23.03.2012 «Шаһ» булырмы, әллә «Падишаһ»мы?
2010 йыл аҙағында Рәсәйҙә төбәк башлыҡтарына үҙҙәрен «президент» тип атауҙы тыйған закон көсөнә инде. Төбәк етәкселәренең нисек аталырға тейешлеген урындағы власть үҙе хәл итергә тейеш. Исем һайлауҙа һәр ерҙең, милләттең тарихи үҙенсәлектәре, милли һәм мәҙәни йолалары күҙ уңында тотоласаҡ.
Төбәк башлығын нисек атауҙы власть вәкилдәре 2015 йылдың 1 ғинуарына тиклем хәл итергә тейеш. Республика халҡына һайлау өсөн тағы өс йыл бар әле. Әлегә Башҡортостанды етәкләүсе кеше «республика башлығы» йәки «губернатор» тип йөрөтөлөр, тип фаразлайҙар. Әммә был мәсьәлә буйынса аныҡ ҡына ҡарар ҡабул ителмәгән. Тарихсылар, сәйәсмәндәр араһында төрлө тәҡдимдәр индереүселәр бар. Кемдер етәксене «шаһ» йәки «мырҙа» тип күрергә теләй. Башҡа тәҡдимдәр ҙә индерелә.
Башҡортостанды етәкләгән кешенең нисек аталырға тейешлеге тураһында йәмғиәттә, киң матбуғат сараларында фекер алышыуҙар буласаҡ. Шуға ла, хөрмәтле гәзит уҡыусыларыбыҙ, һеҙҙән тәҡдимдәр көтөп ҡалабыҙ!
Л. СОЛТАНОВА.
Оҡшаш яңылыҡтар
