомстволары менән дә элемтә булдырған. Әммә үтә “ябыҡ”, мәғлүмәт менән уртаҡ­лашыр­ға, хеҙмәткәрҙәренең комментарий биреүҙәрен теләмәгән ойошмалар ҙа бар.
“Юлдаш” радиоһы халыҡ өсөн эшләй, шуға ла “Халыҡ хәбәрселәре”нең күп булыуын хуплайбыҙ. Яңылыҡтарығыҙ булһа, беҙгә хәбәр итегеҙ. Телефоныбыҙ: 8(347) 262-88-02. Бәйләнештә социаль төркөмөндә “Халыҡ хәбәрсеһе: ваҡиғалар, яңылыҡтар, хәбәрҙәр” тигән бүлек асҡанбыҙ. Унда ла мәғлүмәт ҡалдырырға мөмкин.
Юлдашфм.рф һәм yuldashfm.ru “Юлдаш” радиоһының рәсми сайтын ошо адрестар буйынса таба алаһығыҙ. Яңылыҡтар таҫмаһы даими яңыртыла. Донъя, ил һәм республика хәбәрҙәрен бирә барабыҙ. Яңылыҡтарыбыҙҙа – сәйәсәт, иҡтисад, аналитика, көн картинаһы. Байтаҡ мәғлүмәт сараһы беҙҙең мәғлүмәтте ҡуллана һәм тарата. Ябай ғына итеп әйткәндә, “Юл­даш”тың рәсми сайты үҙе лә айырым мәғлүмәт сығанағына торошло.
Аҙна дауамында булған мөһим ваҡиғаларға, күренештәргә “Даирә” тапшырыуы анализ яһай.
Һәр сәғәт башында, ә йәкшәмбе көндөҙгө сәғәт 12-лә һәм киске 9-ҙа “Даирә”не тыңламай ҡалмағыҙ. Ваҡиғалар ағышын беҙҙең менән күҙәтегеҙ. Яҡшы хәбәрҙәр генә ишетергә яҙһын.
Зөһрә АРСАЕВА....

Иң яҡшы һүҙҙәр
Новости / Мәғариф // 23-05-2018, 07:00


Иң яҡшы һүҙҙәр
Был һүҙҙәрҙе балаға көн дә әйтеү файҙалы
1. “Мин һине яратам!” – балағыҙға 1 аймы, 18 йәшме – был һүҙҙәрҙе әйтеүҙән тартынмағыҙ. Иҫбатлау өсөн уның проб­лемаларына, һорауҙарына ҡолаҡ һалы­ғыҙ, иғтибар өсөн ваҡыт табығыҙ.
2. “Ярай әле минең ошондай улым (ҡыҙым) бар!” – бала саҡтан уҡ ул үҙенең кәрәк булыуын белеп үҫергә тейеш, бигерәк тә күп ғаиләлә үҫкән бала. Уға ата-әсә мөхәббәтенең барыһына ла етеүен аңлатырға кәрәк.
3. “Һин барыһын да булдырасаҡһың!” – ябай ғына мәсьәләнең дә бала өсөн ҡатмарлы булып тойолоуы бар. Ата-әсә һәр саҡ ышаныс белдереп торһа, ул үҙен ҡыйыуыраҡ тота.
4. “Бөгөн нимә эшләнең?” – көн һайын бирелгән һорауға өйрәнеп, үҙе үк нисек көн уҙҙырыуы тураһында һөйләй башлаясаҡ.
5. “Кил, ҡосаҡлайым!” – психологтар ба­ла­­ны көнөнә кәмендә өс тапҡыр ҡосаҡ­лар­ға ҡуша. Баҡһаң, ҡосаҡлашыуҙар стрес­­­ты кәметә, һаулыҡҡа ыңғай тәьҫир итә.
6. “Мин һәр ваҡыт һинең яныңда буласаҡмын”, – ауыр хәлдәрҙә баланы үҫендереп торорға кәрәк. Һәр саҡ ярҙамға килергә әҙер булыуығыҙҙы белдерегеҙ.
7. “Һин аҡыллы”, – баланың үҙ баһаһы түбән булмаһын.
8. “Рәхмәт!” – бәләкәй генә ярҙамы өсөн дә рәхмәт әйтергә онотмағыҙ, тырышлығын күрә белегеҙ....

Рәсәй Банкы FIFA 2018-гә арналған иҫтәлекле 100 һумлыҡ аҡса сығарҙы
Яңылыҡтар таҫмаһы // 22-05-2018, 15:18


Рәсәй Банкы FIFA 2018-гә арналған иҫтәлекле 100 һумлыҡ аҡса сығарҙы
Бөгөндән илебеҙҙә ҡулланылышҡа яңы яҡса индерелде. 100 һумлыҡ купюра махсус полимерҙан яһалған һәм ул тиҙҙән Рәсәйҙә үтәсәк FIFA 2018 футбол буйынса донъя чемпионатына арналған. Аҡса 20 миллион данала сығарылған....

