RSS-подписка Вконтакте Вконтакте
» » Балалар спортына иғтибар артасаҡ

08.06.2012 Балалар спортына иғтибар артасаҡ

Балалар спортына иғтибар артасаҡ
6 июндә Өфөнөң “Нефтсе” мәҙәниәт һарайында ҡышҡы спорт төрҙәре, туризм һәм әүҙем ял буйынса халыҡ-ара конгресс башланды. Ул Башҡортостандың Йәштәр сәйәсәте һәм спорт министрлығы, БР буйынса Эшҡыуарлыҡ һәм туризм буйынса дәүләт комитеты, Рәсәй тау саңғыһы индустрияһы союзы тарафынан ойошторолдо.
Конгресс Рәсәйҙең ике йөҙгә яҡын спорт ойошмаһы вәкилдәрен берләштерҙе, шулай уҡ Белорус­сия, Украина, ҡаҙағстандан ҡунаҡтар булды. Спорт форумында көнүҙәк мәсьәләләрҙе хәл итеү, тәжрибә уртаҡлашыу, эшлекле партнерҙар табыу өсөн уңайлы шарттар тыуҙырылды. Бинаның холында ҡышҡы спорт объекттарын төҙөү, проектлау һәм файҙаланыу өлкәһендә эшләүсе алдынғы компанияларҙың күргәҙмәһе менән танышырға мөмкин ине.
Конгресты асыу тантанаһынан һуң пленар өлөш башланды. “Юғары ҡаҙаныштар күрһәткесе нигеҙендә – балалар спорт үҫеше” темаһына һөйләшеүҙә БР йәштәр сәйәсәте һәм спорт министры урынбаҫары Вячеслав Чернов, Рәсәй тау саңғыһы һәм сноуборд спорты федерацияһы президенты, яҡташыбыҙ Светлана Гладышева, Рәсәй биатлонсылар союзы вице-президенты Дмитрий Алексашин, ИТАР-ТАСС мәғлүмәт агентлығының сығарыусы мөхәррире Василий Барышников, “Ингос­страх” страховкалау компанияһының генераль директоры Алексей Соколов һәм башҡалар сығыш яһаны.
Дмитрий Алексашин билдәләүенсә, Рәсәйҙең илле төбәгендә егерме меңгә яҡын кеше биатлон менән шөғөлләнә, Башҡортостан, Удмуртия, Сведловск, Төмән, Красноярск һәм Мәскәүҙә был спорт төрө айырыуса яҡшы үҫешә. “Балалар араһында биатлонға ылығыусылар аҙ. Был ошо өлкәлә эшләүсе педагог-спортсыларҙың етешмәүенә, илдең “ҡорал тураһындағы” законы эшебеҙгә аяҡ салыуына бәйле”, – тине ул.
Вячеслав Чернов республикала тиҙҙән буласаҡ өс мөһим спорт сараһы тураһында һөйләне. Шунан конгресс ҡунаҡтарына “Йәйге биатлон – 2012” донъя чемпионаты, йәштәр командалары араһында 2013 йылда уҙасаҡ хоккей буйынса донъя чемпионаты һәм Халыҡ-ара балалар уйындарының презентациялары тәҡдим ителде.

Г. БИКМӘТОВА.
Ю. КӘРИМОВ фотоһы.










Оҡшаш яңылыҡтар



«Өфө»гә VAR системаһы ярҙамға килә

Бәлки, “Зенит”ҡа ла сират етер...

Олимпия уйындарына  путевка яуланылар

Линус УМАРК, “Салауат Юлаев” командаһы һөжүмсеһе: “Беҙ киләһе Гагарин  кубогын яулаясаҡбыҙ”

Синхрон йөҙөүҙә Рәсәйгә етеүсе юҡ

Рәсәй Премьер-лига  чемпионаты юлға сыға

Панарин 100 миллион  долларҙан баш тартты…

II Европа  уйындары  тамамлана

«Салауат Юлаев» клубы  пландары менән уртаҡлашты

Үҙҙәрен Бразилия уйынсылары кеүек тойҙо

«Өфө» элитала урынын һаҡлап ҡалды

Дацюк Екатеринбургҡа  юлланды

«Бронза» өсөн ҡыуанырға кәрәк

«Алтын»дан да башҡа баһа юҡ

Эштә лә, уҡыуҙа ла,  спортта ла алда баралар

Итальяндар ҙа  хоккей уйнарға өйрәнер

ЦСКА  «Гагарин»ды яуланы

ЦСКА «Гагарин»ға  бер аҙым яһаны

Улар еңелмәне…

13.04.2019 - Спорт Улар еңелмәне…


«Салауат Юлаев» сенсацияһын дауам итте

Кимәленән  сыға алманылар

Өфө боҙо тайғаҡ шул...  йәки «Автомобилист»ың шиптары шымарҙы ахыры

Милли көрәшкә – яңы һулыш

«Йәншишмә» гәзите призына