21.12.2010 35 градусҡа тиклем һыуыҡтар көтөлә
Ял көндәрендә республикала сираттағы һыуыҡ тулҡыны көтөлә. «Башгидромет» синоптиктары мәғлүмәттәренә ҡарағанда, һиҙелерлек һыуыҡтар йома көнө башланасаҡ.
Бөтә республика буйлап һауа температураһының төндә 30 – 35 градусҡа тиклем төшөүе көтөлә.
Дөрөҫ, ҡаты һыуыҡтар алдынан, бөгөн республиканың көнбайыш райондарында, ә иртәгә Башҡортостандың бөтә территорияһында һауа температураһы бер аҙ күтәреләсәк – һыуыҡтар көнсығышҡа күсәсәк. Ә шаршамбыла ябалаҡлап ҡар яуыуы ихтимал.
Бер атмосфера фронтын тиҙ арала икенсеһе алмаштырасаҡ. Һәм йомала арктик һауа массаһы республикаға һыуыҡтар килтерәсәк.
Оҡшаш яңылыҡтар
Яңы номер
«Йәшлек» гәзитенең 44-се һанына күҙәтеү1 ноябрь, 2019 йыл
Яңылыҡтар архивы