08.01.2013 Ергә сират һаҡланасаҡ
Балалары 18 йәшкә еткән күп балалы ғаиләләрҙең ер алыуға хоҡуҡтары һаҡланасаҡ. Өфө ҡала советы депутаттары индивидуаль төҙөлөш өс һәм унан күберәк бәлиғ булмаған балалары, инвалид балалары булған ғаиләләргә бушлай бер тапҡыр ер участкаһы биреү тураһындағы ҡағиҙәләргә үҙгәрештәр индереү мәсьәләһен ҡараны. Хәҙер балаларҙың 18 йәшкә етеүе ғаиләне сираттан төшөрөүгә нигеҙ була алмай. Ер участкаһы алыу хоҡуғы һаҡлана.
Бөгөн программала ҡатнашыусы 3 мең ғаилә иҫәпләнә. Барыһы ла әле сиратҡа тороп бөтмәгән. Яҡынса 1,5 − 2 мең ғаиләгә төҙөлөшкә ер − ҡала ситенән, киләсәктә сиратҡа баҫасаҡ 3 меңдән ашыу ғаиләгә икенсе райондарҙан биреләсәк. Әле 700 ғаилә Калинин, Октябрь райондарынан, Өфө районының Йылҡыбай, Федоровка, Нуғай ауылдарынан участка алған.
Оҡшаш яңылыҡтар
