RSS-подписка facebook Вконтакте Вконтакте
» » Туйсиндар йыр туйына йыйҙы

15.03.2011 Туйсиндар йыр туйына йыйҙы

Туйсиндар йыр туйына йыйҙыБашҡорт сәнғәтенең тарихында һәм бөгөнгөһөндә баймаҡтар алтын фондты тәшкил итә. Был бәхәсһеҙ. Халҡыбыҙҙың мәшһүр йыр-бейеү өлгөләренең күпселегенең тап беҙҙең ерлектә тыуыуы һәм республика, ил күләмендә танылыу алған арҙаҡлы сәнғәт оҫталарының Баймаҡтан булыуы үҙе бер феномен һәм был ҙур ғорурлыҡ уята. Ана шундай йыр-моң әһелдәре араһында Сыңғыҙ ауылынан бер туған Туйсиндар лайыҡлы урын биләп тора.

Миңзифа Ғилман ҡыҙы менән Париж Хәлфетдин улы Туйсиндарҙың йырлы-моңло ғаиләһендә тыуған ун бер баланың барыһы ла бала саҡтан халҡыбыҙ сәнғәтенә ғашиҡ булып үҫә. Бәләкәйҙән һалынған орлоҡ емешле булып сыға – бөгөн Туйсиндарҙы төбәктә генә түгел, ә бар республикала ла яҡшы беләләр, юғары баһалайҙар. Шулар араһынан Рәмил үҙен оҫта педагог, талантлы йырсы һәм ҡурайсы, үҙенсәлекле композитор һәм режиссер итеп танытты, “Башҡортостандың атҡаҙанған мәҙәниәт хеҙмәткәре” тигән маҡтаулы исемгә лайыҡ булды. ҡолсора ауыл мәҙәниәт йорто директоры булып эшләүсе Флүрә Париж ҡыҙы иһә райондың мәҙәниәт тормошонда үҙенең үҙенсәлекле эш алымдары менән билдәле. Ул да республиканың атҡаҙанған мәҙәниәт хеҙмәткәре булып танылды. Радмир инде, республика йыр бәйгеләре лауреаты булараҡ, Башҡортостан тамашасыһына яҡшы таныш. Кеселәре Айнур ҙа ҡаҙаныштары менән ҡыуандырып тора.
Туйсиндарҙың ғаилә концертын ҙур сәхнәгә сығарыу уйы бынан бер нисә йыл элек барлыҡҡа килә. Дуҫтарының тәҡдимен күҙ уңында тотоп һәм халыҡтың һорауын иҫәпкә алып, Рәмил Сибай филармонияһында Туйсиндарҙың концертын ойоштора. Был проект ҙур уңыш ҡаҙана һәм тамашасы һөйөүен яулай. Шуның нигеҙендә ғаиләнең “Туй” исемле студияһы ойошторола һәм Туйсиндар республика ҡалалары һәм райондары буйлап тәүге гастролгә әҙерләнә башлай. Улар был эште үҙ көстәре менән атҡарып сыға. Ғаилә концерттары һәр ерҙә иң көтөп алынған тамашаға әүерелә. Баймаҡтар үткән йылдарҙа район халыҡ ижады үҙәгендә уҙған йыр-моң кисәһендә Туйсиндарҙың үҙҙәренә ҡабатланмаҫ байрам бүләк итеүен хәтерләйҙер.
Ошо көндәрҙә ғаилә Баймаҡ халҡына өр-яңы проектын тәҡдим итте. “Туйсиндарҙың йыр туйы” тип аталған тамаша, ысынлап та, моң туйына әүерелде, һәр ваҡыттағыса, шығырым тулы зал халыҡты йыйҙы. Рәмил, Флүрә, Радмир һәм Айнур Туйсиндар был юлы үҙҙәренең ижадташ дуҫтары – республика бейеү конкурстары лауреаты Илфат Мусин, виртуоз баянсы Дим Шәрәфиев, нәфис һүҙ оҫтаһы Нәсимә Ғиззәтуллина, тауыш режиссеры Ғайсар Моратов менән бергә сығыш яһаны. Өс сәғәт барған концерт даланлы ғаиләнең сәнғәт күгендәге ҡаҙанышына йәнә бер бит өҫтәне, башҡорт йырының илаһилығына дан йырланы, быуаттар төпкөлөнән аманат булып тапшырыла килгән аһәңле моңобоҙҙо бар камиллығында тамашасы күңеленә еткерә алырҙай ысын халыҡ йырсыларының барлығын йәнә бер ҡат иҫбатланы. Бындай концерттарҙы күп тапҡыр тамаша ҡылған кеше булараҡ, шуны әйтергә кәрәк: Туйсиндарҙың һәр проекты – үҙе бер асыш, үҙе бер яңы моң даръяһы. Улар башҡарған һәр йыр сылтырап һәм урғылып аҡҡан саф шишмәгә тиң. Әйткәндәй, 1997 йылда “Ирәндек моңдары” фестивалендә жюри ағзаһы булараҡ ҡатнашҡан атаҡлы йырсы Абдулла Солтанов Рәмил Туйсин башҡарыуындағы йырҙарҙы тыңлағандан һуң, бик тә талантлы һәм өмөтлө йырсы, уның киләсәге ҙур, тип юғары баһа биргәйне.
Концерттың программаһы үҙенсәлекле, репертуары бай булыуы менән айырылып торҙо. Башҡорт халҡының классик йырҙарынан алып танылған композиторҙар ижад иткән, тамашасының һөйөүен яулаған, төрлө тематикалы көй-моңдар яңғыраны. Шулар араһынан Мирсәйет Әмирҙең “Тормош йыры” спектакленән “Басир йыры” кисәнең кульминацион мәле булғандыр. Уны Рәмил, Радмир, Айнур музыкаль оҙатыуһыҙ һәм өс тауышта тетрәндергес итеп башҡарҙы. “Пограничниктар” йырын халыҡ аяҡ үрә баҫып алҡышланы. Рәмил яңыраҡ ҡына ижад иткән “Бер туғандар беҙ” исемле йыр ғаиләнең гимнына әүерелгән тиһәк тә, хата булмаҫ. Ғөмүмән, тамаша режиссура йәһәтенән төплө уйланылыуы менән иғтибарҙы йәлеп итте, йырсыларҙың юғары профессиональ оҫталығын тағы күрһәтте.
Туйсиндарҙың яңы проектын тамашасы был юлы ла бик йылы ҡабул итте. Һәр хәлдә, халыҡ бындай тамашаға һыуһаған һәм ул теләгәненә иреште. Әйткәндәй, “Туй” студияһы был программа менән әле республика ҡалалары һәм райондары тамашасыларын ҡыуандырыуын дауам итә. Данлыҡлы Туйсиндар нәҫеленең яңы проекттарын киләсәктә лә күрергә яҙһын. Шулай булыр ҙа!

