16.10.2012 Бәхет Рәсәйгә йылмайҙы
Футбол буйынса Рәсәй йыйылма командаһы донъя беренселегенең һайлап алыу бәйгеһендә үҙ төркөмөндә төп дәғүәсеһе − Португалия футболсыларын ҡабул итеп, миллионлаған көйәрмәне алдында батырлыҡ ҡылды. Улар Португалияны 1:0 иҫәбенә отоп, кәрәкле еңеү яуланы. Осрашыуҙың алтынсы минутында уҡ Александр Кержаков, мөмкинлекте оҫта файҙаланып, иҫәпте асыуға өлгәшә. Ә инде аҙаҡтан ҡунаҡтар тулыһынса өҫтөнлөк итһә лә, уйынды ҡотҡара алмай, еңелергә мәжбүр була. Шулай итеп, Фабио Капеллоның тәрбиәләнеүселәре, өс уйында өс еңеү яулап, үҙ төркөмөн етәкләй. Бөгөн улар төркөмдәштәре – Әзербайжан уйынсылары менән уйнай.
А. ИШМӨХӘМӘТОВА.