Ҡоймаҡтан ҡабымлыҡ
Яңылыҡтар таҫмаһы / Объявления // 22-05-2018, 07:00


Ҡоймаҡтан ҡабымлыҡ
4 йомортҡа, 2 ҡалаҡ майонез, 1 ҡалаҡ он, крахмал, тоҙ һалып ҡоймаҡ ҡамыры эшләп, бешерергә.
Эслеккә ҡыҙҙырылған ит иҙмәһе йәки туралған краб таяҡсалары әҙерләргә. Ҡоймаҡ һыуынғас, майонезға турал­ған укроп, ваҡ ҡырғыстан үткәрелгән һарым­һаҡ, борос һалып әҙерләнгән соусты һыларға. Өҫтөнә эслекте һалып, төрөп, табынға ҡуйырға.
Шулай уҡ сырҙы, һарымһаҡты ҡырғыс аша үткәреп, укроп ҡушып, майонез менән бутап һалырға ла була. Бына тигән ҡабымлыҡ килеп сыға. Уны бер сәғәткә һыуытҡыс­ҡа ҡуйып торорға, табынға телгеләп би­рергә кәрәк....

Наҙгөл БАЙЕГЕТОВА
Объявления / Йәшлек гүзәле // 22-05-2018, 07:00


Наҙгөл БАЙЕГЕТОВА
Баймаҡ районының Үрге Таулыҡай ауылынанмын. Әлеге ваҡытта 9-сы класта белем алам.
Үҙем тураһында әйткәндә, буш ваҡытымды юҡҡа үткәрергә тырышмайым. Бәйләргә, аш-һыу әҙерләргә яратам. Төрлө конкурстарҙа, олимпиадаларҙа призлы урындарҙы яулайым, мәктәптә гел “дүртле” һәм “бишле” билдәләренә генә өлгәшәм. Фотоһүрәт төшөрөү менән мауығам, киләсәктә лә ошо профессия менән шөғөлләнергә йыйынам.
Матур, татыу ғаиләлә тәрбиәләнәм: атай-әсәйем, ағайым, апайым һәм һеңлем бар. Уларҙан өлгө алам.
“Тырышҡан – ташҡа ҡаҙаҡ ҡаҡҡан”, – ти халыҡ мәҡәле. Маҡсатым – имтихандарҙы уңышлы тапшырып, уҡыуымды артабан дауам итеү....

Йондоҙнамә (21-27 май)
Махсус бит // 21-05-2018, 10:01


Йондоҙнамә (21-27 май)
Ылаҡ (22.12 – 20.01)
Аҙнаны әүҙем үткәрерһегеҙ. Яҡшы таныш булған кешеләр менән дөйөм эштәрегеҙ мотлаҡ һәйбәт барыр. Был арала киләсәккә маҡсатығыҙ асыҡланыр. Уға илткән йүнәлеште лә таба алырһығыҙ. Ваҡиғаларҙы ашыҡтырмаһағыҙ, барыһы ла һеҙ уйлағанса булыр....

Үәт, ҡыҙыҡ! (18.05.2018)
Әҙәбиәт / Юмор // 21-05-2018, 08:00


Үәт, ҡыҙыҡ! (18.05.2018)
Дүрт йәшлек Марат әсәһенә илап килә.
– Нимә булды, улым?
– Атайым сүкеш менән бармағына һуҡты.
– Ә ниңә һин илайһың?
– Көлгәйнем…
* * *
– Әлеге ваҡытта Рәсәйгә дәғүәһе булмаған бер генә американлы билдәле.
– Кем?
– Колорадо ҡуңыҙы.
...

Туҡһанда ла – «Йәшлек» менән
Яңылыҡтар таҫмаһы // 21-05-2018, 07:30


Туҡһанда ла – «Йәшлек» менән
«Аҙна һайын – бүләк!» уйынының был аҙналағы еңеүселәре – Федоровка районының Юлдаш ауылынан Рәйсә ҠОТЛОЮЛОВА менән Ғафури районының Сәйетбаба ауылынан Мөнирә ҒӘЗИЗОВА. Улар сәй сервиздары менән бүләкләнә.
Рәйсә апайға быйыл ҡыҙы гәзиткә подписка бүләк иткән. Мөнирә инәй, 90 йәштә булыуына ҡарамаҫтан, «Йәшлек»тән айырылмай, һәр битен ентекләп уҡып сыға икән. «Йәштәр гәзите менән күңелем дә йәшәрә, зиһенем яҡтыра. Беҙ йәш саҡта рухи зауығыбыҙҙы ҡәнәғәтләндергән бындай матур баҫмалар булманы. Уйға һалған, һоҡландырған, күңелгә өмөт өҫтәгән йөкмәткеле баҫмағыҙ өсөн рәхмәт», – тигән ағинәй.
Лото уйыны июнь аҙағына тиклем дауам итә. Унда ҡатнашығыҙ һәм бүләктәр отоғоҙ!...


Борьба с коррупцией

[/aviable]

  • Ҡолаҡ һал!
  • Организм нимә хаҡында иҫкәртә?
  • Монафиҡ (Хикәйә)
  • Тыуған ауылына рәхмәтле йырсы
  • Оҙаҡ йәшәүҙең туғыҙ сере
  • Үткәндәргә илаулап, бөгөнгөһөн юғалта күрмәгеҙ
  • Үәт, ҡыҙыҡ! (3.08.2018)
  • Вниманию зарегестрированнх кандидатов, избирательных объединений, на выборах депутатов Государственного Собрания – Курултая Республики Башкортостан шестого созыва
  • Үәт, ҡыҙыҡ! (20.07.2018)
  • Ҡартлыҡ бәхеттәре кемгә насип?



  • Радио Юлдаш FM