RSS-подписка facebook facebook Вконтакте Вконтакте
» » Яман һүҙ сыҡмаһын ине әсә ауыҙынан

01.04.2019 Яман һүҙ сыҡмаһын ине әсә ауыҙынан

Психологка төрлө кеше килә. Ҡайғынан бөгөлгәндә, тормош юлындағы һынауҙарҙан хәлһеҙләнгәндә, киләсәккә аҙым яһарға ҡурҡҡанда, ике юл араһында ҡайһыһын һайларға белмәгәндә мөрәжәғәт итәләр улар. Клиенттарҙың күбеһе беренсе консультация ваҡытында уҡ аныҡ фекергә килеп, ышаныслы баҫып сығып китә. Үҙ эшеңдең ыңғай һөҙөмтәһен күреү кемдәрҙе ҡыуандырмай икән?! Күңелле була миңә лә... Әммә...

Ҡото осоп бер ҡатын-ҡыҙ килде. 37 йәш үҙенә, кейәүҙә түгел, баш ҡалала төпләнгән, ипотекала булһа ла үҙ мөйөшө, аҡсалы эше лә бар. Тәүҙә оҙаҡ ҡына илап алды. Бер аҙҙан тынысланды ла, күҙ йәштәрен һөртә-һөртә хәлен һөйләп бирҙе.

“Һирәк-һаяҡ ғаиләле ир менән осраштым. Ә нимә, мин һаман яңғыҙ. Йәштәш ир-егеттәр күптән үҙ тормошон ҡорған, йәшерәктәрҙе үҙһенмәйем. Бына мин ауырлы бөгөн. Ни эшләргә һуң миңә? Баланың атаһы тап, ти. Әхирәттәрем дә бик шатланды, ҡотланылар. Үҙем дә ошо йәшемә етеп, тәүгә ауырға ҡалыуыма сикһеҙ ҡанатланып һеңлемә, шунан атайым менән әсәйемә шылтыраттым. Ошо көнгәсә бер кемдән, бер ҡасан да ишетмәгән һүҙҙәр менән ябырылдылар... Ә юҡ, атайым өндәшмәне. Ә бына әсәйем, һеңлем... Мине ер менән тигеҙләп, хәйерсе, фәхишә (былары иң йомшаҡ һүҙҙәре әле), тип бер туҡтауһыҙ шылтыратып ҡысҡыра башланылар. Аптырауымдан тәүҙә ҡойолоп төштөм. Артабан үҙемде яҡларға маташыптыр ине, тегеләргә аңлатам: һеҙгә көнөм дә ҡалмаясаҡ, борсолмағыҙ, үҙем күтәрермен, йәнәһе. Юҡ! Ишетергә лә теләмәйҙәр, һаман миңә тауыш күтәрәләр, әрләйҙәр, яман һүҙҙәр тағалар. Миңә тыуған йортома ҡайтыу тыйылды хатта. Баланан ҡотолғас ҡына ишегебеҙ, күңелебеҙ һиңә ҡайтанан асыласаҡ, тип белдерҙеләр. Мин өндәшмәҫ булдым, сөнки, ысынлап та, миңә бер фекергә килергә һәм ҡарар ҡабул итергә кәрәк бит! Әсәйемдәр атакаһын туҡтатмағас, миңә уларҙың номерын блокировкаға ҡуйырға тура килде. Ысынында иһә, мин уларҙан ярҙам, аңлау, таяныс өмөт иткәйнем! Һис юғы, әсәйем менән атайым минең яңылығым өсөн ҡыуаныр, тип ҡайһылай ҙа яңылышҡанмын... Һеңлемдән, ни өсөндөр, ошондайыраҡ реакция көткәйнем, һиҙеүем раҫ булды. Ә бына әсәйем... Ошо 4 аҙнала түккән күҙ йәштәрем... Баланы ныҡ йәлләйем, үҙемде лә... Илап-илап, бөгөн иртәнсәк кисекмәҫтән абортҡа, тип өйөмдән сығып киткәйнем, табибым урынында булмай сыҡты. Ярҙамсыһы процедура тураһында аңлатты, мин ризалаштым... Шулай ҙа, кәрәк нимәһелер булмағас, иртәгәһе көнгә ҡалдырҙыҡ. Сыҡҡас, аптырап торҙом да, һеҙгә килдем. Мин, ысынлап та, ҡарар ҡабул иттем. Ҡотолам. Әсәйемдәр ғүмер буйы ошо яуаплылыҡ менән йәшәһен! Һеңлем үҙе ошо хәлгә ҡалһын! Улар арҡаһында ғына ошо ҡот осҡос аҙымды яһайым. Күралмайым! Уларҙы ла, үҙемде лә!”

