27.12.2011 Уҡыусылар тарих менән ҡыҙыҡһына
БР Мәҙәниәт министрлығы һәм Милли әҙәбиәт музейы тарафынан, 1812 йылғы Ватан һуғышына арнап, Өфө ҡалаһының башҡорт гимназиялары араһында ойошторолған викторина уҡыусылар араһында ҙур ҡыҙыҡһыныу уятты. Унда 50-гә яҡын уҡыусы ҡатнашты.
«Иң йәш ҡатнашыусы», «Иң үҙенсәлекле эш», «Ҙур яуаплылыҡ менән башҡарылған эш», «Иң әүҙем ҡатнашыусы мәктәп» номинациялары буйынса еңеүселәр билдәләнде. 3-сө урынға республика һынлы сәнғәт гимназияһынан Нәғим Ғәзизов, Зөһрә Байегетова, Мостай Кәрим исемендәге 158-се башҡорт гимназияһынан Данил Мәхийәнов лайыҡ булды. 2-се урынды республика башҡорт лицей-интернатынан Илгизәр менән Усман Мортазиндар яуланы. Викторинаның еңеүсеһе тип Мостай Кәрим исемендәге 158-се башҡорт гимназияһынан Нияз Юламанов билдәләнде. Еңеүселәргә дипломдар, иҫтәлекле бүләктәр тапшырылды.
Оҡшаш яңылыҡтар
15.08.2019 - Мәҙәниәт һәм сәнғәт Рәсәйҙең атҡаҙанған мәҙәниәт хеҙмәткәре Рәйес ИСМӘҒИЛЕВ: “Һуғыш суҡмары булдым”
20.04.2019 - Мәҙәниәт һәм сәнғәт Башҡортостандың атҡаҙанған артисы Лилиә РӘСҮЛЕВА: «Күңелем романтикаға тартыла»
