28.05.2013 Батырҙар сыҡты майҙанға
Күптән түгел Стәрлебаш районы үҙәгендә яугир-интернационалист Наил Рәжәпов иҫтәлегенә Милли көрәш буйынса асыҡ турнир үтте. РФ Дәүләт Думаһы депутаты Марсель Йосоповтың ярҙамсыһы, Бөтә Рәсәй билбау көрәше федерацияһының башҡарма директоры Гөлнур Ҡолһарина, турнирҙа ҡатнашыусыларҙы сәләмләп, милли спорт төрөн үҫтереүгә ҙур көс һалған тренерҙарға рәхмәт хаттары тапшырҙы. Хәрби хәрәкәттәр ветерандары союзы етәксеһе Тимерйән Рәжәпов бер нисә кешегә миҙал тапшырҙы.
Көрәш 13 ауырлыҡ үлсәмендә барҙы. 30 килограмға тиклемге ауырлыҡ категорияһында көс һынашыусы малайҙар араһында Федоровка районынан Евгений Борисов беренсе урынды яуланы. Ҡабыҡҡыуыш ауылынан Нур менән Илсур Собханғоловтар икенсе, өсөнсө урындарҙы бүлеште. Айнур Собханғолов, Алмас Ишембәтов, Рүзил Сәлишев, Илһам Ҡолһарин, Артур Мәжитов, Альфред Ҡолһарин, Фидан Ҡәйепҡолов, Алмас Ҡолһарин, Айнур Ишекәев, Илмир Ибраһимов, Айбулат Бикташев үҙ ауырлыҡ категорияларында еңеүгә өлгәште.
С. АМАНТАЕВА.