...Һеҙ нисек уйлайһығыҙ, психолог ошо мәлдә ни эшләргә тейеш? Ҡыҙҙың абортҡа барыуын мин хупламайым. Был аҙымдан уны тыйып, яуаплылыҡты үҙ өҫтөмә лә ала алмайым. Минең эшем – уның эмоциональ фонын тәртипкә килтереү, тынысландырыу. Әлбиттә, икәүләп ҡулыбыҙға ҡағыҙ алып, ошо ситуацияның бөтә ыңғай һәм кире яҡтарын һанап сыҡтыҡ. Мин уға әсәлектең ниндәй бәхет икәнен, хатта үҙемдең тормошомдағы миҫалдарҙы килтереп ышандырырға тырыштым. Психология, эзотерика, сексология, дин буйынса бөтә белемемде туплап, уға “яңылыша күрмә, бәлки был тәүге һәм һуңғы ауырыңдыр?” тигән фекерҙе һеңдерергә тырыштым. Ике сәғәт. Теүәл ике сәғәт буйы, ул ҡыласаҡ эшендә минән хуплау өмөт итеп, күҙҙәремә мөлдөрәп кенә ҡарап ултырҙы. Әңгәмәбеҙҙең һуңында, ҡылған эш өсөн шәхсән үҙең генә яуаплыһың, бында ғәйеплене эҙләү – депрессияға илткән юл, тип килештек.

Уйҙарыма уйылып ултырып ҡалдым. Әсәйҙәргә фәһем булһын ине, тип өмөтләнеп яҙыуым. Яман һүҙҙәр сыҡмаһын ине ӘСӘЙ ауыҙынан! Әйткәнем бар, тағы ҡабатлайым: әсәйҙең балаһына ҡарата әйтелгән һәр бер һүҙе – киләсәгенә фатиха биреү. Ошо хәлде генә ҡараһаҡ, был ҡатын-ҡыҙ киләсәктә “плинтустан түбән” тәгәрәһә, кемгә рәхмәтле булырға? Икенсе яҡтан, 37 йәшлек ҡатын һаман инфантиль, әсәһе итәгенән сыға алмай, яҙмышын үҙгәртергә ҡурҡып ултырыуы ғаилә тәрбиәһенән килмәйме? Һорауҙар күп...



Автор: Әлмира ИСХАҠОВА
Фото: vk.com




Комментарий өҫтәргә


    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent


Оҡшаш яңылыҡтар



Әгәр балағыҙға дуҫ булһағыҙ, уға «аниме» сире йоҡмаясаҡ

Бал файҙалы.  Әммә барыһына ламы?..

13.10.2019 - Һаулыҡ һаҡлау Бал файҙалы. Әммә барыһына ламы?..


Шәкәр диабетын дауалау

12.10.2019 - Һаулыҡ һаҡлау Шәкәр диабетын дауалау


Ҡотҡарырға ашыҡмағыҙ

07.10.2019 - Һаулыҡ һаҡлау Ҡотҡарырға ашыҡмағыҙ


Картуф менән дауаланыу

06.10.2019 - Һаулыҡ һаҡлау Картуф менән дауаланыу


Тиҙ ҙә, тәмле лә, файҙалы ла

05.10.2019 - Һаулыҡ һаҡлау Тиҙ ҙә, тәмле лә, файҙалы ла


“Сәнскәкле рауза”

30.09.2019 - Һаулыҡ һаҡлау “Сәнскәкле рауза”


Тыныс йоҡо, тәмле төштәр…

29.09.2019 - Һаулыҡ һаҡлау Тыныс йоҡо, тәмле төштәр…


Көҙгөһөн ауырыуҙан нисек һаҡланырға?

Ҡабаҡ өлгөрҙө

24.09.2019 - Һаулыҡ һаҡлау Ҡабаҡ өлгөрҙө


Артыҡ эшһөйәрлек гел генә файҙаға түгел

Буйҙы үҙгәртеп буламы?

18.09.2019 - Һаулыҡ һаҡлау Буйҙы үҙгәртеп буламы?


Баш әйләнеүҙең сәбәбе нимәлә?

17.09.2019 - Һаулыҡ һаҡлау Баш әйләнеүҙең сәбәбе нимәлә?


Үткәндәргә үпкәләүҙән файҙа юҡ

16.09.2019 - Һаулыҡ һаҡлау Үткәндәргә үпкәләүҙән файҙа юҡ


Папилломаны  нисек бөтөрөргә?

15.09.2019 - Һаулыҡ һаҡлау Папилломаны нисек бөтөрөргә?


Туҡмай, тимәк, ҡасығыҙ!

13.09.2019 - Һаулыҡ һаҡлау Туҡмай, тимәк, ҡасығыҙ!


Күҙҙәр өсөн академик  Филатовтың тылсымлы дауаһы

Ҡауаҡҡа ҡаршы

11.09.2019 - Һаулыҡ һаҡлау Ҡауаҡҡа ҡаршы


Күҙҙәр һәм  инфекция

10.09.2019 - Һаулыҡ һаҡлау Күҙҙәр һәм инфекция


Бында изгелеккә урын бар

09.09.2019 - Һаулыҡ һаҡлау Бында изгелеккә урын бар


Ниңә ҡулланып ҡарамаҫҡа?!

07.09.2019 - Һаулыҡ һаҡлау Ниңә ҡулланып ҡарамаҫҡа?!


Ҡанды таҙартыу өсөн

29.08.2019 - Һаулыҡ һаҡлау Ҡанды таҙартыу өсөн


Бөйөрҙәге таштар: сәбәбе ниҙә?

27.08.2019 - Һаулыҡ һаҡлау Бөйөрҙәге таштар: сәбәбе ниҙә?


Пластик шешәләр менән һаҡ булығыҙ! Зыянлы…