13.03.2012 Кәзәләр ҙә, заманса техника ла бар
Бөгөн «Өфө-Арена» майҙанында «Агро-Комплекс − 2012» Халыҡ-ара махсуслаштырылған күргәҙмәһе эшләй башланы. Был сара 22-се тапҡыр ойошторола, унда Рәсәйҙең 20 төбәгенән 190 предприятие, яҡын һәм алыҫ сит илдәрҙән дә ойошмалар ҡатнаша.
Аграр төбәк булараҡ, Башҡортостан да халыҡ-ара күргәҙмәгә үҙ экспозицияларын ҡуйҙы.
Күргәҙмә аренаһында ауыл хужалығы техникаһы, малсылыҡ һәм ҡошсолоҡто алып барыу өсөн ҡорамалдар, икмәк бешереү, аҙыҡ-түлекте төрөү техникаһы экспозициялары урын алған. «АгроФерма» тип аталған махсус проект буйынса күрһәтелгән һарыҡтар, кәзәләр, йорт ҡоштары, ҡуяндар ҙа − сараның биҙәге.
16 мартҡа тиклем дауам итәсәк халыҡ-ара күргәҙмә барышында эшлекле осрашыуҙар, конференциялар ҙә үтәсәк.
Оҡшаш яңылыҡтар