Азамат МӨХӘМӘТШИН.







Комментарий өҫтәргә


    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent


Оҡшаш яңылыҡтар



«Бер ваҡытта ла бер кемгә лә оҡшарға тырышманым»

«Төрлө сағым була минең дә...»

05.10.2019 - Мәҙәниәт һәм сәнғәт «Төрлө сағым була минең дә...»


Шағирә, продюсер Светлана ШӘРИПОВА: “Тормош дауам итә!”

«Ғәфү ит мине,  әсәй!»

21.09.2019 - Мәҙәниәт һәм сәнғәт «Ғәфү ит мине, әсәй!»


«Тамашасы  ихласлыҡты күрә белә»

19.09.2019 - Мәҙәниәт һәм сәнғәт «Тамашасы ихласлыҡты күрә белә»


Вайнер ҙа – туған тел һаҡсыһы!

05.09.2019 - Мәҙәниәт һәм сәнғәт Вайнер ҙа – туған тел һаҡсыһы!


Күктә балҡый уның йондоҙсоҡтары...

25.08.2019 - Мәҙәниәт һәм сәнғәт Күктә балҡый уның йондоҙсоҡтары...


Туйҙарҙа яралған мөхәббәт

24.08.2019 - Мәҙәниәт һәм сәнғәт Туйҙарҙа яралған мөхәббәт


“Ябай кеше булараҡ уңыш яулап ҡара...”

17.08.2019 - Мәҙәниәт һәм сәнғәт “Ябай кеше булараҡ уңыш яулап ҡара...”


Рәсәйҙең атҡаҙанған мәҙәниәт хеҙмәткәре Рәйес ИСМӘҒИЛЕВ: “Һуғыш суҡмары булдым”

Ни өсөн Эльмира Юлдашеваны “Лунатик” тигәндәр?

“Драматургия – әҙәбиәттең иң ҡатмарлы жанры”

«Урал батыр»ҙы яттан һөйләнеләр

20.06.2019 - Мәҙәниәт һәм сәнғәт «Урал батыр»ҙы яттан һөйләнеләр


«Мәҙәниәт  хеҙмәткәрҙәре өсөн  ял юҡ»

15.06.2019 - Мәҙәниәт һәм сәнғәт «Мәҙәниәт хеҙмәткәрҙәре өсөн ял юҡ»


"Тормошҡа ашмаҫ хыялдар ҡормайым"

27.05.2019 - Мәҙәниәт һәм сәнғәт "Тормошҡа ашмаҫ хыялдар ҡормайым"


Йырсы менән бейеүсе –  шул тиклем пар килгәнсе

«Талантың булмаһа, шоу яһау ярҙам итмәй»

16.05.2019 - Мәҙәниәт һәм сәнғәт «Талантың булмаһа, шоу яһау ярҙам итмәй»


Көтөүсе булырға теләмәһәң, бейеүсе булырға мөмкин

Башҡортостандың атҡаҙанған артисы Лилиә РӘСҮЛЕВА: «Күңелем  романтикаға тартыла»

“Тормошомда осраған  һәр кешегә рәхмәтлемен”

Театр ишеген асҡас...

30.03.2019 - Мәҙәниәт һәм сәнғәт Театр ишеген асҡас...


Аҡыл менән хистәр береккәндә

25.03.2019 - Мәҙәниәт һәм сәнғәт Аҡыл менән хистәр береккәндә


Йәштәр театры һөйөндөрә

23.03.2019 - Мәҙәниәт һәм сәнғәт Йәштәр театры һөйөндөрә


«Бирешмә!» беренсе үҫмерҙәр премияһы

15.03.2019 - Мәҙәниәт һәм сәнғәт «Бирешмә!» беренсе үҫмерҙәр премияһы