21.05.2019 Владимир Путинға дүрт триллион һумды нисек тотонасаҡтарын һөйләнеләр

Рәсәй Президенты Владимир Путин РФ тәбиғәт ресурстары һәм экология министры менән осрашып, “Экология” милли проекты тураһында һөйләште.

Был милли проектҡа “Таҙа ил” программаһы бәйләнгән. Уның эсендә иһә сүплектәргә ҡаршы көрәш, ҡалдыҡтарға заманса ҡараш кеүек маҡсаттар бар.

“Экология” милли проектына 2024 йылға тиклем дүрт триллион һум тотонасаҡбыҙ.

Министр Дмитрий Кобылкин белдереүенсә, быйыл “Таҙа ил” программаһына ярашлы, 48 сүплек рекультивацияланасаҡ. 2024 йылға тиклем 191 сүплектә ошо эште башҡарырға кәрәк.

Ҡыйлыҡтарҙы бөтөрөүгә алдағы алты йылда 100 миллиард һумдан ашыу аҡса йүнәлтеләсәк. Ҡалдыҡтарҙы сорттарға айырыу, эшкәртеү өсөн 220 завод төҙөйһөбөҙ ҙә бар әле.

Ҙур йылғабыҙ Волганы ла элекке таҙа, мул һыулы һәм балығы уйнаҡлап торған сағына ҡайтарыу бурысы тора. Был йылғаның таҙалығы 60 миллиондан ашыу рәсәйлегә мөһим.

Тағы шуныһы: көнкүрештә һәм предприятиеларҙа экологик йәһәттән заманса технологияларҙы индереүгә генә лә ғәләмәт ҙур сумма тотоноласаҡ. Күҙаллауҙар буйынса ул 2,5 триллион һумға барып баҫа.

Барыһының да һөҙөмтәһе 2024 йылдан һуң асыҡ күренәсәктер.