25.12.2010 Тәбиғәт ҡомартҡылары дүртәүгә артты
Башҡортостандың дүрт тәбиғәт объекты – «Рус Швейцарияһы» (Бәләбәй районы), «Еүеш йырын» (Бишбүләк районы), «Әҙрәсгөл популяцияһы» (Туймазы районы) һәм «Шумилов шарлауығы» (Туймазы районы) тәбиғи биләмәләре – республика әһәмиәтендәге тәбиғәт ҡомартҡыһы, ә улар биләгән территориялар айырым һаҡланған тәбиғәт территориялары тип иғлан ителде.
Был саралар беҙҙәге үҙенсәлекле тәбиғәт ландшафтын һәм рекреацион ресурстарҙы рациональ файҙаланыу өсөн ҡабул ителде.
Тейешле ҡарарға 2010 йылдың 14 декабрендә Башҡортостан Президенты Рөстәм Хәмитов ҡул ҡуйҙы.
Әйтергә кәрәк, айырым һаҡланған тәбиғәт биләмәләрендә ниндәй ҙә булһа хужалыҡ эшмәкәрлеге, шул иҫәптән төҙөлөш, мал көтөү, ағас ҡырҡыу (санитар ҡырҡыуҙан тыш), шулай уҡ дарыу үләндәре әҙерләү тыйыла.
Оҡшаш яңылыҡтар
