04.12.2010 Рәсәй донъя беренселеген ҡабул итәсәк

Дә-ә... Рәсәй спорт державаһына әйләнеп бара. Башта ҡышҡы Олимпия уйындарын /2014 йылда Сочиҙа буласаҡ/ үткәреү хоҡуғын яуланы, хәҙер килеп футболға ла сират етте. Әлбиттә, был ҙур ҡыуаныс. Берҙән, Рәсәй футболсылары бер ниндәй мәшәҡәтһеҙ донъя беренселегенә юл ала. Сөнки беренселек хужалары төркөм уйындарынан азат ителә. Икенсенән, кем белә, бәлки, беҙҙекеләр мөғжизә күрһәтер?.. Шайтан ғына өмөтһөҙ, тиҙәр бит. Шулай итеп, Рәсәй, Англия, Испания, Португалия, Бельгия һәм Голландия кеүек дәғүәселәрҙе тауыш биреүҙә уҙып китеп, донъя беренселеге уҙғарыу хоҡуғын алды. Беренселек Рәсәйҙең 13 ҡалаһында, йәғни Мәскәүҙә, Санкт-Петербургта, Калининградта, Ярославлдә, Түбәнге Новгородта, ҡаҙанда, Саранскиҙа, Һамарҙа, Екатеринбургта, Волгоградта, Дондағы Ростовта, Краснодарҙа һәм Сочиҙа уҙасаҡ.