RSS-подписка facebook facebook Вконтакте Вконтакте
» » Янғынға ҡаршы көрәштә ялҡын ҡабынды йөрәктә

25.05.2019 Янғынға ҡаршы көрәштә ялҡын ҡабынды йөрәктә

Ошо айҙа урман янғындары бер туҡтауһыҙ илебеҙҙең төрлө төбәгендә, шул иҫәптән республикабыҙҙа ла йыш ҡына ҡабынып тора. Уйламағанда минең үҙемә лә янғын һүндереүҙә ҡатнашырға тура килде.

Һағындырған туғандарға ҡу­наҡҡа, Күгәрсен районының Сәйетҡол (Әбсәләм), Бикеш (Игесәк) ауылдарына, барып ҡайттыҡ. Өсөнсө май кисендә ошо ике ауылда шау-шыу ҡупты – “янғын” тигән ҡурҡыныс хәбәр ел тиҙлегендә таралды. Тап ике ауыл араһында, юл аша түбәлектә, дыулап үлән яна ине, ялҡын телдәре күккә ынтылды, осҡондар тирә-яҡҡа сыртлап сәсрәне. Уттан ҡурҡҡан көтөү мөңрәшеп, баҡырышып ауылға сапты. Ел дә утты ауылдар яғына бороп, ашыҡтырып, ҡыуаланы.

Бәлә кисектергеһеҙ кеүек тойолдо. Ләкин шунда уҡ янғын яғына, туҙан борҡотоп, тиҫ­тәләрсә машина ҡуҙғалды. Йөҙгә яҡын йәш егет, ир, ҡатын-ҡыҙ, бала-саға – барыһы ла улар артынан берҙәм йүгерҙе. Ул арала машиналарҙан һикереп сыҡҡан кешеләр көрәк, япма, селек һепертке менән утҡа ҡаршылыҡ күрһәтә башланы, кемдер хатта кейемен сисеп, утты бәргеләне, итеге менән тапаны.

Ниһайәт, район үҙәге Мораҡ­тан янғын һүндереүселәр килеп етте. Тик шул саҡта ғына барыһы ла еңел тын алды. Дөрөҫөн әйткәндә, янғын һүндереү­селәргә түбәнең икенсе яғын ғына һүндерергә тура килде, ә башҡорттар утты үҙ ауылдарына яҡын ебәрмәне. Ирекһеҙҙән күңелемдә гүзәл халҡым өсөн ғорурлыҡ тойғоһо уянды, көслө рухлы, артыҡ һүҙһеҙ тыуған ауылын һаҡларға ташланған мил­ләттәштәрем өсөн ҡыуанып йөрәкһенем. Ә улар, һис бер ни булмағандай, ҡоромға буялған бит-ҡулдарын таҙарта, янғын менән көрәштә алған яраларын бәйләй ине...
Мин улар йөҙөндә бер­ҙәмлекте, көслө ихтыярҙы күрҙем – кәрәк икән, халҡым алдына алған маҡсатына барып етәсәк, уны ут та, һыу ҙа туҡтата алмаясаҡ.

Ике сәғәттән ашыуыраҡ ауыл халҡы ут һүндерҙе – олоһо ла, кесеһе лә ситтә ҡалманы. Сәйетҡол мәктәбе директоры Рафаэль Йосопов: “Үкенескә күрә, беҙгә үҙебеҙҙең урман-ҡырҙарҙы кемдеңдер баш­һыҙлығы, енәйәтсел ҡылығы арҡаһында сыҡҡан янғындарҙан йыш һаҡларға, ҡотҡарырға тура килә, – тип бошондо. – Төбә­гебеҙҙә ҡоро үлән, япраҡ, һалам, бесән күп. Ике йыл элек беҙ, Сәйетҡол һәм Бикеш ауылдары халҡы, ауыл хакимиәте башлығы Хөсәйен Аллабирҙин етәкселеге аҫтында Серәкәй тауын, Нуҡай, Түкәт, Буҫтыбай ауылдарына терәлгән ур­мандарҙы янғын­дарҙан һаҡлап алып ҡалдыҡ. Үәт, унда, исмаһам, хәтәр ине: дүрт сәғәттән ашыу утҡа ҡаршы көрәштек, халыҡ бер туҡтауһыҙ килде лә килде. Арып-йонсоған, хәлдән тайған саҡта кемеһелер түҙә алмай китте. Юҡ, ҡасманы – ярҙам артынан китте. Һәм ҡабаттан һаҡҡа баҫты. Юҡҡа әйтмәйҙәр бит, күмәкләгән – яу ҡайтарған. Шулайтып беҙ ҙә яу ҡайтарабыҙ...”

Был юлы ут 6 – 7 квадрат километр ерҙе ялмап өлгөргәйне. Әллә ни күп тә түгел һымаҡ, батырлыҡ менән маһайырға урын да юҡ кеүек, ә шулай ҙа... йөрәктә ялҡын ҡабынды. Рәхмәт халҡымдың шундай булғанына!



Автор: Р. Баязитов
Фото: Автор фотоһы




Комментарий өҫтәргә


    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent


Оҡшаш яңылыҡтар



Ялған паспорт менән – кредит

Китәләр...

23.10.2019 - Йәмғиәт Китәләр...


Юлдарҙа "Бурыслы" операцияһы башланды

Фотоларҙа – тарих

16.09.2019 - Йәмғиәт Фотоларҙа – тарих


Суд приставтарына һорауҙарығыҙ булһа…

"Ҡыҙыу линия" эшен дауам итә

08.09.2019 - Яңылыҡтар таҫмаһы » Йәмғиәт "Ҡыҙыу линия" эшен дауам итә


Һайлауҙа алған беләҙектәрегеҙҙең файҙаһын күрегеҙ

08.09.2019 - Яңылыҡтар таҫмаһы » Йәмғиәт Һайлауҙа алған беләҙектәрегеҙҙең файҙаһын күрегеҙ


Кишер һабағы менән помидор маринадлау

"Йәшлек" гәзите БР Башлығы грантына лайыҡ булды!

Генерал Шайморатовҡа һәйкәл ниндәй булырға тейеш?

«Һыу хатаны ғәфү итмәй!»

25.07.2019 - Йәмғиәт «Һыу хатаны ғәфү итмәй!»


Аҙыҡ-түлекте ташлау –  яҙыҡ эш

Ҡартлыҡты артҡа сигендереп

Радий Хәбиров юл ҡағиҙәләрен өс тапҡыр боҙоусыларҙы руль артына ебәрмәҫкә тәҡдим итте

«Росгосцирк» Өфө циркын тергеҙеүгә 1 млрд һум һалырға планлаштыра

Өйҙөң йәме – бала менән

08.07.2019 - Йәмғиәт Өйҙөң йәме – бала менән


Бабич ҡалҡты һәйкәл булып!

V Бөтә донъя башҡорттары  ҡоролтайының программаһы 28 – 29 июнь, 2019 йыл

Башҡортлоҡ

28.06.2019 - Йәмғиәт Башҡортлоҡ


Яҙһа - яҙа ла ҡуя!

14.06.2019 - Йәмғиәт Яҙһа - яҙа ла ҡуя!


Лайыҡлылар билдәләнде һәм бүләкләнде!

Ижадсының бай мираҫына урын табылырмы?

Юлда яңғыҙың түгел!

28.05.2019 - Йәмғиәт Юлда яңғыҙың түгел!


Кем көтөүсе булырға теләй?